Netflix StreamFest: ఫ్రీగా నెట్‌ఫ్లిక్స్.. ఎన్ని రోజులు? ఎలా ఉపయోగించాలి?

నెట్ ఫ్లిక్స్ తన స్ట్రీమ్‌ఫెస్ట్ అప్ డేట్‌కు సంబందించిన వివరాలను ప్రకటించింది. ఈ స్ట్రీమ్ ఫెస్ట్ ఈవెంట్‌లో భాగంగా డిసెంబర్ 5, 6వ తేదీల్లో నెట్‌ఫ్లిక్స్‌ను ఎవరైనా ఉచితంగా స్ట్రీమ్ చేయవచ్చు. లాగిన్ అడిగినప్పుడు వారి పేరు, ఈ-మెయిల్, చిరునామా, పాస్‌వర్డ్(మీకు ఇష్టమైనది) అందించి, ఎటువంటి కార్డ్ డిటైల్స్ ఇవ్వకుండానే స్ట్రీమ్ చేయవచ్చు. ఒకవేళ మీరు అంతకుముందు ఎప్పుడైనా నెట్ ఫిక్స్ ఉపయోగించినా, ఆ అకౌంట్ ద్వారా నెట్ ఫ్లిక్స్ స్ట్రీమ్ చేయవచ్చు.

Also Read: రెడ్ మీ నోట్ 8 సిరీస్ కొత్త రికార్డు.. ప్రపంచంలో రెండో స్థానం! ఎన్ని ఫోన్లు అమ్ముడుపోయాయంటే?

అయితే ఇక్కడ కొన్ని విషయాలు గుర్తు పెట్టుకోవాల్సినవి ఉన్నాయి. మీరు కంటెంట్‌ను కేవలం 480p క్వాలిటీలోనే స్ట్రీమ్ చేయవచ్చు. వినియోగదారులు నెట్ ఫ్లిక్స్‌ను తమ కన్సోల్స్, టీవీలు, ల్యాప్ టాప్, వెబ్, ఐవోఎస్, ఆండ్రాయిడ్ ఇలా ఎలాగైనా స్ట్రీమ్ చేయవచ్చు. అయితే మీరు ఈ స్ట్రీమ్ ఫెస్ట్‌కు రిజిస్టర్ చేసుకోవాలంటే నెట్ ఫ్లిక్స్ ఆండ్రాయిడ్ యాప్ లేదా Netflix.com/streamfest లింక్ ద్వారా మాత్రమే చేసుకోగలరు.

ఈ రెండు రోజుల పాటు ఇండియాలో ఎవరైనా బ్లాక్ బస్టర్ సినిమాలు, అతి పెద్ద సిరీస్‌లు, అవార్డ్-విన్నింగ్ డాక్యుమెంటరీలు, ఎంటర్ టైనింగ్ రియాలిటీ షోలు చూడవచ్చు అని నెట్ ఫ్లిక్స్ ఇండియా వైస్ ప్రెసిడెంట్ మోనికా షెర్గిల్ పేర్కొన్నారు.

సేక్రెడ్ గేమ్స్, లూడో, మిస్ ఇండియా(తెలుగు) వంటి భారీ భారతీయ సినిమాలు, సిరీస్‌తో పాటు, ఎక్స్‌ట్రాక్షన్, మనీ హెయిస్ట్, ద 100 వంటి అంతర్జాతీయ షోలు, లిటిల్ భీమ్, బాస్ బేబీ వంటి పిల్లలకు సంబంధించిన షోలు కూడా చూడవచ్చని గ్రెగ్ పీటర్స్ తెలిపారు.

Also Read: మనదేశంలో మరో ఓటీటీ యాప్ వచ్చేసింది.. మూవీ లవర్స్‌కు పండగే!

నెట్ ఫ్లిక్స్‌ను మనదేశంలో మరింత మందికి దగ్గర చేయడానికి ఈ స్ట్రీమ్ ఫెస్ట్ ఉపయోగపడుతుందని, దీని ద్వారా అందరికీ నెట్ ఫ్లిక్స్‌లో ఉండే కంటెంట్, నెట్ ఫ్లిక్స్ ఎలా పనిచేస్తుంది? వంటి విషయాలు తెలుస్తాయని గ్రెగ్ ఈ సందర్భంగా పేర్కొన్నారు.