Micromax In 2C launched in India | దేశీయ సంస్థ మైక్రోమ్యాక్స్ (Micromax) నుంచి మరో బడ్జెట్ ఫోన్‌ మార్కెట్‌లోకి వచ్చింది. మైక్రోమ్యాక్స్ ఇన్ 2సీ(Micromax In 2C) మొబైల్‌ భారత్‌లో లాంచ్ అయింది. ఇన్ 2బీ (Micromax In 2b)కి సక్సెసర్‌గా ఈ కొత్త మొబైల్‌ వచ్చింది. హెచ్‌డీ+ వాటర్ డ్రాప్ స్టైల్ నాచ్ డిస్‌ప్లే, 5000mAh బ్యాటరీ, Unisoc T610 ప్రాసెసర్‌తో Micromax In 2C వస్తోంది. ఆండ్రాయిడ్‌ 11 ఓఎస్‌పై ఈ మొబైల్‌ రన్ అవుతుంది. ఎలాంటి బ్లోట్ వేర్‌ లేని స్టాక్ ఆండ్రాయిడ్‌ (Stock Android) ఇందులో ఉంటుంది. మైక్రోమ్యాక్స్ ఇన్ 2సీ ధర, సేల్ పూర్తి స్పెసిఫికేషన్లు ఎలా ఉన్నాయో చూడండి.
Samayam TeluguMicromax In 2C launched in India
మైక్రోమ్యాక్స్ ఇన్ 2సీ ధర, సేల్ Micromax In 2C Price in India : 3జీబీ ర్యామ్ + 32జీబీ స్టోరేజ్ ఉండే మైక్రోమ్యాక్స్ ఇన్ 2సీ మొబైల్‌ రూ.7,499 ధరకు సేల్‌కు రానుంది. దీని సాధారణ ధర రూ.8,499 కాగా, ఇంట్రడక్టరీ ధరను రూ.7,499గా మైక్రోమ్యాక్స్ నిర్ణయించింది. అయితే ఈ ప్రత్యేక ధర ఎంతకాలం ఉంటుందో చెప్పలేదు. కాగా, మే 1వ తేదీన మధ్యాహ్నం 12 గంటలకు ఫ్లిప్‌కార్ట్‌ (Flipkart)తో పాటు మైక్రోమ్యాక్స్ అధికారిక వెబ్‌సైట్‌లో ఈ మొబైల్‌ సేల్‌కు వస్తుంది. బ్రౌన్, సిల్వర్ కలర్ ఆప్షన్లలో Micromax In 2C అందుబాటులోకి వస్తుంది.
మైక్రోమ్యాక్స్ ఇన్ 2సీ స్పెసిఫికేషన్లు Micromax In 2C Specifications, features : 6.52 ఇంచుల హెచ్‌డీ+ డిస్‌ప్లేను మైక్రోమ్యాక్స్ ఇన్ 2సీ కలిగి ఉంది. పీక్ బ్రైట్‌నెస్ 420 నిట్స్‌గా ఉంటుంది. ఈ బడ్జెట్ మొబైల్‌లో Unisoc T610 ప్రాసెసర్‌ ఉంది. గరిష్ఠంగా 3జీబీ ర్యామ్, 32జీబీ స్టోరేజ్ ఉంటుంది. మైక్రో ఎస్‌డీ కార్డు ద్వారా స్టోరేజ్ పెంచుకోవచ్చు. ఆండ్రాయిడ్‌ 11 ఆపరేటింగ్ సిస్టమ్‌పై ఈ మొబైల్‌ రన్ అవుతుంది.
Micromax In 2C వెనుక 8 మెగాపిక్సెల్ ప్రధాన కెమెరా, మరో డెప్త్ సెన్సార్ ఉన్నాయి. మైక్రోమ్యాక్స్ ఇన్ 2బీ 13 మెగాపిక్సెల్ కెమెరాతో ఉండగా.. ఊహించని విధంగా కొత్త మొబైల్‌ను తక్కువ సామర్థ్యమున్న కెమెరాతో మైక్రోమ్యాక్స్ తీసుకొచ్చింది. ఇక వీడియోకాల్స్, సెల్ఫీలు తీసుకునేందుకు 5 మెగాపిక్సెల్ ఫ్రంట్ కెమెరాను Micromax In 2Cకు పొందుపరిచింది.
Micromax In 2C మొబైల్‌లో 5000mAh బ్యాటరీ ఉంది. 10వాట్ల స్టాండర్డ్ చార్జింగ్‌కు సపోర్ట్ చేస్తుంది. కనెక్టివిటీ విషయానికి వస్తే, 4జీ ఎల్‌టీఈ, వైఫై, బ్లూటూత్, జీపీఎస్, 3.5mm హెడ్‌ఫోన్ జాక్, యూఎస్‌బీ టైప్-సీ పోర్ట్ ఉన్నాయి. ఈ స్మార్ట్‌ఫోన్‌ బరువు మొత్తంగా 198 గ్రాములుగా ఉంటుంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
