ఉచితంగా నెట్‌ఫ్లిక్స్.. కార్డు కూడా అవసరం లేదు... ఎన్ని రోజులంటే?

నెట్ ఫ్లిక్స్ త్వరలో మనదేశంలో 2 రోజుల ఫ్రీ ట్రయల్‌ను ప్రారంభించనుంది. డిసెంబర్ 4వ తేదీ నుంచి ఈ ఆఫర్ ప్రారంభం కానుంది. దీనికి స్ట్రీమ్ ఫెస్ట్ అని పేరు కూడా పెట్టింది. మొదటగా ఈ ఆఫర్ కేవలం మనదేశంలో మాత్రమే అందుబాటులోకి రానుంది.

గతంలో నెట్ ఫ్లిక్స్ ఒక నెల పాటు పూర్తిగా ట్రయల్‌ను అందించేది. అయితే తర్వాత దాన్ని క్యాన్సిల్ చేసింది. ఇప్పుడు మళ్లీ ఈ రెండు రోజుల ఫ్రీ-ట్రయల్ ఆఫర్‌ను అందుబాటులోకి తీసుకువచ్చింది.

Also Read: దీపావళిలోపు కొత్త స్మార్ట్ ఫోన్లు లాంచ్ చేయనున్న మైక్రోమ్యాక్స్.. ధర రూ.7 వేలలోనే!

మనదేశంలో ఈ ఆఫర్‌కు రెస్పాన్స్ బాగుంటే మిగతా దేశాల్లో కూడా ఈ ఆఫర్‌ను నెట్ ఫ్లిక్స్ అందుబాటులోకి తీసుకువచ్చే అవకాశం ఉంది. గతంలో ఒక నెల ఉచిత ట్రయల్ కోసం క్రెడిట్, డెబిట్ కార్డు వివరాలు అందించాల్సి వచ్చేది. అయితే ఈ రెండు రోజుల ప్రమోషనల్ ఆఫర్‌కు మాత్రం ఆ అవసరం లేదు.

దేశంలో ఉన్న ప్రతి ఒక్కరికీ వారాంతంలో రెండు నెట్ ఫ్లిక్స్ ఉచితంగా అందించడం ద్వారా తమ సేవలు ఎలా ఉపయోగించుకోవాలి? తమ దగ్గర ఏమేం సిరీస్, సినిమాలు ఉన్నాయనే విషయం అందరికీ తెలుస్తోందని, తర్వాత ఎంతోమంది సబ్ స్క్రైబ్ చేసుకుంటారనే నమ్మకం ఉందని నెట్ ఫ్లిక్స్ సీఓఓ గ్రెగ్ పీటర్స్ తెలిపారు.

2020 మూడో త్రైమాసికంలో ఫలితాలు నెట్ ఫ్లిక్స్‌కు ఆశాజనకంగా లేవు. ఈ సంవత్సరం మొదటి త్రైమాసికంలో 1.57 కోట్ల కొత్త సబ్ స్క్రైబర్లు రాగా, రెండో త్రైమాసికంలో అది కోటి సబ్ స్క్రైబర్లకు తగ్గింది. ఇప్పుడు మూడో త్రైమాసికంలో ఏకంగా 22 లక్షలకు పడిపోయింది.

Also Read: నోకియా 215, 225 4జీ ఫోన్లు వచ్చేశాయి.. ధర రూ.4 వేల లోపే!

నెట్ ఫ్లిక్స్ గతంలో తన యాప్‌ను భారతీయ వినియోగదారులకు తగ్గట్లు మార్చింది. రూ.200 మొబైల్ ఓన్లీ ప్లాన్‌ను కూడా మొదట న్యూఢిల్లీలో అందుబాటులోకి తీసుకువచ్చి, తర్వాత యాప్‌కు పర్మినెంట్‌గా అటాచ్ చేసింది. గత నెలలో నెట్ ఫ్లిక్స్ తన వినియోగదారులకు ఉచితంగా కొన్ని షోలు, సినిమాలు కూడా యాడ్ చేసింది.