JioPhone Next Price Cut : జియో 4జీ స్మార్ట్‌ఫోన్‌ ధర భారీగా తగ్గింపు - ఎక్స్చేంజ్ అవసరం లేకుండానే..
JioPhone Next Price Cut : జియోఫోన్ నెక్ట్స్ 4జీ స్మార్ట్‌ఫోన్‌ ధర భారీగా తగ్గింది. ఎలాంటి ఎక్స్చేంజ్ అవసరం లేకుండా తొలిసారి డిస్కౌంట్‌తో ఈ ఫోన్‌ లభిస్తోంది.
Authored byKrishna Prakash | Samayam Telugu28 Jun 2022, 11:53 pm
JioPhone Next Discount : టెలికం ఆపరేటర్ రిలయన్స్ జియో (Reliance Jio) తీసుకొచ్చిన జియోఫోన్ నెక్ట్స్ (JioPhone Next) ప్రస్తుతం భారీ తగ్గింపు ధరతో అందుబాటులో ఉంది. గత సంవత్సరం రూ.6,499కు లాంచ్ అయిన ఈ 4జీ స్మార్ట్‌ఫోన్‌ ఇప్పుడు డిస్కౌంట్ ధరకు లభిస్తోంది. గతంలో ఎక్స్చేంజ్ ఆఫర్‌ను జియో ప్రకటించగా.. ఇప్పుడు సాధారణంగానే పాత ఫోన్‌ ఇవ్వాల్సిన అవసరం లేకుండానే తక్కువ ధరకు కొనుగోలు చేసే అవకాశం వచ్చింది. దాదాపు రూ.2వేల వరకు డిస్కౌంట్ ఉండడంతో రూ.5వేలలోపే JioPhone Nextను దక్కించుకోవచ్చు. ఇందుకోసం పాత ఫోన్‌ను ఎక్స్చేంజ్ చేయాల్సిన అవసరం లేదు.
Samayam Teluguజియోఫోన్ నెక్ట్స్ స్మార్ట్‌ఫోన్‌ ధర భారీగా తగ్గింపు (Photo: Jio)
JioPhone Nextపై భారీ డిస్కౌంట్ జియోఫోన్ నెక్ట్స్ స్మార్ట్‌ఫోన్‌ ప్రస్తుతం ఈ-కామర్స్ సైట్ అమెజాన్‌లో రూ.4,599కే అందుబాటులో ఉంది. దీని సాధారణ ధర రూ.6,499గా ఉంది. ఎక్స్చేంజ్ ద్వారా ఈ మొబైల్‌ను రూ.4,499కే కొనుగోలు చేసేలా ఇటీవల జియో ఓ ఆఫర్‌ ప్రకటించింది. అయితే ప్రస్తుతం అమెజాన్‌లో ఎలాంటి ఎక్స్చేంజ్ అవసరం లేకుండానే రూ.4,599కు ఈ ఫోన్‌ను కొనుగోలు చేయవచ్చు. 2జీబీ ర్యామ్, 32జీబీ ఇంటర్నల్ స్టోరేజ్ ఈ మొబైల్‌లో ఉంటుంది.
తాజా తగ్గింపుతో అమెజాన్‌లో రూ.5వేలలోపు ధరకే జియోఫోన్ నెక్ట్స్ లభిస్తోంది. ఈ రేంజ్‌లో దీన్ని మంచి స్మార్ట్‌ఫోన్‌గా చెప్పవచ్చు.
JioPhone Next స్పెసిఫికేషన్లు 5.45 ఇంచుల హెచ్‌డీ+ డిస్‌ప్లేను జియోఫోన్ నెక్ట్స్ కలిగి ఉంది. దీనికి గొరిల్లా గ్లాస్ 3 ప్రొటెక్షన్ ఉంటుంది. క్వాల్‌కామ్‌ స్నాప్‌డ్రాగన్ 215 ప్రాసెసర్‌పై ఈ మొబైల్ రన్ అవుతుంది. ప్రత్యేకంగా తయారు చేసిన ఆండ్రాయిడ్‌ ఆధారిత ప్రగతి ఓఎస్ ఈ ఫోన్‌లో ఉంటుంది. డ్యుయల్ సిమ్ సపోర్ట్ ఉండగా.. మొదటి సిమ్ స్లాట్‌లో జియో మాత్రమే పని చేస్తుంది. డేటా కేవలం జియో సిమ్ ద్వారానే వాడే సదుపాయం ఉంటుంది. జియోఫోన్ నెక్ట్స్‌లో 3500mAh బ్యాటరీ ఉంటుంది. 2జీబీ ర్యామ్, 32జీబీ స్టోరేజ్‌తో ఈ మొబైల్ వస్తోంది. 4జీ, వైఫై, బ్లూటూత్, మైక్రో యూఎస్‌బీ పోర్ట్, 3.5mm హెడ్‌ఫోన్ జాక్ కనెక్టివిటీ పీచర్లుగా ఉన్నాయి. మైక్రో ఎస్‌డీ కార్డు కోసం స్లాట్ ఉంటుంది.
JioPhone Next వెనుక 13 మెగాపిక్సెల్ కెెమెరా ఉంటుంది. సెల్ఫీలు, వీడియో కాల్స్ కోసం 8 మెగాపిక్సెల్ ఫ్రంట్ కెమెరాతో ఈ ఫోన్‌ వస్తోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
