OnePlus Nord watch : వన్ప్లస్ చీపెస్ట్ స్మార్ట్‌వాచ్‌ వచ్చేసింది.. ధర, ఫీచర్ల వివరాలు ఇవే.. సేల్‌ కూడా మొదలు
OnePlus Nord watch launch : వన్ప్లస్ నార్డ్ వాచ్ ఇండియాలో లాంచ్ అయింది. వన్ప్లస్ నుంచి చీపెస్ట్ వాచ్‌గా అడుగుపెట్టింది. AMOLED డిస్‌ప్లే ఆకర్షణీయంగా ఉంది. సేల్‌ కూడా ప్రారంభమైంది.
Authored byKrishna Prakash | Samayam Telugu3 Oct 2022, 1:21 pm
OnePlus Nord Watch : చాలా కాలం నుంచి వేచిచూస్తున్న వన్ప్లస్ (OnePlus) చౌకైన స్మార్ట్‌వాచ్‌ వచ్చేసింది. వన్ప్లస్ నార్డ్ వాచ్ (OnePlus Nord Watch) ఇండియాలో లాంచ్ అయింది. 500 నిట్స్ పీక్ బ్రైట్‌నెస్ ఉండే AMOLED డిస్‌ప్లే ఈ స్మార్ట్‌వాచ్‌కు ప్రధాన ఆకర్షణగా ఉంది. హార్ట్‌రేట్ మానిటరింగ్, SpO2తో పాటు మరిన్ని హెల్త్ ఫీచర్లతో ఈ వాచ్ వస్తోంది. OnePlus Nord Watch ధర, పూర్తి స్పెసిఫికేషన్లు, ఫీచర్ల వివరాలు ఇవే.
OnePlus Nord Watch స్పెసిఫికేషన్లు, ఫీచర్లు 1.78 హెచ్‌డీ AMOLED టచ్ డిస్‌ప్లేతో వన్ప్లస్ నార్డ్ వాచ్ వస్తోంది. 60Hz రిఫ్రెష్ రేట్, 500 నిట్స్ పీక్ బ్రైట్‌నెస్ ఉంటుంది. 100కుపైగా వాచ్ ఫేసెస్‌కు సపోర్ట్ చేస్తుంది. వాచ్ కుడిసైడ్ పవర్/ఆపరేటింగ్ బటన్ ఉంటుంది. RTOSపై ఈ స్మార్ట్‌వాచ్‌ రన్ అవుతుంది.
హార్ట్‌రేట్ మానిటరింగ్, బ్లడ్ ఆక్సిజన్ SpO2 మానిటరింగ్, స్లీప్ ట్రాకర్, స్ట్రెస్ మానిటరింగ్ హెల్త్ ఫీచర్లను OnePlus Nord Watch కలిగి ఉంది. కనెక్టివిటీ కోసం బ్లూటూత్ 5.2తో వస్తోంది. దీంతో మొబైల్‌కు ఈ వాచ్‌ను కనెక్ట్ చేసుకోవచ్చు. అలెర్ట్స్, నోటిఫికేషన్స్ వాచ్‌లో పొందవచ్చు. కెమెరా, మ్యూజిక్‌ను కూడా కంట్రోల్ చేసుకోవచ్చు. స్మార్ట్‌ఫోన్‌లో ఎన్ హెల్త్ (N Health) యాప్‌ను ఇన్‌స్టాల్ చేసుకొని ఈ వాచ్‌ను సింక్ చేసుకోవచ్చు. 105 స్పోర్ట్స్ మోడ్స్‌కు ఈ వన్ప్లస్ బడ్జెట్ వాచ్ సపోర్ట్ చేస్తుంది.
OnePlus Nord Watchలో 230mAh బ్యాటరీ ఉంటుంది. ఒక్కసారి ఫుల్ చార్జ్ చేస్తే 10 రోజుల బ్యాటరీ లైఫ్ ఇస్తుందని వన్ప్లస్ పేర్కొంది. 30 రోజుల స్టాండ్‌బై టైమ్ ఉంటుంది. మొత్తంగా ఈ వాచ్ 52.4 గ్రాముల బరువు ఉంటుంది. వాటర్ రెస్టిస్టెంట్స్ కోసం IP68 రేటింగ్‌తో ఈ వాచ్ వస్తోంది.
OnePlus Nord Watch ధర, సేల్‌ వన్ప్లస్ నార్డ్ వాచ్ ధర రూ.4,999గా ఉంది. డీప్ బ్లూ, మిడ్ నైట్ బ్లాక్ కలర్ ఆప్షన్‌లలో లభిస్తోంది. ఈ-కామర్స్ సైట్ అమెజాన్, వన్ప్లస్ స్టోర్, వన్ప్లస్ ఆఫ్‌లైన్ స్టోర్స్‌లో ఈ వాచ్ సేల్‌కు వచ్చింది.
Nord Watchతో రియల్‌మీ, బోట్, నాయిస్ లాంటి కంపెనీలకు బడ్జెట్ రేంజ్‌లో పోటీని ఇవ్వనుంది వన్ప్లస్. ముఖ్యంగా AMOLED డిస్‌ప్లే ఆకర్షణీయంగా ఉంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
