నోకియా 6300, 8000 4జీ ఫీచర్ ఫోన్లు వచ్చేశాయ్.. ధర, ఫీచర్లు ఇవే!

ప్రముఖ స్మార్ట్ ఫోన్ బ్రాండ్ నోకియా రెండు కొత్త ఫీచర్ ఫోన్లను లాంచ్ చేసింది. అవే నోకియా 8000 4జీ, నోకియా 6300 4జీ. ఈ ఫోన్ల గురించి ఈ మధ్యే వార్తలు కూడా వచ్చాయి. ఈ రెండు ఫోన్లూ క్వాల్ కాం స్నాప్ డ్రాగన్ 210 ప్రాసెసర్‌పై పని చేయనున్నాయి. 1,500 ఎంఏహెచ్ బ్యాటరీని ఇందులో అందించారు. నోకియా 8000 4జీలో 2 మెగాపిక్సెల్ కెమెరాను అందించారు. ఇందులో ఫ్లాష్ కూడా ఉంది. నోకియా 6300 4జీలో వీజీఏ కెమెరాను అందించారు. ఈ రెండిట్లోనూ కీప్యాడ్‌ను కూడా అందించారు.

Also Read: రూ.12 వేల లోపే శాంసంగ్ ఎఫ్41.. ఫ్లిప్‌కార్ట్ అదిరిపోయే ఆఫర్!

నోకియా 8000 4జీ, నోకియా 6300 4జీ ధర
నోకియా 8000 4జీ ధరను 79 యూరోలుగా(సుమారు రూ.6,900) అందించారు. ఓనిక్స్ బ్లాక్, ఓపల్ బ్లాక్, టోపాజ్ బ్లూ, సిన్‌ట్రైన్ గోల్డ్ రంగుల్లో ఈ ఫోన్ లాంచ్ అయింది. ఇక నోకియా 6300 4జీ ధర 49 యూరోలుగా(సుమారు రూ.4,300) ఉంది. సియాన్ గ్రీన్, లైట్ చార్‌కోల్, పౌడర్ వైట్ రంగుల్లో ఈ ఫోన్ అందుబాటులో ఉంది. ఈ రెండు ఫోన్లూ ప్రస్తుతానికి కొన్ని దేశాల్లో మాత్రమే అందుబాటులో ఉంది. మనదేశంలో ఎప్పుడు లాంచ్ అవుతుందో కంపెనీ తెలపలేదు.

నోకియా 8000 4జీ, 6300 4జీ స్పెసిఫికేషన్లు, ఫీచర్లు
ఈ రెండు ఫోన్లలోనూ కైఓఎస్, డ్యూయల్ సిమ్(నానో + నానో) ఫీచర్లు అందించారు. నోకియా 8000 4జీలో 2.8 అంగుళాల క్యూవీజీఏ డిస్ ప్లేను అందించారు. 6300 4జీలో 2.4 అంగుళాల క్యూవీజీఏ డిస్ ప్లే ఉంది. ఈ రెండు ఫోన్లూ క్వాల్ కాం స్నాప్ డ్రాగన్ 210 ప్రాసెసర్‌పై పనిచేయనున్నాయి. దీన్ని మైక్రో ఎస్‌డీ కార్డు ద్వారా 32 జీబీ వరకు పెంచుకోవచ్చు. నోకియా 8000 4జీలో 512 ఎంబీ ర్యామ్‌ను అందించారు.

Also Read: ఈ టీవీని అడ్డంగా, నిలువుగా ఎలాగైనా తిప్పుకోవచ్చు.. వినూత్నమైన టీవీ లాంచ్ చేసిన శాంసంగ్!

నోకియా 8000 4జీలో వెనకవైపు 2 మెగాపిక్సెల్ కెమెరాను అందించారు. నోకియా 6300 4జీలో వీజీఏ కెమెరా అందుబాటులో ఉంది. ఈ రెండు ఫోన్లలో ఫ్లాష్ లైట్ కూడా ఉంది. వీటిలో 1500 ఎంఏహెచ్ బ్యాటరీ అందుబాటులో ఉంది. ఈ రెండు ఫోన్లలో మైక్రో ఎస్‌డీ కార్డు స్లాట్ ఉంది. 3.5 ఎంఎం హెడ్‌ఫోన్ జాక్ కూడా ఇందులో అందించారు. ఎఫ్ఎం రేడియో, ఏ-జీపీఎస్ కనెక్టివిటీ ఫీచర్లు ఇందులో ఉన్నాయి. నోకియా 8000 4జీ మందం 1.23 సెంటీమీటర్లుగా ఉండగా, బరువు 110.2 గ్రాములుగా ఉంది. నోకియా 6300 4జీ మందం 1.37 సెంటీమీటర్లుగా ఉండగా, బరువు 104.7 గ్రాములుగా ఉంది.