Jio Fiber Brings Two New Entertainment Plans For Rs 399 Rs 699 Plans No Cost Entry For Postpaid Users
Jio Fiber : 14 OTTల సబ్‌స్క్రిప్షన్.. రూ.200కే - సెక్యూరిటీ డిపాజిట్ లేకుండా ఉచితంగా జియో ఫైబర్ కనెక్షన్.. వివరాలివే
JioFiber New Entertainment Plans : రూ.399, రూ.699 ప్లాన్‌ను ఎంచుకునే జియో ఫైబర్ (JioFiber) యూజర్లు కూడా ఓటీటీల సబ్‌స్క్రిప్షన్ పొందేలా కొత్త యాడ్‌ఆన్ ఎంటర్‌టైన్‌మెంట్ ప్లాన్‌లను జియో ప్రవేశపెట్టింది. రూ.100, రూ.200 ఉండే ఈ ఎంటర్‌టైన్‌మెంట్ ప్లాన్‌లను (Jio Fiber Entertainment Plans) మీ ప్లాన్‌కు యాడ్ చేసుకుంటే 14 ఓటీటీల వరకు సబ్‌స్క్రిప్షన్‌ను పొందవచ్చు. అయితే జియో ఫైబర్ పోస్ట్‌పెయిడ్ (JioFiber PostPaid) కస్టమర్లకే ఇది అందుబాటులోకి రానుంది. ప్రీపెయిడ్ కస్టమర్లు పోస్ట్‌పెయిడ్‌కు మారి దీన్ని వినియోగించుకోవచ్చు. అలాగే ఎలాంటి సెక్యూరిటీ డిపాజిట్, ఇన్‌స్టలేషన్ చార్జీలు లేకుండా ఉచితంగా జియో ఫైబర్ పోస్ట్ పెయిడ్ కనెక్షన్‌ను ఇవ్వనుంది జియో. పూర్తి వివరాలు చూడండి.
జియో ఫైబర్ (JioFiber) యూజర్లకు గుడ్‌న్యూస్. ఫైబర్ వినియోగదారుల కోసం కొత్త ఎంటర్‌టైన్‌మెంట్ ప్లాన్‌లను జియో ప్రకటించింది. ఒకవేళ మీరు జియో ఫైబర్ ఇప్పటికే వాడుతుంటే.. ఓటీటీల సబ్‌స్క్రిప్షన్ కావాలంటే రూ.999 లేదా అంతకంటే ఎక్కువ ప్లాన్‌లో ఉండాలి. అయితే చాలా మంది అంతకంటే తక్కువ ధర ప్లాన్‌లనే వినియోగిస్తున్నారు. అలాంటి వారికి విభిన్న ఓటీటీల సబ్‌స్క్రిప్షన్ దక్కేలా ఈ కొత్త ఎంటర్‌టైన్‌మెంట్ ప్లాన్‌లు (JioFiber Entertainment Plans) వచ్చాయి. ఒకవేళ మీరు రూ.399, రూ.699 జియో ఫైబర్ ప్లాన్‌ వాడుతుంటే.. దానికి ఎక్స్‌టెన్షన్‌గా ఈ ఎంటర్‌టైన్‌మెంట్ ప్లాన్‌ను యాడ్ చేసుకోవాల్సి ఉంటుంది. ఎంటర్‌టైన్‌మెంట్, ఎంటర్‌టైన్‌మెంట్ ప్లస్ పేరుతో రెండు ప్లాన్‌లను జియో తెచ్చింది. అయితే వీటిని జియో ఫైబర్ పోస్ట్‌పెయిడ్ కస్టమర్లకు మాత్రమే అందుబాటులోకి తెచ్చింది. ఈ నెల 22వ తేదీ నుంచి ఈ ప్లాన్‌లు లభ్యమవుతాయి. ఒకవేళ మీరు ప్రీపెయిడ్ కస్టమర్ అయితే పోస్ట్‌పెయిడ్‌కు మారి ఈ ఎంటర్‌టైన్‌మెంట్ ప్లాన్‌లను యాడ్ చేసుకోవచ్చు.
Samayam TeluguJioFiber Entertainment Plans
ఎంటర్‌టైన్‌మెంట్ ప్లాన్‌ల వివరాలు (JioFiber Entertainment Plans) మీరు ఇప్పటికే జియో ఫైబర్ రూ.399 లేదా రూ.699 ప్లాన్‌లో ఉన్నా రూ.100 ధర ఉన్న ఎంటర్‌టైన్‌మెంట్, రూ.200 ఉండే ఎంటర్‌టైన్‌మెంట్ ప్లస్ ప్లాన్‌ను యాడ్ చేసుకోవచ్చు. ఒకవేళ కొత్త పోస్ట్ పెయిడ్ కనెక్షన్ తీసుకున్నా ఎంటర్‌టైన్‌మెంట్ ప్లాన్‌ను జత చేసుకోవచ్చు.
రూ.100 ఎంటర్‌టైన్‌మెంట్ ప్లాన్‌ ద్వారా ఆరు ఓటీటీల సబ్‌స్క్రిప్షన్‌లు లభిస్తాయి. అదే రూ.200 ఎంటర్‌టైన్‌మెంట్ ప్లస్ ప్లాన్‌ ద్వారా 14 ఓటీటీ యాప్స్ సబ్‌స్క్రిప్షన్ దక్కుతుంది. 14 ఓటీటీలు ఇవే: డిస్నీ+ హాట్‌స్టార్, జీ5, సోనీ లివ్, వూట్, సన్‌నెక్స్ట్, డిస్కవరీ+, హోయిచోయ్, ఆల్ట్ బాలాజీ, ఎరోస్ నౌ, లయన్స్‌గేట్, షెమారోమీ, యూనివర్సల్+, వూట్ కిడ్స్, జియో సినిమా. మల్టిపుల్ డివైజెస్‌లో ఈ ఓటీటీలను వినియోగించుకోవచ్చని జియో పేర్కొంది.
కాగా జియో ఫైబర్‌లో నెలకు రూ.399 నుంచి రూ.3,999 వరకు విభిన్న ప్లాన్‌లు ఉంటాయి. రూ.999తో పాటు అంతకంటే ఎక్కువ ధర ఉన్న ప్లాన్‌లకు అమెజాన్ ప్రైమ్ సహా మిగిలిన ఓటీటీల సబ్‌స్క్రిప్షన్‌లు ఎలాంటి యాడ్ ఆన్స్ అవసరం లేకుండా ఉచితంగా లభిస్తాయి.
అంతా ఉచితం.. ఇన్‌స్టాలేషన్, సెట్‌టాప్ బాక్స్, రూటర్ కొత్తగా జియో ఫైబర్ పోస్ట్ పెయిడ్ కనెక్షన్ (JioFiber Postpaid Connection ) ఎంచుకునే కస్టమర్లకు బంపర్ ఆఫర్‌ ప్రకటించింది జియో. కొత్తగా పోస్ట్ పెయిడ్ కనెక్షన్ తీసుకుంటే ఇంటర్నెట్ బాక్స్ (గేట్ వే రూటర్), సెట్ టాప్‌ బాక్స్, ఇన్‌స్టాలేషన్‌ను ఉచితంగా ఇవ్వనుంది. ఏప్రిల్ 22వ తేదీ నుంచి ఇది అందుబాటులోకి వస్తుంది. దీనికి ఎలాంటి సెక్యూరిటీ డిపాజిట్, ఇన్‌స్టాలేషన్ చార్జీలు ఉండవు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
