OnePlus Bullets Wireless Z2 : 30గంటల బ్యాటరీ లైఫ్‌, 12.4mm డ్రైవర్లతో వన్‌ప్లస్‌ బ్లూటూత్ ఇయర్‌ఫోన్స్ లాంచ్ - ధర, పూర్తి స్పెసిఫికేషన్లు ఇవే

OnePlus Bullets Wireless Z2 India launch : 12.4mm సౌండ్ డ్రైవర్లతో వన్‌ప్లస్‌ బుల్లెట్స్ వైర్‌లెస్‌ జెడ్2 భారత్‌లో లాంచ్ అయింది. 30 గంటల బ్యాటరీ లైఫ్, ఫాస్ట్ చార్జింగ్ సపోర్ట్ ఉంటుంది. ఈ వైర్‌లెస్‌ నెక్‌‌బ్యాండ్ స్టైల్ ఇయర్‌ఫోన్స్ స్పెసిఫికేషన్లు, ధర, సేల్ వివరాలు ఇవే.

Samayam Telugu 1 Apr 2022, 11:55 am

వన్‌ప్లస్‌ నుంచి మరో వైర్‌లెస్‌ నెక్‌బ్యాండ్ స్టైల్ ఇయర్‌ఫోన్స్ వచ్చేశాయి. వన్‌ప్లస్‌ బుల్లెట్స్ వైర్‌లెస్‌ జెడ్2 ( OnePlus Bullets Wireless Z2 ) భారత్‌లో విడుదలైంది. బుల్లెట్స్ వైర్‌లెస్‌ జెడ్‌కు సక్సెసర్‌గా ఇది వచ్చింది. OnePlus Bullets Wireless Z2.. 12.4mm సౌండ్ డ్రైవర్లతో వస్తోంది. 30 గంటల బ్యాటరీ లైఫ్, ఫాస్ట్ చార్జింగ్ ప్రధాన ఆకర్షణలుగా ఉన్నాయి. నెక్‌బ్యాండ్ సిలికాన్‌ బిల్డ్‌తో ఉంది. OnePlus Bullets Wireless Z2 పూర్తి స్పెసిఫికేషన్లు, ధర వివరాలు చూడండి.

OnePlus Bullets Wireless Z2 స్పెసిఫికేషన్లు
వన్‌ప్లస్‌ బుల్లెట్స్ వైర్‌లెస్‌ జెడ్2 నెక్‌బ్యాంక్ ఇయర్‌ఫోన్స్‌ 12.4mm డ్రైవర్లతో వస్తున్నాయి. OnePlus ఆడియో ప్రొడక్టుల్లో ఇంత పెద్ద డ్రైవ్ ఉండడం ఇదే తొలిసారి. గత వన్‌ప్లస్‌ బుల్లెట్స్ వైర్‌లెస్‌ జెడ్‌లో 9.2mm డ్రైవర్లు ఉండగా.. కొత్త Bullet Z2లో మరింత మెరుగైన డ్రైవర్లను వన్‌ప్లస్‌ పొందుపరిచింది. అలాగే ఇన్‌బుల్ట్ మైక్రోఫోన్‌ను వినియోగిస్తున్నప్పుడు కాల్ నాయిస్‌ తగ్గేలా ఏఐ మోడల్ అల్గారిథమ్‌ను పొందుపరిచినట్టు వన్‌ప్లస్‌ పేర్కొంది.

వాటర్, డస్ట్ రెసిస్టెంట్ కోసం IP55 రేటెడ్ బాడీని OnePlus Bullets Wireless Z2 కలిగి ఉంది. అలాగే హైడ్రోఫోబిక్ నానో కోటింగ్‌ ఉంటుంది. ఇక నెక్‌బ్యాండ్‌ను సిలికాన్‌తో వన్‌ప్లస్‌ రూపొందించింది.
Also Read: సూపర్ ఫీచర్లతో Oppo Enco Air 2 టీడబ్ల్యూఎస్ ఇయర్‌బడ్స్ లాంచ్ - ధర ఎంతంటే..
స్మార్ట్‌ఫోన్‌లతో పాటు ఇతర డివైజ్‌లకు కనెక్ట్ చేసుకునేందుకు బ్లూటూత్ వెర్షన్‌ 5 ఉంటుంది. AAC, SBC కొడెక్‌లకు ఈ ఇయర్‌ఫోన్స్ సపోర్ట్ చేస్తాయి. గరిష్ఠంగా 120 డెసిబిల్స్ వరకు సౌండ్ లెవెల్ ఉంటుంది.

OnePlus Bullets Wireless Z2లో 200mAh బ్యాటరీ ఉంటుంది. ఫుల్ చార్జ్‌పై 50శాతం వాల్యూమ్‌తో 30 గంటల ప్లేబ్యాక్ టైమ్ వస్తుందని వన్‌ప్లస్‌ పేర్కొంది. కేవలం 10 నిమిషాల 20 గంటల బ్యాకప్ వచ్చేలా ఫాస్ట్ చార్జింగ్ సపోర్ట్ కూడా ఉంది. చార్జింగ్ కోసం యూఎస్‌బీ టైప్-సీ పోర్టు ఉంది.
Also Read: boAt Wave Lite : బోట్ నుంచి మరో బడ్జెట్ స్మార్ట్‌వాచ్ - ధర రూ.2వేలలోపే.. స్పెసిఫికేషన్లు, ఫీచర్లు ఎలా ఉన్నాయంటే
భారత్‌లో OnePlus Bullets Wireless Z2 ధర
వన్‌ప్లస్‌ బుల్లెట్స్ వైర్‌లెస్‌ జెడ్ 2 ధర భారత్‌లో రూ.1,999గా ఉంది. ఈ నెల 4వ తేదీ మధ్యాహ్నం 12 గంటలకు ఈ నెక్‌బ్యాండ్ బ్లూటూత్ ఇయర్‌ఫోన్స్ సేల్‌ మొదలవుతుంది. వన్‌ప్లస్‌ అధికారిక వెబ్‌సైట్‌తో పాటు అమెజాన్‌లో అమ్మకానికి అందుబాటులో ఉంటుంది.
అలాగే వన్‌ప్లస్‌ బడ్స్ ప్రో టీడబ్ల్యూఎస్‌ ఇయర్‌బడ్స్‌కు సిల్వర్ కలర్‌ ఆప్షన్‌ను కూడా వన్‌ప్లస్‌ లాంచ్ చేసింది. ఇది కూడా 4వ తేదీన అందుబాటులోకి వస్తుంది.
Also Read: పోర్టబుల్ వాషింగ్ మెషిన్లు.. రూ.3,500 రేంజ్‌లోనే - మడతపెట్టే మోడల్ కూడా

తరవాత కథనం