Jio New Phone: లాంచ్ రేపే జరగనుందా? పూర్తి వివరాలు ఇవే!

రిలయన్స్ ఇండస్ట్రీస్ సంస్థ 43వ వార్షిక సదస్సు(ఏజీఎం) రేపు(జులై 15వ తేదీ) నిర్వహించనుంది. అదేరోజున జియో ఫోన్ 3 లాంచ్ కానుందని వార్తలు జోరుగా వినిపిస్తున్నాయి. జియో ఫోన్, జియో ఫోన్ 2లు కూడా కంపెనీ వార్షిక సదస్సులోనే లాంచ్ అయ్యాయి.

Also Read: Vivo X50 Series: మనదేశంలో లాంచ్ తేదీ ఫిక్స్.. ఫీచర్లు సూపర్.. ధర ఎంత ఉండచ్చు?

మొట్టమొదటి జియో ఫోన్ 2017 జులై 21వ తేదీన జరిగిన 40వ వార్షిక సదస్సులో లాంచ్ అయింది. అప్పట్లో ఇది ఉచితమేనని, వినియోగదారులు సెక్యూరిటీ డిపాజిట్ కింద రూ.1,500 చెల్లించాలని జియో తెలిపింది. జియో ఫోన్ 2 2018 జులై 31వ తేదీన జరిగి 41వ వార్షిక సదస్సులో లాంచ్ చేశారు. దీని ధర రూ.2,999గా ఉంది.

దీన్ని బట్టి చూస్తే.. జియో ఫోన్ 3 రేపు లాంచ్ అయ్యే అవకాశం ఉంది. అయితే ఈ ఫోన్ స్పెసిఫికేషన్ల గురించి కానీ, ధర గురించి కానీ ఇంతవరకూ ఎటువంటి వివరాలూ బయటకు రాలేదు. జియో ఫోన్ 3గా స్మార్ట్ ఫోన్ లాంచ్ కానుందని కూడా ఎప్పట్నుంచో వార్తలు వినిపిస్తున్నాయి. దీని గురించి లీకులు కూాడా వచ్చాయి.

Also Read: ప్రపంచంలో టాప్-10 స్మార్ట్ ఫోన్ బ్రాండ్లు ఇవే.. 10వ స్థానంలో ఊహించని బ్రాండ్!

ఈ సంవత్సరం జరిగిన మిగతా కార్యక్రమాల తరహాలోనే ఈ కార్యక్రమం కూడా ఆన్ లైన్ లోనే జరగనుంది. షేర్ హోల్డర్లు, పెట్టుబడి దారులు, మీడియా, సాధారణ ప్రజలు దీని గురించి తెలుసుకునేందుకు కంపెనీ వాట్సాప్ లో ఒక చాట్ బోట్ ను రూపొందించింది. రిలయన్స్ ఇండస్ట్రీస్ గురించిన వివరాలను తెలపడానికి హెల్ప్ డెస్క్ తరహాలో ఇది పనిచేస్తుంది.