నోకియా 8000 4జీ వచ్చేస్తుంది.. స్పెసిఫికేషన్లు కూడా లీక్! డిజైన్‌లో మార్పులు!

నోకియా 8000 4జీ డిజైన్ వివరాలు పోస్టర్ ద్వారా ఆన్‌లైన్‌లో లీకైంది. దీని ప్రకారం నోకియా ఒరిజినల్ 8000 సిరీస్ తరహాలో ఇందులో స్లైడర్ డిజైన్ లేదు. వంపులు తిరిగిన అంచులను ఇందులో అందించారు. ఈ పోస్టర్ ప్రకారం నోకియా 8000 ఫోన్‌లో ప్రీమియం డిజైన్ ఉండనుంది. ఈ ఫోన్ స్పెసిఫికేషన్లు కూడా ఈ పోస్టర్‌లో ఉన్నాయి. గతంలో నోకియా 6300 4జీతో పాటు లీకైన స్పెసిఫికేషన్ల తరహాలోనే ఈ స్పెసిఫికేషన్లు కూడా ఉన్నాయి. దీన్ని బట్టి ఈ ఫోన్ త్వరలోనే లాంచ్ అవుతుందని అనుకోవచ్చు.

Also Read: వావ్.. రూ.10 వేల లోపే రియల్‌మీ 6.. ఫ్లిప్‌కార్ట్ బంపర్ఆఫర్!

విన్‌ఫ్యూచర్ కథనం ప్రకారం ఈ ఫోన్‌లో వాట్సాప్, ఫేస్‌బుక్ యాప్స్ ప్రీలోడెడ్‌గా రానున్నాయి. నోకియా 8000 ఫోన్‌లో 4జీతోపాటు వైఫై హాట్ స్పాట్ ఫీచర్ కూడా ఉండనుంది. ఇందులో కేవలం బ్లాక్ కలర్ వేరియంట్ మాత్రమే అందుబాటులో ఉండనుంది. వేరే కలర్ ఆప్షన్లు కూడా ఉండే అవకాశాలు ఉన్నాయి. ఈ ఫోన్ గురించిన మిగతా సమాచారాన్ని హెచ్ఎండీ గ్లోబల్ వెల్లడించలేదు.

నోకియా 8000 4జీ స్పెసిఫికేషన్లు(అంచనా)
ఈ ఫోన్ కైఓఎస్ ఆపరేటింగ్ సిస్టంపై పని చేయనుంది. క్వాల్ కాం స్నాప్ డ్రాగన్ 201 ప్రాసెసర్‌ను ఇందులో అందించారు. 2.8 అంగుళాల ఎల్సీడీ డిస్ ప్లేను ఇందులో అందించారు. పిక్సెల్ రిజల్యూషన్ 320x240గా ఉంది. 512 ఎంబీ ర్యామ్, 4 జీబీ స్టోరేజ్‌ను ఇందులో అందించారు. దీన్ని మైక్రో ఎస్‌డీ కార్డు ద్వారా 128 జీబీ వరకు పెంచుకునే అవకాశం ఉంది.

దీని బ్యాటరీ సామర్థ్యం 1500 ఎంఏహెచ్‌గా ఉంది. 2 మెగాపిక్సెల్ కెమెరాను ఫోన్ వెనకవైపు అందించారు. ఈ స్పెసిఫికేషన్లు విన్‌ఫ్యూచర్ లీక్ చేసింది. ఈ కథనం ప్రకారం నోకియా 8000 4జీ TA-1303 మోడల్ నంబర్‌తో రానుంది. దీని మందం 1.23 సెంటీమీటర్లుగా ఉండనున్నట్లు సమాచారం.

Also Read: గుడ్‌న్యూస్.. ఈ స్మార్ట్‌టీవీపై రూ.72 వేల తగ్గింపు! ఫ్లిప్‌కార్ట్ సేల్‌లో బంపర్ ఆఫర్!

ఈ ఫోన్‌తో పాటు నోకియా 6300 4జీ కూడా రానుందని గతంలో వార్తలు వచ్చాయి. అయితే దానికి సంబంధించిన సమాచారం తెలియరాలేదు.