ఈ 8 యాప్స్ మీ ఫోన్‌లో ఉంటే వెంటనే డిలీట్ చేయండి.. లేకపోతే డేటా హుష్‌కాకి!

గూగుల్‌ను జోకర్ వైరస్ ఇప్పట్లో వదిలేలా లేదు. ఈ వైరస్ ఎప్పట్నుంచో యాప్స్‌ను అటాక్ చేస్తుంది. ఇప్పుడు తాజాగా మరో 8 యాప్స్‌లో ఈ వైరస్ కనిపించింది. ఈ ఎనిమిది ఆండ్రాయిడ్ యాప్సే. గూగుల్ ప్లేస్టోర్‌లో కూడా ఈ యాప్స్ ఉండేవి. ఆండ్రాయిడ్ డివైసెస్‌ను మాత్రమే ఈ జోకర్ వైరస్ టార్గెట్ చేస్తుంది. కొన్ని నెలలకు ఒకసారి ఈ వైరస్ తన కోడ్‌ను, ఎటాక్ చేసే పద్ధతులను మార్చుకుంటూ వస్తోంది. ఈ విషయాన్ని క్విక్ హీల్ సెక్యూరిటీ ల్యాబ్స్‌కు చెందిన పరిశోధకులు గుర్తించారు.పరిశోధకులు తెలిపే దాని ప్రకారం.. ఈ జోకర్ యాప్ వినియోగదారుల డేటాను దొంగిలిస్తుంది. ఎస్ఎంఎస్, కాంటాక్ట్ లిస్ట్, డివైస్ ఇన్ఫో, ఓటీపీలను కూడా ఇందులో అందించనున్నారు. గూగుల్ ఈ యాప్స్‌ను ప్లేస్టోర్ నుంచి తొలగించాయి. కానీ వీటిని మీ ఫోన్‌లో ఇన్‌స్టాల్ చేసుకుంటే మాత్రం మీరే అన్‌ఇన్‌స్టాల్ చేయవచ్చు. మీరు డిలీట్ చేయాల్సి 8 యాప్స్ ఇవే..
ఎంఐ 11 లైట్ గురించి ఇంట్రస్టింగ్ అప్‌డేట్.. చూడటానికి అందంగా.. ధర ఎంత ఉండనుందంటే?
1. Auxiliary Message (యాక్సిలరీ మెసేజ్)
2. Fast Magic SMS (ఫాస్ట్ మ్యాజిక్ ఎస్ఎంఎస్)
3. Free CamScanner (ఫ్రీ క్యామ్‌స్కానర్)
4. Super Message (సూపర్ మెసేజ్)
5. Element Scanner (ఎలిమెంట్ స్కానర్)
6. Go Messages (గో మెసేజెస్)
7. Travel Wallpapers (ట్రావెల్ వాల్ పేపర్స్)
8. Super SMS (సూపర్ ఎస్ఎంఎస్)

ఈమధ్యకాలంలో స్మార్ట్ ఫోన్లపై సైబర్ దాడులు చాలా ఎక్కువయ్యాయి. కాబట్టి ఫోన్ ఉపయోగించేటప్పుడు పలు జాగ్రత్తలు పాటించడం తప్పనిసరి. అనుమానాస్పద లింకులపై క్లిక్ చేయకుండా, సైట్లను ఓపెన్ చేయకుండా ఉండాలి. మెయిల్స్ కూడా అనుమానాస్పదంగా అనిపిస్తే వాటికి అస్సలు స్పందించకూడదు.

గూగుల్ ప్లేస్టోర్, యాపిల్ యాప్ స్టోర్ తప్ప ఇంటర్నెట్‌లో యాప్స్‌ను డౌన్‌లోడ్ చేయకూడదు. వీటిలో ప్రమాదకరమైన మాల్‌వేర్, వైరస్ ఉండే అవకాశం ఉంది. దీంతోపాటు వెబ్ బ్రౌజింగ్ చేసేటప్పుడు కూడా జాగ్రత్తగా ఉండాలి. అనుమానాస్పద వెబ్ సైట్లను అస్సలు ఓపెన్ చేయకూడదు.