iQoo Z6 Lite 5G Price : ఐకూ నయా 5జీ స్మార్ట్‌ఫోన్‌ ఇంత తక్కువ ధరకు రానుందా! లాంచ్‌కు ముందే వివరాలు లీక్
iQoo Z6 Lite 5G price : ఐకూ జెడ్6 లైట్ 5జీ ధర లీకైంది. లాంచ్‌కు ముందే ఈ వివరాలు బయటికి వచ్చాయి. ఇదే జరిగితే ఐకూలో చౌకైన 5జీ స్మార్ట్‌ఫోన్‌ ఇదే కానుంది.
iQoo Z6 Lite 5G Price : ఐకూ బ్రాండ్ నుంచి బడ్జెట్ రేంజ్‌లో 5జీ స్మార్ట్‌ఫోన్‌ లాంచ్ కానుంది. ఐకూ జెడ్6 లైట్ 5జీ (iQoo Z6 Lite 5G) గా ఇది రానుంది. ఈనెల 14వ తేదీన భారత్‌లో విడుదల కానుంది. స్నాప్‌డ్రాగన్ 4 జెన్ 1 ప్రాసెసర్‌తో రానున్న తొలి స్మార్ట్‌ఫోన్‌ ఇదే. దీన్ని ఐకూ ప్రధానంగా హైలైట్ చేస్తోంది. ఈ బడ్జెట్ 5జీ ప్రాసెసర్‌ను క్వాల్‌కామ్‌ ఇటీవలే తీసుకురాగా.. ముందుగా ఐకూ వినియోగించింది. ఈ-కామర్స్ సైట్ అమెజాన్‌లో iQoo Z6 Lite 5G లిస్ట్ అయింది. క్రమంగా ఒక్కో స్పెసిఫికేషన్‌ను ఐకూ టీజ్ చేస్తూ వచ్చింది. అయితే విడుదలకు ముందే ధర వివరాలు లీకయ్యాయి. దీంతో ఐకూ చౌకైన 5జీ స్మార్ట్‌ఫోన్‌గా ఇది ఉంటుందని తెలుస్తోంది.
Samayam Teluguఐకూ జెడ్6 లైట్ 5జీ ధర లీక్ (Photo: iQoo)
iQoo Z6 Lite 5G ధర లీక్ ప్రకారం, 4జీబీ ర్యామ్ + 64జీబీ స్టోరేజ్ ఉండే ఐకూ జెడ్6 లైట్ 5జీ స్మార్ట్‌ఫోన్‌ బేస్ వేరియంట్ ధర రూ.13,499గా ఉంటుంది. 6జీబీ ర్యామ్ + 128జీబీ స్టోరేజ్ ఉండే మోడల్ రూ.14,999 ధరతో వచ్చే అవకాశం ఉంది. ఐకూ జెడ్ 6 సిరీస్‌లో ఐదో మొబైల్‌గా ఈనెల 14వ తేదీన iQoo Z6 Lite 5G అడుగుపెట్టనుంది. ఇప్పటికే కీలక స్పెసిఫికేషన్లు వెల్లడయ్యాయి.
iQoo Z6 Lite 5G స్పెసిఫికేషన్లు ఐకూ జెడ్6 లైట్ 5జీ మొబైల్‌లో స్నాప్‌డ్రాగన్ 4 జెన్ 1 ప్రాసెసర్‌ ఉంటుంది. మీడియాటెక్ డైమన్సిటీ 700 ప్రాసెసర్‌ కన్నా అంటూటు (AnTuTu) బెంచ్‌మార్క్‌ టెస్ట్‌లో 4 జెన్ 1 ఎక్కువ స్కోర్ చేసిందని ఐకూ పేర్కొంది. బడ్జెట్ రేంజ్‌లో బెస్ట్ 5జీ పర్ఫార్మెన్స్ ఫోన్ అనేలా హైలైట్ చేస్తోంది. కాగా, 120Hz రిఫ్రెష్ రేట్ ఉండే Full HD+ LCD డిస్‌ప్లేతో ఈ మొబైల్‌ రానుంది. డిస్‌ప్లే సైజ్‌ను ఐకూ ఇంకా వెల్లడించలేదు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
