Lava Blaze Pro : లావా నుంచి మరో స్మార్ట్‌ఫోన్‌.. లాంచ్ డేట్ ఇదే

Lava Blaze Pro launch date : ఇండియన్ బ్రాండ్ లావా (Lava) నుంచి మరో స్మార్ట్‌ఫోన్‌ రానుంది. లావా బ్లేజ్ ప్రో (Lava Blaze Pro) మొబైల్‌ ఈనెల 20వ తేదీన లాంచ్ కానుంది. ఈ విషయాన్ని Lava అధికారికంగా వెల్లడించింది. నాలుగు కలర్ ఆప్షన్స్‌లో ఈ ఫోన్‌ రానుంది. ఇప్పటికే బ్లేజ్ మోడల్ ఉండగా.. దానికి అప్‍గ్రేడెడ్ వెర్షన్‌గా ఈ ప్రో ఫోన్‌ వస్తోంది. Lava Blaze Pro లాంచ్ డేట్‌ను ప్రకటిస్తూ కొన్ని స్పెసిఫికేషన్లను లావా రివీల్ చేసింది.

Lava Blaze Pro లాంచ్ వివరాలు
లావా బ్లేజ్ ప్రో మొబైల్‌ ఈనెల 20వ తేదీన ఉదయం 10.15 గంటలకు భారత్‌లో విడుదల కానుంది. నాలుగు కలర్ ఆప్షన్‌లలో అందుబాటులోకి వస్తుంది. అయితే కలర్స్ పేర్లను లావా ఇంకా పేర్కొనలేదు. బ్లూ, గోల్డెన్, మింట్ గ్రీన్, మస్టడ్ ఎల్లో కలర్ షేడ్స్‌‌లో ఈ ఫోన్‌ రానుంది. లావా పోస్ట్ చేసిన ఫొటోలు, టీజర్ ద్వారా బ్లేజ్ ప్రో ఫోన్‌కు సంబంధించిన కొన్ని విషయాలు తెలుస్తున్నాయి.

లావా బ్లేజ్ ప్రో వెనుక మూడు కెమెరాల సెటప్ ఉంటుంది. ఇందులో 50 మెగాపిక్సెల్ సెన్సార్ ప్రధాన కెమెరాగా ఉంటుంది. ముఖ్యంగా కెమెరానే లావా హైలైట్ చేస్తోంది. అలాగే 5000mAh బ్యాటరీని ఈ ఫోన్‌ కలిగి ఉంటుంది. ఫాస్ట్ చార్జింగ్ సపోర్ట్ ఉండే అవకాశాలు ఉన్నాయి. ఫింగర్‌ప్రింట్ స్కానర్ పవర్ బటన్‌కే ఉండనుంది.

లావా బ్లేజ్ ప్రో బడ్జెట్ రేంజ్‌లోనే లాంచ్ అవుతుందని తెలుస్తోంది. 6.5 ఇంచుల HD+ LCD డిస్‌ప్లేతో వస్తుందని లీక్‌లు వచ్చాయి. మిగిలిన స్పెసిఫికేషన్లను లావా ఇంకా వెల్లడించలేదు. ఈనెల 20న లాంచ్ ఈవెంట్‌‌లో బ్లేజ్ ప్రో మొబైల్‌కు సంబంధించిన పూర్తి స్పెసిఫికేషన్లు, ధరను లావా వెల్లడించనుంది. అయితే రూ.10,000 నుంచి రూ.15,000 రేంజ్‌ మధ్యలో ఈ ఫోన్‌ వస్తుందని అంచనాలు వెలువడుతున్నాయి.

బ్లేజ్ ప్రో ఫోన్‌కు సంబంధించి కెమెరా, డిజైన్‌నే ముఖ్యంగా లావా హైలైట్ చేస్తోంది. 50 మెగాపిక్సెల్ ప్రైమరీ కెమెరా 6x జూమ్‌కు సపోర్ట్ చేస్తుందనేలా హింట్ ఇచ్చింది.

మరోవైపు ఈ ఏడాది జూలైలో లావా బ్లేజ్ (Lava Blaze) విడుదలైంది. 3జీబీ ర్యామ్ + 64జీబీ స్టోరేజ్ ఉన్న ఈ ఫోన్‌ ధర రూ.8,699గా ఉంది. మీడియాటెక్ హీలియో ఏ22 ప్రాసెసర్‌, 5000mAh బ్యాటరీ, 13 మెగాపిక్సెల్ ప్రైమరీ కెమెరాను ఈ ఫోన్‌ కలిగి ఉంది. దీనికి ప్రో వెర్షన్‌ను లావా ఇప్పుడు తీసుకొస్తోంది.

• Read more Tech News and Telugu News