Infinix Zero 5G Sale offers: ఇన్ఫినిక్స్ తొలి 5జీ ఫోన్ సేల్ మొదలు.. ఒక్క రూపాయికే రూ.999 విలువైన టీడబ్ల్యూఎస్.. రూ.4,499కే మొబైల్ దక్కించుకునే అవకాశం!

Infinix Zero 5G మొబైల్ సేల్ భారత్‌లో మొదలైంది. ఇన్ఫినిక్స్ (Infinix) నుంచి వచ్చిన ఈ తొలి 5జీ మొబైల్ అమ్మకాలు శుక్రవారం ప్రారంభమయ్యాయి. 120 హెట్జ్ డిస్‌ప్లే, మీడియాటెక్ డైమంసిటీ 900 ప్రాసెసర్‌ సహా ఆకట్టుకునే ఫీచర్లతో రూ.20వేలలోపు ధరతో ఈ మొబైల్ వచ్చింది. ముఖ్యంగా మిడ్‌రేంజ్ 5జీ విభాగంలో మంచి ఆప్షన్‌గా నిలుస్తోంది. మరి Infinix Zero 5G ధర, ఫస్ట్ సేల్ సందర్భంగా ఎలాంటి ఆఫర్లు ఉన్నాయో చూడండి.

Infinix Zero 5G ధర, సేల్ ఆఫర్లు
ఇన్ఫినిక్స్ జీరో 5జీ మొబైల్ ఒకే వేరియంట్‌లో విడుదలైంది. 8జీబీ ర్యామ్ + 128జీబీ స్టోరేజ్ ఉన్న ఈ మొబైల్ ధర రూ.19,999గా ఉంది. ప్రముఖ ఈకామర్స్ సంస్థ ఫ్లిప్‌కార్ట్‌లో ఈ మొబైల్ కొనుగోలు చేయవచ్చు. కాస్మిక్ బ్లాక్, స్కైలైట్ ఆరెంజ్ కలర్ ఆప్షన్లలో Infinix Zero 5G లభ్యమవుతోంది.

• ఫ్లిప్‌కార్ట్‌లో Infinix Zero 5G మొబైల్ కొంటే ఇన్ఫినిక్స్ స్నోకోర్ బ్లూటూత్ టీడబ్ల్యూఎస్ ఇయర్‌బడ్స్‌ను ఒక్క రూపాయికే దక్కించుకోవచ్చు.
• అలాగే ఒకవేళ యూపీఐ పేమెంట్ చేస్తే అదనంగా రూ.500 డిస్కౌంట్ లభిస్తుంది. అంటే రూ.19,499కే ఈ ఫోన్ కొనుగోలు చేయవచ్చు.
• మరోవైపు భారీ ఎక్స్చేంజ్ ఆఫర్ కూడా అందుబాటులో ఉంది. ఎక్స్చేంజ్‌పై గరిష్ఠంగా రూ.15,500 డిస్కౌంట్ లభిస్తుంది. అంటే రూ.4,499కే ఫోన్ దక్కించుకోవచ్చు. అయితే ఎక్స్చేంజ్‌కు ఇచ్చే పాత మొబైల్ కండీషన్, మోడల్‌ను బట్టి ఆఫర్ వర్తిస్తుంది.
• ఒకవేళ ఫ్లిప్‌కార్ట్ యాక్సిస్ బ్యాంకు క్రెడిట్ కార్డు ఉంటే 5శాతం డిస్కౌంట్ వస్తుంది.
• రూ.1,667తో ప్రారంభమయ్యే నోకాస్ట్ ఈఎంఐ సదుపాయాన్ని కూడా ఫ్లిప్‌కార్ట్ అందిస్తోంది.

Infinix Zero 5G స్పెసిఫికేషన్లు
6.78 ఇంచుల ఫుల్ హెచ్‌డీ+ ఐపీఎస్ ఎల్‌టీపీఎస్ డిస్‌ప్లేతో Infinix Zero 5G మొబైల్ వస్తోంది. 120 హెట్జ్ రిఫ్రెష్ రేట్, 240 టచ్ సాంప్లింగ్ రేట్‌కు ఈ డిస్‌ప్లే సపోర్ట్ చేస్తుంది. మీడియాటెక్ డైమంసిటీ 900 ప్రాసెసర్ ఈ మొబైల్‌లో ఉంది. ఇన్ఫినిక్స్ జీరో 5జీ మొబైల్ వెనుక నాలుగు కెమెరాల సెటప్ ఉంది. 48 ఎంపీ ప్రధాన కెమెరా, 13 ఎంపీ పోట్రయిట్ సెన్సార్, 2 ఎంపీ డెప్త్ షూటర్ ఉన్నాయి. అలాగే 16 మెగాపిక్సెల్ ఫ్రంట్ కెమెరాను పొందపరిచింది ఇన్ఫినిక్స్.

Infinix Zero 5G మొబైల్ 128జీబీ ఇంటర్నల్ స్టోరేజీతో వస్తుండగా.. దాన్ని పొడిగించుకునేందుకు మైక్రో ఎస్‌డీ కార్డు స్లాట్ కూడా ఉంది. 5జీ, 4జీ ఎల్‌టీఈ, వైఫై 6, బ్లూటూత్ వీ5, జీపీఎస్/ఏ-జీపీఎస్, యూఎస్‌బీ టైప్-సీ, 3.5 ఎంఎం హెడ్‌ఫోన్ జాక్ లాంటి కనెక్టివిటీ ఆప్షన్లు ఉన్నాయి. 5000 ఎంఏహెచ్ బ్యాటరీతో వచ్చిన ఈ మొబైల్ 33వాట్ల ఫాస్ట్ చార్జింగ్‌కు సపోర్టు చేస్తుంది. మొత్తంగా ఈ ఫోన్ 199 గ్రాముల బరువు ఉంటుంది.
Also Read: Infinix Zero 5G ఇన్ఫినిక్స్ తొలి 5జీ ఫోన్ వచ్చేసింది - స్పెసిఫికేషన్లు, ధర ఎలా ఉన్నాయంటే?
Also Read: Infinix vs Tecno : ఈ బ్రాండ్ల నుంచి తొలి 5జీ ఫోన్లు - ధర ఒకటే.. ఏది బెస్ట్?
Also Read: రూ.6000 లోపు ధర, 4000mAh బ్యాటరీతో ఐటెల్ స్మార్ట్‌ఫోన్‌ విడుదల.. స్పెసిఫికేషన్లు, ఫీచర్లు ఇవే | Itel A27 launched in India
Also Read: Vivo T1 5G: స్లిమ్ డిజైన్, అదిరే స్పెసిఫికేషన్లతో వివో టీ1 5జీ బడ్జెట్ ఫోన్ విడుదల.. ఫీచర్లు, ధర ఎలా ఉన్నాయంటే