Itel A23 Pro: సేల్ మొదలైపోయింది.. ధర రూ.5 వేలలోపే.. ఇలా చేస్తే రూ.1,100 అదనపు తగ్గింపు!

ఐటెల్ ఇటీవలే లాంచ్ చేసిన ఐటెల్ ఏ23 ప్రో స్మార్ట్ ఫోన్ సేల్ మనదేశంలో ప్రారంభం అయింది. ఈ ఫోన్ ధర వేర్వేరు వెబ్ సైట్లలో వేర్వేరుగా ఉంది. అయితే ప్రస్తుతం మనదేశంలో ఉన్న అత్యంత చవకైన 4జీ స్మార్ట్ ఫోన్ ఇదే. ఆండ్రాయిడ్ 10 గో ఆపరేటింగ్ సిస్టం, 5 అంగుళాల డిస్‌ప్లే వంటి ఫీచర్లు ఇందులో ఉన్నాయి.

ఐటెల్ ఏ23 ప్రో ధర
ఈ ఫోన్ అసలు ధర రూ.4,999 కాగా, రిలయన్స్ డిజిటల్ వెబ్ సైట్, మైజియో స్టోర్, రిలయన్స్ డిజిటల్ స్టోర్లలో దీన్ని రూ.3,899కే కొనుగోలు చేయవచ్చు. ఫ్లిప్ కార్ట్‌లో దీని ధర రూ.4,199గా ఉండగా, అమెజాన్‌లో రూ.4,699గా ఉంది. సఫైర్ బ్లూ, లేక్ బ్లూ రంగుల్లో ఈ ఫోన్ కొనుగోలు చేయవచ్చు.
ఐకూ చవకైన 5జీ ఫోన్ వచ్చేస్తుంది.. జెడ్3 వచ్చేస్తుంది.. ధర?ఐటెల్ ఏ23 ప్రో స్పెసిఫికేషన్లు
ఇందులో 5.0 అంగుళాల డిస్‌ప్లేను అందించారు. స్క్రీన్ రిజల్యూషన్ 480 x 854 పిక్సెల్స్‌గా ఉంది. క్వాడ్‌కోర్ 1.4 గిగాహెర్ట్జ్‌గా ఉంది. 1 జీబీ ర్యామ్, 8 జీబీ స్టోరేజ్‌ను ఇందులో అందించారు. స్టోరేజ్‌ను మైక్రో ఎస్‌డీ కార్డు ద్వారా 32 జీబీ వరకు పెంచుకోవచ్చు. దీని బ్యాటరీ సామర్థ్యం 2400 ఎంఏహెచ్‌గా ఉంది.

ఇక కెమెరాల విషయానికి వస్తే.. ఇందులో వెనకవైపు 2 మెగాపిక్సెల్ కెమెరాను అందించారు. సెల్పీలు, వీడియో కాల్స్ కోసం ముందువైపు వీజీఏ సెన్సార్ అందుబాటులో ఉంది. సాఫ్ట్ ఫ్లాష్ కూడా అందించారు.

ఆండ్రాయిడ్ 10 గో ఎడిషన్‌పై ఈ ఫోన్ పనిచేయనుంది. ఇందులో స్మార్ట్ ఫేస్ అన్‌లాక్ ఫీచర్‌ను అందించారు. దీని ద్వారా వినియోగదారులు తమ ఫోన్లను సెక్యూర్‌గా ఉంచుకోవచ్చు. డ్యూయల్ సిమ్ ఫీచర్‌ను కూడా ఇందులో అందించారు. ఒక సిమ్ స్లాట్‌లో కేవలం జియో సిమ్ మాత్రమే ఉపయోగించవచ్చు. మరో స్లాట్‌లో మాత్రం వేరే నెట్ వర్క్ సిమ్‌లు కూడా వేసుకోవచ్చు.