WhatsApp Tips & Tricks : వాట్సాప్‌లో చాలా మందికి తెలియని ఫీచర్లు ! బోల్డ్ టెక్స్ట్, స్టార్ మెసేజ్‌లు సహా మరిన్ని..

ప్రపంచవ్యాప్తంగా ఎక్కువ మంది వాడే మెసేజింగ్ యాప్‌ వాట్సాప్‌ (WhatsApp). కోట్లాది మంది నిత్యం ఈ యాప్‌ను చాటింగ్ కోసం వినియోగిస్తున్నారు. ఫొటోలు, వీడియోలు, లొకేషన్‌తో పాటు మరిన్నింటిని షేర్ కూడా చేసుకుంటున్నారు. ఇక వీడియో, వాయిస్ కాల్స్ కూడా చేసుకోవచ్చు. కాగా, వాట్సాప్‌లో చాలా ఫీచర్లు అందుబాటులో ఉన్నాయి. మరింత మెరుగ్గా చాట్ చేసుకునేలా, మేనేజ్ చేసుకునే సదుపాయాలు ఉన్నాయి. అయితే ఎంతోకాలం నుంచి ఉన్న ఫీచర్లలో కొన్ని చాలా మందికి తెలియదు. అలాంటి వాటిలో కొన్ని ఇవి. ఎలా ఉపయోగపడతాయో చూడండి.

టెక్స్ట్ ఫార్మాట్స్ - బోల్డ్, ఇటాలిక్స్‌లో పంపడం
వాట్సాప్‌ ద్వారా ఎక్కువ టెక్స్ట్‌ను పంపిచాల్సిన సమయంలో ముఖ్యమైన విషయాన్ని బోల్డ్, ఇటాలిక్స్‌లో ఉంచి సెండ్ చేస్తే ఆకర్షణీయంగా ఉంటుంది. అలాగే అందులో ఇంపార్టెంట్ ఏంటో తెలిసిపోతుంది. వాట్సాప్‌లో బోల్డ్ చేసి పంపాలంటే ఆ టెక్ట్స్ ముందు ఓ * (స్టార్) వెనుక ఓ * స్టార్‌ను టైప్ చేయాలి. ఉదాహణకు ABCని బోల్డ్‌లో పంపాలంటే.. *ABC* అని టైప్ చేయాలి. ఒకవేళ ఇటాలిక్స్‌లో టైప్ చేయాలంటే టెక్స్ట్ ముందు వెనుక _ (అండర్‌స్కోర్) ను ఉంచాలి. ఉదాహరణకు ABCని ఇటాలిక్స్‌లో పంపాలంటే _ABC_ అని టైప్ చేయాలి. ( Bold Italics Text In WhatsApp )

మెసేజ్‌ను స్టార్ చేయడం
WhatsAppలో ప్రతీరోజు చాలా మెసేజ్‌లు పంపుతాం, రిసీవ్ చేసుకుంటాం. వాటిలో కొన్నిసార్లు ముఖ్యమైనవి ఉంటాయి. అలాంటి వాటిని ఒకేచోట చూసేలా ఆ మెసేజ్‌లను స్టార్ చేసుకోవచ్చు. ఇందుకోసం ముందుగా ఆ మెసేజ్‌పై ట్యాప్ చేసి హోల్డ్ చేసి పట్టుకోవాలి. ఆ తర్వాత పైభాగంలో స్టార్ ఐకాన్ కనిపిస్తుంది. దానిపై ట్యాప్ చేయాలి. అనంతరం చాట్ బయటికి వచ్చి వాట్సాప్‌ మెయిన్‌ పేజీ పైకుడి భాగంలో ఉన్న మెనూ బార్‌లోకి వెళ్లి.. స్టార్డ్ మెసేజ్‌ (Starred Messages) ను ఎంచుకోవాలి. అక్కడే మనం స్టార్ చేసిన మెసేజ్‌లన్నీ కనిపిస్తాయి.

• వాట్సాప్‌లో ఈ ఫీచర్ అందరికీ వచ్చేస్తోంది - టెలిగ్రామ్‌లోని ఫీచర్ లాంటిదే - అదేంటో, ఎలా వాడాలో చూడండి

ఎక్కువ ఫైల్స్ ఎవరితో షేర్ చేసుకున్నారు..?
వాట్సాప్‌లో మీరు ఇంతవరకు ఎక్కువ ఫైల్స్ ఎవరితో షేర్ చేసుకున్నారు.? అంటే ఠక్కున చెప్పడం చాలా కష్టం. అయితే దీన్ని కనుగొనేందుకు ఓ మార్గం ఉంది. వాట్సాప్‌ సెట్టింగ్స్‌పై ట్యాప్ చేసి స్టోరేజ్&డేటా ఆప్షన్‌లోకి వెళ్లాలి. ఆ తర్వాత డేటా మేనేజ్‌మెంట్‌ను ఎంపిక చేసుకోవాలి. అప్పుడు కాంటాక్ట్ లిస్ట్ కనిపిస్తుంది. మీరు ఎక్కువ సైజ్ ఫైల్స్ చేసిన కాంటాక్ట్స్ ముందుగా కనిపిస్తాయి.

• వాట్సాప్‌లో ఒక్కసారే చూసేలా.. ఈ ఫీచర్ గురించి తెలుసా.. ఎలా పంపాలో చూడండి

ఒక్కో చాట్‌కు ఒక్కో నోటిఫికేషన్ సౌండ్ఫోన్‌ను చేతిలోకి తీసుకోకుండానే వాట్సాప్‌ (WhatsApp) లో ఎవరు మెసేజ్ పంపారో తెలుసుకునే సదుపాయం కూడా ఉంది. చాట్స్‌కు విభిన్నమైన నోటిఫికేషన్ సౌండ్ సెట్ చేసుకోవాలి. ఇందుకోసం ముందుగా దేనికి సౌండ్ మార్చాలనుకుంటున్నారో చాట్ కాంటాక్ట్‌ను ఓపెన్ చేయాలి. ఆ తర్వాత పైన ఆ ఫొటో పక్కన ఉండే పేరుపై ట్యాప్ చేయాలి. కిందికి స్క్రోల్ చేస్తే కస్టమ్ నోటిఫికేషన్స్ (Custom Notifications) అని కనిపిస్తుంది. దాంట్లోకి వెళ్లి యూజ్ కస్టమ్ నోటిఫికేషన్ ఆప్షన్‌పై ట్యాప్ చేయాలి. కింద నోటిఫికేషన్ టోన్‌ను మార్చుకోవచ్చు. కావాలంటే రింగ్‌టోన్‌ను కూడా చేంజ్ చేయవచ్చు.