టాప్‌ టెలికం సంస్థ రియలన్స్ జియో (Reliance Jio) 5జీ నెట్‌వర్క్ ప్రారంభానికి సిద్ధమవుతోంది. ఇదే తరుణంలో 5జీ స్మార్ట్‌ఫోన్‌ను కూడా లాంచ్ చేసేందుకు పని చేస్తోంది. వచ్చే ఏడాది జియోఫోన్ 5జీ (JioPhone 5G)ని భారత మార్కెట్‌లోకి తీసుకురావాలని రిలయన్స్ జియో నిర్ణయించుకుంది. అయితే ఈసారి విభిన్న వేరియంట్లలో జియోఫోన్ 5జీని తీసుకురానుందని ఓ రీసెర్చ్ సంస్థ వెల్లడించింది. డిఫరెంట్ స్క్రీన్ సైజ్‌లు, స్పెసిఫికేషన్లు, విభిన్న స్టోరేజ్ ఆప్షన్‌తో వేరియంట్లు అందుబాటులోకి వస్తాయని తెలుస్తోంది. ఈ జియోఫోన్ 5జీ వేరియంట్ల ధరలు ఆకర్షణీయంగా ఉంటాయని, జియో గత ఫోన్‌లతో పోలిస్తే హార్డ్‌వేర్, డిజైన్ పరంగా అప్‌గ్రేడ్స్ ఉంటాయని ఆ సంస్థ అంచనా వేసింది.
Samayam Teluguజియోఫోన్ (Photo: Jio)
జియోఫోన్ 5జీ ధరతో పాటు మరిన్ని విషయాల గురించిన విషయాలను తాజాగా కౌంటర్‌పాయింట్ రీసెర్చ్ (Counterpoint Research) వెల్లడించింది. జియోఫోన్ 5జీ రూ.8,000 నుంచి రూ.12,000లోపు ధరతో లభిస్తాయని పేర్కొంది. ఈ ధర రేంజ్‌లోనే అన్ని వేరియంట్లు ఉండే అవకాశం ఉందని తెలిపింది. 5జీ నెట్‌వర్క్‌ను ఎక్కువ ప్రాంతాలకు విస్తరించిన తర్వాత జియోఫోన్ 5జీని మార్కెట్‌లోకి తీసుకురావాలని జియో భావిస్తోందని అంచనా వేసింది. అలాగే 5G మిల్లీమీటర్‌వేవ్+ సబ్‌-6 గిగాహెర్ట్జ్‌కు సపోర్ట్ చేసే 5జీ ఫోన్‌ను కూడా అనంతరం తీసుకొచ్చే అవకాశం ఉందని వెల్లడించింది.
జియోఫోన్ 5జీ స్పెసిఫికేషన్లు JioPhone 5Gకి చెందిన కొన్ని స్పెసిఫికేషన్లు ఇప్పటికే లీక్ అయ్యాయి. చాలా అంచనాలు వెలువడ్డాయి. 6.5 ఇంచుల హెచ్‌డీ+ IPS LCD డిస్‌ప్లేతో జియోఫోన్ 5జీ బేస్ వస్తుందని తెలుస్తోంది. ఆండ్రాయిడ్‌ 11 గో ఎడిషన్ బేస్డ్ ప్రగతి ఓఎస్‌తో రన్ కానుంది. ఆక్టాకోర్ స్నాప్‌డ్రాగన్ 480 ప్రాసెసర్‌ ఈ మొబైల్‌లో ఉంటుందని సమాచారం. జియోఫోన్ 5జీ వెనుక 13 మెగాపిక్సెల్ ప్రైమరీ, 2 మెగాపిక్సెల్ మాక్రో కెమెరాలు ఉన్నాయి. సెల్ఫీలు, వీడియో కాల్స్ కోసం 8 మెగాపిక్సెల్ ఫ్రంట్ కెమెరా ఉండొచ్చు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
