Infinix Note 12 5g Series Set To Launch In India Today Know Details
Infinix Note 12 5G Series India launch : ఇన్ఫినిక్స్ నోట్ 12 5జీ సిరీస్ లాంచ్ నేడే - 108 MP కెమెరా, AMOLED డిస్‌ప్లేతో..!
Infinix Note 12 5G Series launch : ఇన్ఫినిక్స్ నోట్ 12 5జీ సిరీస్ నేడు భారత్‌లో అడుగుపెట్టనుంది. ఈ సిరీస్‌లో ఓ ఫోన్ అమోలెడ్ డిస్‌ప్లే, 108 మెగాపిక్సెల్ కెమెరాతో తీసుకొస్తున్నట్టు ఇన్ఫినిక్స్ ఇప్పటికే టీజ్ చేసింది. ప్రో మోడల్‌కు 108 మెగాపిక్సెల్ కెమెరా ఉండొచ్చని తెలుస్తోంది.
Infinix Note 12 5G Series : నోట్ 12 5జీ సిరీస్‌ను లాంచ్ చేసేందుకు ఇన్ఫినిక్స్ (Infinix) రెడీ అయింది. భారత్‌లో నేడు (జూలై 8) ఇన్ఫినిక్స్ నోట్ 12 5జీ సిరీస్ (Infinix Note 12 5G Series) విడుదల కానుంది. ఈ సిరీస్‌లో ఇన్ఫినిక్స్ నోట్ 12 5జీ (Infinix Note 12 5G), నోట్ 12 ప్రో 5జీ (Infinix Note 12 Pro 5G) ఉండే అవకాశం ఉంది. ఈ సిరీస్ గురించి కొద్దిరోజులుగా టీజ్ చేస్తూ వస్తున్న ఇన్ఫినిక్స్ ఎట్టకేలకు ఇటీవల లాంచ్ డేట్‌ను ప్రకటించింది. ఈనెల 8వ తేదీన విడుదల చేయనున్నట్టు పేర్కొంది. దీంతో పాటు కొన్ని స్పెసిఫికేషన్లను టీజ్ చేసింది. ఈ సిరీస్‌లోని ఓ స్మార్ట్‌ఫోన్ స్మార్ట్‌ఫోన్‌లు 108 MP ప్రధాన కెమెరా, AMOLED డిస్‌ప్లేను కలిగి ఉంటుందని వెల్లడించింది. అయితే ప్రో మోడల్‌కే 108 మెగాపిక్సెల్ కెమెరా ఉండే అవకాశం ఉంది. నోట్ 12 5జీ 50 మెగాపిక్సెల్ ప్రధాన కెమెరాను కలిగి ఉండొచ్చు. హాలీవుడ్ సినిమా థార్: లవ్ అండ్ థండర్స్‌ (Thor: Love and Thunders)కు చెందిన థ్రిల్ అండ్ థండర్ లైన్స్‌ను ఇన్ఫినిక్స్ వాడుకుంది. అంటే లైట్నింగ్ బోల్ట్ డిజైన్‌లో Infinix Note 12 5G Seriesలో ఓ ఫోన్‌ను తీసుకొచ్చే అవకాశం కనిపిస్తుంది.
Samayam Teluguఇన్ఫినిక్స్ నోట్ 12 5జీ సిరీస్ లాంచ్ నేడే (Photo: Infinix)
ఈ-కామర్స్ సైట్ ఫ్లిప్‌కార్ట్‌ (Flipkart) లో ఇన్ఫినిక్స్ నోట్ 12 5జీ సిరీస్ లిస్ట్ అయింది. ఈ పేజ్‌ ద్వారా ఇన్ఫినిక్స్ డిస్‌ప్లే, కెమెరాను టీజ్ చేసింది. ముఖ్యంగా డిజైన్‌ను హైలైట్ చేస్తూ ఫొటోలను రివీల్ చేసింది.
ఇన్ఫినిక్స్ నోట్ 12 ప్రో సిరీస్ మొబైళ్లు వెనుక మూడు కెమెరాల సెటప్‌తో రానున్నాయని ఫొటోల ద్వారా తెలుస్తోంది. 108 మెగాపిక్సెల్ ప్రధాన కెమెరాగా ఉంటుందని ఇన్ఫినిక్స్ వెల్లడించింది. అలాగే 6.7 ఇంచుల ఫుల్ హెచ్‌డీ+ AMOLED డిస్‌ప్లే ఉంటుందని తెలిపింది. ఇక మిగిలిన వివరాలను టీజ్ చేయలేదు. ఫ్రంట్ కెమెరా కోసం డిస్‌ప్లే పైమధ్య భాగంలో వాటర్ డ్రాప్ నాచ్ ఉంటుంది.
థార్: లవ్ అండ్ థండర్ మూవీతో ఈ సిరీస్‌ను ప్రమోషన్ చేస్తుండడంతో ఇన్ఫినిక్స్ నోట్ 12 5జీ మొబైల్స్‌లో ఈ సినిమాకు సంబంధించిన వాల్ పేపర్స్ ఉండొచ్చు. డిజైన్‌లోనూ ఈ ప్రభావం ఉంటుందని అంచనా.
ఇన్ఫినిక్స్ నోట్ 12 5జీ (Infinix Note 12 5G) గురించి కొన్ని స్పెసిఫికేషన్లు లీక్‌ల ద్వారా వెలువడ్డాయి. మీడియాటెక్ డైమన్సిటీ ప్రాసెసర్‌తో ఈ ఫోన్ వస్తుందని తెలుస్తోంది. 5000mAh బ్యాటరీ, ఫాస్ట్ చార్జింగ్ సపోర్ట్‌తో లాంచ్ అవుతుందని సమాచారం. ప్రధాన కెమెరా 50 మెగాపిక్సెల్ ఉండనుండగా.. 2 మెగాపిక్సెల్ డెప్త్, 2 మెగాపిక్సెల్ మాక్రో కెమెరా ఉంటుందని అంచనాలు వెలువడ్డాయి. 16 మెగాపిక్సెల్ ఫ్రంట్ కెెమెరా ఉండొచ్చు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
