Jio vs Airtel Recharge Plans తక్కువ బడ్జెట్లో జియో వర్సెస్ ఎయిర్‌టెల్ రీఛార్జ్ ప్లాన్లలో ఏది బెటరో తెలుసా...

Jio vs Airtel Recharge Plans ప్రస్తుత డిజిటల్ యుగంలో స్మార్ట్‌ఫోన్ వాడే ప్రతి ఒక్కరికీ మొబైల్ రీఛార్జ్ ప్లాన్ అత్యంత అవసరం. అందులోనూ డేటా బెనిఫిట్స్ ఎంత ఎక్కువగా ఉంటే అంత ఉపయోగమని కస్టమర్లు ఎదురుచూస్తుంటారు. ముఖ్యంగా చాలా మంది స్మార్ట్‌ఫోన్ యూజర్లు రూ.300లోపు రీఛార్జ్ ప్లాన్ల కోసం ఎదురుచూస్తున్నారు. అంతేకాదు హై స్పీడ్ డేటా, SMS, అన్‌లిమిటెడ్ కాల్స్ కోసం ఆసక్తిగా ఎదురుచూస్తున్నారు. ఈ నేపథ్యంలో ఎయిర్‌టెల్, జియో పోటాపోటీగా ఆఫర్లను ప్రకటిస్తున్నాయి. ఈ సందర్భంగా Jio Vs Airtel కంపెనీల్లో ఏ ప్లాన్ మరింత ప్రయోజనకరంగా ఉంటుందో ఇప్పుడు తెలుసుకోండి...


1)

రిలయన్స్ జియో రూ.269 ప్లాన్..

రిలయన్స్ జియో నుంచి రూ.269తో రీఛార్జ్ చేసుకుంటే జియో సావన్ ప్రో సబ్‌స్క్రిప్షన్ పూర్తిగా ఉచితంగా పొందొచ్చు. ఈ ప్లాన్ వాలిడిటీ 28 రోజుల పాటు ఉంటుంది. ఈ రీఛార్జ్ వల్ల మొత్తం 42GB డేటా అందుతుంది. అంటే రోజుకు 1.5GB లభించనుంది. ఒకవేళ డైలీ లిమిట్ దాటితే నెట్ స్పీడ్ 64Kbpsకి తగ్గిపోతుంది. అంతేకాదు జియో క్లౌడ్, జియో టివి సబ్‌స్క్రిప్షన్లు కూడా ఉన్నాయి.

అన్‌లిమిటెడ్ 5G డేటా..

జియో 5G స్మార్ట్‌ఫోన్ యూజర్లకు ఉచిత డేటాను అందించాలని నిర్ణయించింది. ఈ ప్రయోజనం 5G Welcome ఆఫర్ కింద అందుబాటులో ఉంది. దీని కోసం మీరు నివసించే ప్రాంతంలో 5G సేవను కలిగి ఉండాలి. అంతేకాదు 5G స్మార్ట్‌ఫోన్ మీతో ఉండాలి.

ఎయిర్‌టెల్ రూ.265 రీఛార్జ్ ప్లాన్..

జియో నుంచి పోటీని తట్టుకోవడానికి ఎయిర్‌టెల్ కూడా తక్కువ ధరకే గొప్ప రీఛార్జ్ ప్లాన్ రూ.265ని తీసుకొచ్చింది. ఈ ప్లాన్లో భాగంగా 1GB డేటా, రోజుకు 100 SMSలు, అపరిమిత కాలింగ్, రోజువారీ డేటా అయిపోయిన తర్వాత నెట్ స్పీడ్ 64kbpsకి పడిపోతుంది. ఈ ఎయిర్‌టెల్ రీఛార్జ్ ప్లాన్ వాలిడిటీ 28 రోజుల వరకు ఉంటుంది. ఈ ప్లాన్ తీసుకున్న వారికి hellotune, wynk music సబ్ స్క్రిప్షన్ ఉచితంగా లభించనున్నాయి. జియోతో పోలిస్తే ఈ ప్లాన్లో కొంత తక్కువగా ఉంటుంది.

జియో వర్సెస్ ఎయిర్‌టెల్..

చూశారు కదా రెండు కంపెనీల రీఛార్జ్ ప్లాన్లు.. వాటి బెనిఫిట్స్.. అయితే ఈ రెండింట్లో ఏది బెటర్ అని ఆలోచిస్తున్నారా? మీ ఫోన్‌లో రెండు కంపెనీల సిమ్‌లు ఉంటే రెండింటి మధ్య కంపేర్ చేసి చూడండి జియో కంటే ఎయిర్‌టెల్ ప్లాన్ రూ.4 తక్కువగా ఉంది. కానీ జియో రీఛార్జ్ ప్లాన్లో కొన్ని ప్రయోజనాలు ఎక్కువగా ఉన్నాయి. ఎందుకంటే కేవలం 4 రూపాయలను ఎక్కువగా ఖర్చు చేయడం ద్వారా మీరు 14GB డేటాను పొందొచ్చు. అలాగే రోజువారీ SMS, అన్‌లిమిటెడ్ కాల్స్ ప్రయోజనాలతో పాటు, Jio Savan Pro సబ్‌స్క్రిప్షన్ కూడా అందుబాటులో ఉంటుంది. అయితే తక్కువ డేటాను వాడే వారు ఎయిర్‌టెల్ ప్లాన్ తీసుకోవచ్చు.