OnePlus Nord Buds CE : వన్‌ప్లస్ చీపెస్ట్ TWS ఇయర్‌బడ్స్ సేల్ మొదలు.. ధర, ఫీచర్లు ఎలా ఉన్నాయంటే..

వన్‌ప్లస్ నార్డ్ బడ్స్ సీఈ (OnePlus Nord Buds CE) టీడబ్ల్యూఎస్ ఇయర్‌బడ్స్ నేడు (ఆగస్టు 4) తొలిసారి అమ్మకానికి అందుబాటులోకి వచ్చాయి. ధర పరంగా వన్‌ప్లస్ చీపెస్ట్ టీడబ్ల్యూఎస్ ఇయర్‌బడ్స్‌గా లాంచ్ అయిన ఈ మోడల్ సేల్ ఇండియాలో నేడు ప్రారంభమైంది. 13.4 మిల్లీమీటర్ల డైనమిక్ సౌండ్ డ్రైవర్స్ ఈ బడ్స్‌కు హైలైట్‌గా ఉన్నాయి. చార్జింగ్ కేస్‌తో కలిపి 20 గంటల బ్యాటరీ లైఫ్ ఉంటుంది. OnePlus Nord Buds CE పూర్తి వివరాలపై ఓ లుక్కేయండి.

OnePlus Nord Buds CE ఇంట్రడక్టరీ ధర, సేల్ వివరాలు
వన్‌ప్లస్ నార్డ్ బడ్స్ సీఈ టీడబ్ల్యూఎస్ ఇయర్‌బడ్స్.. ఈ-కామర్స్ సైట్ ఫ్లిప్‌కార్ట్ (Flipkart), వన్‌ప్లస్ అధికారిక స్టోర్ (Oneplus.in)లో సేల్‌కు వచ్చాయి. ఇంట్రడక్టరీ ధర రూ.2,299కు అందుబాటులో ఉన్నాయి. ఈ బడ్స్ సాధారణ ధర రూ.2,699 కాగా.. ఆఫర్ కింద ప్రస్తుతం రూ.400 తగ్గింపుతో లభిస్తున్నాయి. ఈ ఇంట్రడక్టరీ ధర కొంతకాలమే ఉండే అవకాశం ఉంది. మూన్‌లైట్ వైట్, మిస్ట్ గ్రే కలర్స్‌లో OnePlus Nord Buds CE అందుబాటులోకి వచ్చింది.

వన్‌ప్లస్ నార్డ్ బడ్స్ సీఈ స్పెసిఫికేషన్లు
OnePlus Nord Buds CE మోడల్ ఒక్కో ఇయర్‌బడ్‌లో 27mAh బ్యాటరీ ఉంటుంది. ఫుల్ చార్జ్‌పై ఈ బడ్స్ 4.5 గంటల ప్లే టైమ్ ఇస్తాయి. చార్జింగ్ కేస్‌లో 300mAh బ్యాటరీ ఉంటుంది. ఈ కేస్‌తో బడ్స్‌ను దాదాపు నాలుగుసార్లు చార్జ్ చేసుకోవచ్చు. దీంతో చార్జింగ్ కేస్‌తో కలిపి మొత్తంగా 20 గంటల ప్లేటైమ్ ఉంటుందని వన్‌ప్లస్ వెల్లడించింది. 10 నిమిషాలు చార్జ్ చేసి 81 నిమిషాలు వినియోగించుకునేలా ఫాస్ట్ చార్జింగ్ టెక్నాలజీకి ఈ బడ్జెట్ ఇయర్‌బడ్స్ సపోర్ట్ చేస్తాయని వన్‌ప్లస్ తెలిపింది. చార్జింగ్ కోసం కేస్‌కు టైప్‌-సీ పోర్ట్‌ను ఇచ్చింది.

OnePlus Nord Buds CE ఇయర్‌బడ్స్..13.4mm డైనమిక్ సౌండ్ డ్రైవర్లను కలిగి ఉన్నాయి. ఇవి AAC, SBC ఆడియో కొడెక్ ఫార్మాట్‌లకు సపోర్ట్ చేస్తాయి. కాల్స్ క్వాలిటీ మెరుగ్గా ఉండేందుకు, బయటి శబ్దాలను నిరోధించేందుకు ఏఐ నాయిస్ రిడక్షన్ అల్గారిథమ్స్‌తో కూడిన నాయిస్ క్యాన్సలేషన్ టెక్నాలజీని పొందుపరిచినట్టు వన్‌ప్లస్ వెల్లడించింది. కనెక్టివిటీ కోసం బ్లూటూత్ 5.2 వెర్షన్‌తో ఈ ఇయర్‌బడ్స్ వస్తున్నాయి.

OnePlus Nord Buds CE విభిన్నమైన ఈక్వలైజర్స్‌కు సపోర్ట్ చేస్తుంది. ఆండ్రాయిడ్ మొబైల్‌లో హేమెలోడీ (HeyMelody) యాప్‌ ద్వారా ఈ బడ్స్‌ను కనెక్ట్ చేసుకొని.. ఈక్వలైజర్, సెట్టింగ్స్‌ను చేంజ్ చేసుకోవచ్చు. ఒక్కో ఇయర్‌బడ్ బరువు 3.5 గ్రాములు ఉండగా.. చార్జింగ్ కేస్‌తో కలిపి వన్‌ప్లస్ నార్డ్ బడ్స్ సీఈ మొత్తంగా 33 గ్రాముల బరువు ఉంటుంది.