OnePlus : 65W ఫాస్ట్ చార్జింగ్‌తో వన్‌ప్లస్ నార్డ్ సీఈ 2 5జీ లాంచ్ - స్పెసిఫికేషన్లు, ధర ఎలా ఉన్నాయంటే..? | OnePlus Nord CE 2 5G launched in India

వన్‌ప్లస్‌ నార్డ్ సీఈ 2 5జీ ( OnePlus Nord 2 CE 5G) మొబైల్‌ భారత్‌లో విడుదలైంది. వన్‌ప్లస్‌ నార్డ్ సీఈకి సక్సెసర్‌గా గురువారం Nord CE 2 5G ఫోన్‌‌ను వన్‌ప్లస్ (OnePlus) గురువారం లాంచ్ చేసింది. మీడియాటెక్ 900 ప్రాసెసర్‌తో ఈ మొబైల్‌ వస్తోంది. అలాగే ఎలక్ట్రానిక్ ఇమేజ్ స్టెబిలేజేషన్ (EIS) సపోర్ట్ ఉన్న 64 మెగాపిక్సెల్ ప్రధాన కెమెరా ఉంది. వన్‌ప్లస్‌ నుంచి మిడ్ రేంజ్‌లో వచ్చిన OnePlus Nord CE 2 5G స్పెసిఫికేషన్లు, ఫీచర్లు, ధర, సేల్‌ వివరాలు ఇవే.
OnePlus Nord CE 2 5G ధర, సేల్
వన్‌ప్లస్‌ నార్డ్ సీఈ 2 5జీ మొబైల్‌ 6GB ర్యామ్ + 12GB స్టోరేజ్ వేరియంట్ ధర రూ.23,999గా ఉంది. 8GB ర్యామ్ + 128GB స్టోరేజ్ హైఎండ్ మోడల్ ధర రూ.24,999గా నిర్ణయించింది OnePlus. బహామా బ్లూ, గ్రే మిర్రర్ కలర్ ఆప్షన్లలో ఈ ఫోన్‌ అందుబాటులోకి వస్తుంది. ఫిబ్రవరి 22వ తేదీ నుంచి అమెజాన్, వన్‌ప్లస్‌ అధికారిక వెబ్‌సైట్‌ ద్వారా ఈ ఫోన్‌ సేల్‌ జరుగుతుంది.

OnePlus Nord CE 2 5G స్పెసిఫికేషన్లు
OnePlus Nord CE 2 5G Features, Specifications | 6.43 ఇంచుల ఫుల్ హెచ్‌డీ+ 90 హెట్జ్ అమోలెడ్ డిస్‌ప్లేతో ఈ మొబైల్‌ వస్తోంది. హెచ్‌డీఆర్ 10+, గొరిల్లా గ్లాస్ 5 ప్రొటెక్షన్ ఫీచర్లు ఉన్నాయి. ARM Mali-G68తో కూడిన MediaTek Dimensity 900 SoC చిప్‌సెట్‌ OnePlus Nord CE 2 5G మొబైల్‌లో ఉంది.

OnePlus Nord CE 2 5G వెనుక మూడు కెమెరాల సెటప్ ఉంది. EIS సపోర్టు ఉన్న 64MP ప్రధాన కెమెరా, EIS సపోర్టు ఉన్న 8MP అల్ట్రా వైడ్ యాంగిల్ షూటర్‌తో పాటు 2MP మాక్రో కెమెరా ఉన్నాయి. వీడియో కాల్స్, సెల్ఫీల కోసం 16MP Sony IMX471 ఫ్రంట్ కెమెరాను అందిస్తోంది OnePlus.

5జీ, 4జీ LTE, వైఫై 6, బ్లూటూత్ 5.2, NFC, జీపీఎస్, ఏ-జీపీఎస్ లాంటి కనెక్టివిటీ ఫీచర్లు Nord CE 2 5G మొబైల్‌లో ఉన్నాయి. 4500mAh బ్యాటరీ ఉండగా.. 65వాట్ల SuperVOOC ఫాస్ట్ చార్జింగ్‌కు సపోర్ట్ చేస్తుంది. మొత్తంగా ఈ ఫోన్‌ 173 గ్రాముల బరువు ఉంటుంది.
ఈ మొబైల్‌లో పాటు OnePlus TV Y1 సిరీస్ టీవీలను కూడా విడుదల చేసింది వన్‌ప్లస్‌.