Nothing Phone 1 Design : నథింగ్ ఫోన్‌ 1 డిజైన్ ఇదే.. అధికారికంగా ఫొటో రిలీజ్ చేసిన కంపెనీ - డిఫరెంట్‌గా.. అదిరిపోయేలా!

నథింగ్ ఫోన్‌ 1 (Nothing Phone 1) కోసం ప్రపంచమంతా ఆసక్తిగా ఎదురుచూస్తోంది. ఈ మొబైల్ గురించి వస్తున్న ప్రతీ అప్‌డేట్‌ ఇంట్రెస్ట్‌ను మరింత పెంచుతోంది. జూలై 12వ తేదీన నథింగ్ ఫోన్‌ 1ను లాంచ్ చేయనున్నట్టు నథింగ్ ప్రకటించింది. వన్‌ప్లస్‌ మాజీ సీఈవో కార్ల్ పీ నెలకొల్పిన నథింగ్ కంపెనీ నుంచి రానున్న తొలి ఫోన్‌ కావడంతో అంచనాలు భారీగా ఉన్నాయి. ఆ సంస్థ సైతం వాటిని నిజం చేసేలా చాలా డిఫరెంట్‌గా ఈ మొబైల్‌ను తీసుకొచ్చేందుకు సిద్ధమైనట్టే కనిపిస్తోంది. తాజాగా నథింగ్ ఫోన్‌ 1 బ్యాక్ డిజైన్‌ను Nothing వెల్లడించింది. అధికారికంగా ఫొటో రిలీజ్ చేసింది.
సాలిడ్ వైట్ ఫినిష్‌తో Nothing Phone 1 బ్యాక్ ప్యానెల్ ఉంది. ఈ ఫొటోను బట్టి ట్రాన్స్‌ప్రంట్ డిజైన్‌తో రావడం ఖాయమైంది. అంటే ఫోన్‌ లోపలి పరికరాలు బయటికి కనిపించే అవకాశం ఉంది. దీంతో లుక్ చాలా డిఫరెంట్‌గా ఉండనుంది. నథింగ్ ఇయర్ 1 టీడబ్ల్యూఎస్‌ ఇయర్‌బడ్స్‌లానే ట్రాన్స్‌ప్రంట్ డిజైన్‌ ఉంటుంది. డిజైన్‌కు సంబంధించిన ఫొటోను వెల్లడించడంతో నథింగ్ ఫోన్‌ 1 వెనుక రెండు కెమెరాలు ఉండనున్నట్టు స్పష్టమవుతోంది. ఓ ఎల్ఈడీ ఫ్లాష్ కూడా ఉంటుంది. వెనుక పై ఎడమ భాగాన కెమెరా సెటప్ ఉంది. కింద ఎడమవైపున చిన్నగా నథింగ్ బ్రాండ్ పేరు ఉంది. వాల్యూమ్ రాకర్స్ కుడిపక్కన ఉంటాయని తెలుస్తోంది. ఇక పవర్ బటన్ ఎడమపక్కన ఉండనుంది.
మరోవైపు Nothing Phone 1.. బ్యూరో ఆఫ్ ఇండియన్ స్టాండర్డ్స్ (BIS)లోనూ లిస్ట్ అయిందని టిప్‌స్టర్ ముకుల్ శర్మ వెల్లడించారు. ఇప్పటికే ఈ మొబైల్‌ BIS ఆమోదం పొందిందని తెలుస్తోంది. 45వాట్ల ఫాస్ట్ చార్జింగ్‌తో పాటు వైర్‌లెస్‌ చార్జింగ్‌కు కూడా నథింగ్ ఫోన్‌ 1 సపోర్ట్ చేస్తుందని లీక్‌ల ద్వారా తెలుస్తోంది. ఎన్‌ఎఫ్‌సీ ఫీచర్ కూడా ఈ మొబైల్‌లో ఉండనుంది. స్నాప్‌డ్రాగన్ ప్రాసెసర్‌పై రన్ అవుతుంది. ఆండ్రాయిడ్‌ 12 ఆధారిత నథింగ్ ఓఎస్ ఉంటుంది.
Nothing : ‘మేడ్ ఇన్ ఇండియా’గా నథింగ్ ఫోన్‌ 1 - భారీ సంఖ్యలో సర్వీస్ సెంటర్లు - పూర్తి వివరాలురిటర్న్ టూ ఇన్‌స్టింక్ట్ (Return to Instinct) పేరుతో జూలై 12వ తేదీన నిర్వహించే ఈవెంట్‌లో నథింగ్ ఫోన్‌ 1 మొబైల్‌ విడుదల కానుంది. భారత కాలమానం ప్రకారం వచ్చే నెల 12వ తేదీ రాత్రి 8.30గంటలకు ఈ ఈవెంట్ మొదలువుతుంది. ఈ ఫోన్‌కు సంబంధించిన ఏ స్పెసిఫికేషన్లను నథింగ్ ఇంకా అధికారికంగా ప్రకటించలేదు. ప్రస్తుతానికి బ్యాక్ ప్యానెల్ ఫొటోను అఫీషియల్‌గా విడుదల చేసింది. Nothing Phone 1 లాంచ్ తేదీ దగ్గర పడుతున్న కొద్దీ వివరాలను వెల్లడించే అవకాశం ఉంది.
మరోవైపు నథింగ్ ఫోన్‌ 1 భారత్‌లోనే తయారు కానుంది. మేడ్ ఇన్ ఇండియా మొబైల్‌గా రానుంది. భారత్‌లో అమ్మే ప్రతీ Nothing Phone 1 ఇక్కడ తయారైనదే ఉంటుందని ఆ సంస్థ ఉన్నతాధికారి ఒకరు స్పష్టం చేశారు.