ఆన్‌లైన్‌లో కనిపించిన నోకియా కేబుల్.. లీకైన ఫీచర్లు ఇవే!

హెచ్ఎండీ గ్లోబల్ కొత్త నోకియా ఫోన్‌ను రూపొందిస్తున్నట్లు తెలుస్తోంది. దీనికి కేబుల్ అనే కోడ్ నేమ్‌ను పెట్టారు. ఈ ఫోన్ గీక్ బెంచ్‌లో కనిపించినట్లు తెలుస్తోంది. దీనికి సంబంధించిన స్పెసిఫికేషన్లను కూడా లీకయ్యాయి. ఈ ఫోన్ ఆండ్రాయిడ్ 10 ఆపరేటింగ్ సిస్టంపై పనిచేయనుంది. ఈ ఫోన్ గీక్ బెంచ్ సింగిల్ కోర్ టెస్టులో 100 పాయింట్లను, మల్టీకోర్ టెస్టులో 280 పాయింట్లను సాధించింది. క్వాల్ కాం స్నాప్ డ్రాగన్ ప్రాసెసర్‌పై ఈ ఫోన్ పనిచేయనుంది. హెచ్ఎండీ గ్లోబల్ మార్వెల్ సూపర్ హీరోల పేర్లను ఫోన్లకు పెట్టే ట్రెండ్‌ను కొనసాగిస్తూనే ఉంది. ఎందుకంటే కేబుల్ అంటే డెడ్ పూల్ 2 సినిమాలో ఒక క్యారెక్టర్ పేరు.

Also Read: సంచలన నిర్ణయం తీసుకున్న పోకో.. ఏకంగా సొంత కుంపటి!

గీక్ బెంచ్ లిస్టింగ్ ప్రకారం నోకియా కేబుల్‌ను మొదట నోకియా మొబ్ గుర్తించింది. ఈ లిస్టింగ్ ప్రకారం ఏఆర్ఎం క్వాల్ కాం క్వాడ్ కోర్ ప్రాసెసర్‌తో రానుంది. దీని క్లాక్ స్పీడ్ 1.3 గిగా హెర్ట్జ్‌గా ఉండనుంది. ఈ లిస్టింగ్‌ను అక్టోబర్‌లో అప్ డేట్ చేశారు.

నోకియా 8000 4జీ, 6300 4జీ ఫీచర్ ఫోన్లను మనదేశంలో ఇప్పటికే లాంచ్ చేసింది. ఈ రెండు ఫోన్లూ క్వాల్ కాం స్నాప్ డ్రాగన్ 210 ప్రాసెసర్‌పై పనిచేయనున్నాయి. 1,500 ఎంఏహెచ్ రిమూవబుల్ బ్యాటరీని ఇందులో అందించారు. నోకియా 8000 4జీ ఓనిక్స్ బ్లాక్, ఓపల్ వైట్, టొపాజ్ బ్లూ, సింట్రిన్ గోల్డ్ కలర్ ఆప్షన్లలో రానుంది. ఇక నోకియా 6300 4జీ సియాన్ గ్రీన్, లైట్ చార్ కోల్, పౌడర్ వైట్ రంగుల్లో లాంచ్ కానుంది.

Also Read: ఏకంగా నాలుగు ఫోన్లపై ధర తగ్గింపును అందించిన ఒప్పో.. ఏయే ఫోన్లపై ఎంత తగ్గిందంటే?

నోకియా 8000 4జీలో వెనకవైపు 2 మెగాపిక్సెల్ కెమెరాను అందించారు. నోకియా 6300 4జీలో వీజీఏ కెమెరా ఉంది. ఈ రెండిట్లోనూ వెనకవైపు ఫ్లాష్‌ను అందించారు. ఇక డిస్ ప్లే విషయానికి వస్తే.. నోకియా 8000 4జీలో 2.8 అంగుళాల క్యూవీజీఏ డిస్ ప్లేను అందించగా, నోకియా 6300 4జీలో 2.4 అంగుళాల క్యూవీజీఏ డిస్ ప్లేను అందించారు.