OnePlus ఫ్యాన్స్ కు గుడ్ న్యూస్.. మనదేశంలో తక్కువ ధరకే 8 సిరీస్ లాంచ్?

వన్ ప్లస్ తాజాగా తన 8 సిరీస్ స్మార్ట్ ఫోన్లను గ్లోబల్ లాంచ్ చేసిన సంగతి తెలిసిందే. వన్ ప్లస్ 8, వన్ ప్లస్ 8 ప్రో స్మార్ట్ ఫోన్లు ఈ సిరీస్ లో ఉన్నాయి. అయితే మనదేశంలో కరోనావైరస్ మహమ్మారి కారణంగగా లాక్ డౌన్ నడుస్తుండటంతో ఇవి మనదేశంలో ఎప్పుడు లాంచ్ అవుతాయో ఇంకా స్పష్టత రాలేదు. అయితే వన్ ప్లస్ 8 సిరీస్ స్మార్ట్ ఫోన్ల చైనా ధరలను కంపెనీ ప్రకటించింది. దీంతో ఈ ఫోన్లు మనదేశంలో ఎంత ధరలో లాంచ్ అవుతాయో ఒక క్లారిటీ అయితే వచ్చింది.

Also Read: Smartphone Buying Guide: రూ.10 వేలలోపు బెస్ట్ ఫోన్లు ఇవే!(ఏప్రిల్ 2020)

చైనాలో వన్ ప్లస్ 8 స్మార్ట్ ఫోన్ ధర 3,999 యువాన్లుగా(సుమారు రూ.43,300) ఉంది. వన్ ప్లస్ 8 ప్రో స్మార్ట్ ఫోన్ ధరలను 5,399 యువాన్లుగా(సుమారు రూ.58,400) నిర్ణయించారు. యూఎస్ ధరల కంటే ఇవి చాలా తక్కువగా ఉన్నాయి. అమెరికాలో వన్ ప్లస్ 8 స్మార్ట్ ఫోన్ ధర 699 డాలర్ల(సుమారు రూ.53,200) నుంచి ప్రారంభం కానుండగా, వన్ ప్లస్ 8 ప్రో స్మార్ట్ ఫోన్ ధర 899 డాలర్ల(సుమారు రూ.68,400) నుంచి ప్రారంభం కానుంది.

అమెరికాలో వీటి ధరలను చూశాక మనదేశంలో కూడా వీటిని ఆ ధరలతోనే లాంచ్ చేస్తారని అందరూ అనుకున్నారు. అయితే తాజాగా చైనా ధరలు వచ్చిన అనంతరం మనదేశంలో వీటి ధర తక్కువగా ఉండే అవకాశం ఉందని అర్థం అవుతోంది.

Also Read: Honor 30 Series ఫోన్లు లాంచ్.. ఒకేసారి మూడు ఫోన్లతో షాకిచ్చిన హానర్!

అయితే మనదేశంలో వన్ ప్లస్ 8 సిరీస్ స్మార్ట్ ఫోన్ల ధరను అధికారికంగా ప్రకటిస్తామని కంపెనీ ట్వీటర్ ద్వారా తెలిపింది. అమెరికా ధరల గురించి ఆలోచించాల్సిన అవసరం లేదని, మనదేశంలో వీటి ధరల వేరుగా ఉండనుందని పేర్కొంది. ఇప్పుడు చైనా ధరలను వెల్లడించింది కాబట్టి మనదేశంలో అదే ధరల్లో లాంచ్ అయ్యే అవకాశం ఉంది.

2019లో యాపిల్, శాంసంగ్ లాంటి దిగ్గజాలను సైతం వెనక్కినెట్టి వన్ ప్లస్ ప్రీమియం సెగ్మెంట్ లో నంబర్ వన్ గా నిలిచింది. చైనా ధరలను పరిగణనలోకి తీసుకుంటే వన్ ప్లస్ 8 స్మార్ట్ ఫోన్ ధర రూ.45,000కు కాస్త అటూ ఇటుగా, వన్ ప్లస్ 8 ప్రో స్మార్ట్ ఫోన్ ధర రూ.60 వేల వరకు ఉండే అవకాశం ఉంది.