Hisense A7h Tornado 2 0 Smart Tv Launched In India Check Price Specifications Feature
Hisense A7h Tornado 2.0 : 102వాట్ల జేబీఎల్ స్పీకర్లతో కొత్త 4K Smart TV లాంచ్.. ధర ఎంతంటే..!
Hisense A7H Tornado 2.0 Smart TV : హైసెన్స్ నుంచి మంచి స్పెసిఫికేషన్లతో 55 ఇంచుల 4కే స్మార్ట్ టీవీ లాంచ్ అయింది. టోర్నడో 2.0 పేరుతో వచ్చిన ఈ టీవీ.. సౌండ్ సిస్టమ్ ప్రత్యేకంగా ఉంది. ఇప్పటికే ఈ టీవీ అమ్మకానికి అందుబాటులోకి వచ్చింది.
Authored byKrishna Prakash | Samayam Telugu29 Sep 2022, 11:07 am
హైసెన్స్ (Hisense) బ్రాండ్ నుంచి భారత మార్కెట్‌లోకి మరో అదిరిపోయే స్మార్ట్ టీవీ (Smart TV) వచ్చేసింది. 55 ఇంచుల 4కే LED డిస్‌ప్లేతో హైసెన్స్ ఏ7హెచ్ టోర్నడో 2.0 (Hisense A7H Tornado 2.0) లాంచ్ అయింది. ముఖ్యంగా 102 వాట్ల సౌండ్ ఔట్‌పుట్ ఉండే JBL స్పీకర్లు ఈ టీవీకి ముఖ్యమైన హైలైట్‌గా ఉన్నాయి. ఆండ్రాయిడ్‌ టీవీ ఆపరేటింగ్ సిస్టమ్‌పై రన్ అవుతుంది. Hisense A7H Tornado 2.0 ధర, సేల్‌, పూర్తి స్పెసిఫికేషన్లు, ఫీచర్లు ఎలా ఉన్నాయంటే..
Samayam TeluguHisense A7H Tornado 2.0 స్మార్ట్ టీవీ లాంచ్ (Photo: Hisense)
Hisense A7H Tornado 2.0 స్పెసిఫికేషన్లు, ఫీచర్లు 4K (3840x2160 పిక్సెల్స్) రెజల్యూషన్ ఉన్న 55 ఇంచుల డిస్‌ప్లేతో హైసెన్స్ ఏ7హెచ్ టోర్నడో 2.0 స్మార్ట్ టీవీ వస్తోంది. 178 డిగ్రీల వైడ్ వ్యూయింగ్ యాంగిల్స్ ఉంటుంది. మెరుగైన పిక్చర్ క్వాలిటీ, కలర్స్ ఆటోమేటిక్‌గా అడ్జస్ట్ అయ్యేలా డాల్బీ విజన్ ఫీచర్‌, హెచ్‌డీఆర్10+ సపోర్ట్‌ను కలిగి ఉంది. గేమింగ్ కోసం ఆటో లో ల్యాటెన్స్ మోడ్ (ALLM), వేరియబుల్ రిఫ్రెష్ రేట్ (VRR) ఫీచర్లు ఉంటాయి.
ఆండ్రాయిడ్‌ టీవీ బేస్డ్ గూగుల్ టీవీ యూఐపై Hisense A7H Tornado 2.0 రన్ అవుతుంది. గూగుల్ క్రోమ్‌కాస్ట్, గూగుల్ వాయిస్ అసిస్టెంట్, యాపిల్ ఎయిర్‌ప్లే‌కు సపోర్ట్ చేస్తుంది. వైఫై, బ్లూటూత్, మూడు హెచ్‌డీఎంఐ పోర్ట్‌లు, రెండు యూఎస్‌బీ పోర్ట్‌లు, ఆడియో పోర్ట్, ఎథెర్‌నెట్ పోర్ట్ కనెక్టివిటీ ఆప్షన్లుగా ఉన్నాయి. పాపులర్ ఓటీటీ యాప్స్‌కు ఈ టీవీ సపోర్ట్ చేస్తుంది. యాప్స్, గేమ్స్‌ను గూగుల్ ప్లే స్టోర్ నుంచి డౌన్‌లోడ్ చేసుకోవచ్చు. 2జీబీ ర్యామ్, 16జీబీ ఇంటర్నల్ స్టోరేజ్‌ను ఈ హైసెన్స్ నయా స్మార్ట్ టీవీ కలిగి ఉంది.
Hisense A7H Tornado 2.0 ధర, సేల్‌ హైసెన్స్ ఏ7హెచ్ టోర్నడో 2.0.. 55 ఇంచుల 4K స్మార్ట్ టీవీ ధర ప్రస్తుతం రూ.44,990గా ఉంది. ఇప్పటికే ఈ-కామర్స్ సైట్లు ఫ్లిప్‌కార్ట్‌, అమెజాన్‌లో సేల్‌కు వచ్చింది. త్వరలో 50 ఇంచుల డిస్‌ప్లే వేరియంట్ కూడా అందుబాటులోకి రానుంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
