Infinix Zero Ultra 5G : 200 MP కెమెరా, 180W ఫాస్ట్ చార్జింగ్‌తో రానున్న ఇన్ఫినిక్స్ మొబైల్‌! ధర ఎంత ఉండొచ్చంటే..

Infinix Zero Ultra 5G Specifications : ఇప్పటి వరకు బడ్జెట్ స్మార్ట్‌ఫోన్‌లపై ఎక్కువగా దృష్టి పెట్టిన ఇన్ఫినిక్స్ (Infinix) బ్రాండ్.. అదిరిపోయే స్పెసిఫికేషన్లతో ఓ 5జీ మొబైల్‌ను తెచ్చేందుకు సిద్దమవుతోంది. కొన్ని ఫ్లాగ్‌షిప్‌ స్పెసిఫికేషన్లతో.. ప్రీమియమ్ మిడ్ రేంజ్‌లోనే స్మార్ట్‌ఫోన్‌ను తీసుకురానుంది. ఇన్ఫినిక్స్ జీరో అల్ట్రా 5జీ (Infinix Zero Ultra 5G) పేరుతో ఈ ఫోన్‌‌ను ఇన్ఫినిక్స్ లాంచ్ చేయనుంది. ఈ ఫోన్‌కు సంబంధించిన కీలక స్పెసిఫికేషన్లు తాజాగా లీకయ్యాయి. లాంచ్ టైమ్‌లైన్ అంచనాలు కూడా బయటికి వచ్చాయి.

Infinix Zero Ultra 5G స్పెసిఫికేషన్లు
ఇన్ఫినిక్స్ జీరో అల్ట్రా 5జీ కీలక స్పెసిఫికేషన్లను టిప్‌స్టర్ పరాస్ గుగ్లానీ లీక్ చేశారు. దీంతోపాటు టెక్ఎరీనా24 అనే యూట్యూబ్ చానెల్ ద్వారా కూడా ఈ ఫోన్‌కు సంబంధించిన కొన్ని వివరాలు బయటికి వచ్చాయి.

లీక్‌ల ప్రకారం, కర్వ్‌డ్ AMOLED డిస్‌ప్లేతో Infinix Zero Ultra 5G వస్తుందని తెలుస్తోంది. డిస్‌ప్లే సైజ్ 6.7 ఇంచులు ఉండనుండగా.. హైరిఫ్రెష్ రేట్‌ను కలిగి ఉంటుందని సమాచారం వెల్లడైంది. ఇన్‌ డిస్‌ప్లే ఫింగర్‌ప్రింట్ స్కానర్ ఉంటుంది.

కెమెరా విషయంలో Infinix Zero Ultra 5G ఆశ్చర్యపరిచే అవకాశాలు ఉన్నాయి. ఈ మొబైల్‌ ఏకంగా 200 మెగాపిక్సెల్ ప్రధాన కెమెరాతో వస్తుందని లీక్‌లు వచ్చాయి. అది కూడా మిడ్ రేంజ్‌ ధరలో ఈ కెమెరాతో రావడం ప్రత్యేకంగా ఉంటుంది.

ఎక్కువ సామర్థ్యమున్న ఫాస్ట్ చార్జింగ్ టెక్నాలజీను ఈ మొబైల్‌ కలిగి ఉంటుంది. 180వాట్ల థండర్ చార్జ్ టెక్నాలజీతో Infinix Zero Ultra 5G ఫోన్‌ రానుందని సమాచారం. 4,700mAh బ్యాటరీ ఉండొచ్చు. ఆండ్రాయిడ్‌ 12 ఆధారత XOS ఆపరేటింగ్ సిస్టమ్‌తో ఈ మొబైల్‌ లాంచ్ అవుతుందని అంచనా. మీడియాటెక్ డైమన్సిటీ 920 ప్రాసెసర్‌ ఈ మొబైల్‌లో ఉంటుందని తెలుస్తోంది.

Infinix Zero Ultra 5G లాంచ్ టైమ్‌లైన్
ఇన్ఫినిక్స్ జీరో అల్ట్రా 5జీ స్మార్ట్‌ఫోన్‌ సెప్టెంబర్ నెలాఖర్లో లేదా అక్టోబర్ మొదట్లో విడుదలయ్యే అవకాశాలు అధికంగా ఉన్నాయి. ముందుగా ఇండియాలోనే ఈ ఫోన్‌ అడుగుపెట్టనుంది. రెండు కలర్ ఆప్షన్స్‌లో లభిస్తుందని అంచనా.

Infinix Zero Ultra 5G ధర రూ.25,000 నుంచి రూ.30,000 మధ్య ఉంటుందని అంచనాలు వెలువడుతున్నాయి. అంటే ప్రీమియమ్ మిడ్ రేంజ్‌ ధరలోనే భారీ స్పెసిఫికేషన్లతో ఈ ఫోన్‌ అడుగుపెట్టనుందని తెలుస్తోంది.

కాగా, ఈ ఏడాదే ఇన్ఫినిక్స్ తన తొలి 5జీ స్మార్ట్‌ఫోన్‌ను లాంచ్ చేసింది. ఇన్ఫినిక్స్ జీరో 5జీ పేరుతో ఇది వచ్చింది. ఈ స్మార్ట్‌ఫోన్‌ ప్రస్తుత ప్రారంభ ధర ఫ్లిప్‌కార్ట్‌లో రూ.16,999గా ఉంది.