OnePlus Nord Watch : వన్ప్లస్ నార్డ్ వాచ్ త్వరలో భారత్‌లో లాంచ్ కానుంది. ఈ విషయాన్ని వన్ప్లస్ వెల్లడించింది. బడ్జెట్ రేంజ్‌లో ఈ వాచ్ రానుంది. పూర్తి వివరాలు ఇవే.
OnePlus Nord Watch : పాపులర్ బ్రాండ్ వన్ప్లస్ (OnePlus).. నార్డ్ లైనప్‌లో బడ్జెట్ రేంజ్‌లో ప్రొడక్టులను తీసుకొస్తుంటుంది. ఇప్పటి వరకు నార్డ్ పేరుతో స్మార్ట్‌ఫోన్‌లు, ఇయర్‌బడ్స్‌, ఇయర్‌ఫోన్స్‌ను తీసుకువచ్చింది. అయితే తొలిసారి నార్డ్ లైనప్‌లో స్మార్ట్‌వాచ్‌ లాంచ్ చేసేందుకు రెడీ అయింది. వన్ప్లస్ నార్డ్ వాచ్ (OnePlus Nord Watch) భారత్‌లో అతి త్వరలో విడుదల కానుంది. ఈ విషయాన్ని వన్ప్లస్ అధికారికంగా వెల్లడించింది. వన్ప్లస్ ఇండియా ట్విట్టర్ ఖాతా ద్వారా ప్రకటించింది. పూర్తి వివరాలు ఇవే.
OnePlus Nord Watch Details : వన్ప్లస్ నార్డ్ వాచ్‌ను అతి త్వరలో తీసుకొస్తున్నామంటూ OnePlus ట్వీట్ చేసింది. కమింగ్ సూన్ అంటూ టీజ్ చేసింది. వాచ్‌కు సంబంధించిన లుక్‌ను కొంత రివీల్ చేసింది. రెక్టాంగులర్ డిస్‌ప్లేతో వన్ప్లస్ నార్డ్ వాచ్ వస్తుందని దీని ద్వారా తెలుస్తోంది. బ్లాక్ కలర్ ఆప్షన్‌ను వెల్లడించింది వన్ప్లస్. ఇతర వివరాలు తెలుపలేదు. త్వరలో లాంచ్ డేట్‌తో పాటు క్రమంగా స్పెసిఫికేషన్లను రివీల్ చేసే అవకాశం ఉంది. అయితే ఈ OnePlus Nord Watchకు సంబంధించిన కొన్ని వివరాలు ఇప్పటికే బయటికి వచ్చాయి.
240x280 పిక్సెల్స్ రెజల్యూషన్ ఉండే రెక్టాంగులర్ డిస్‌ప్లేతో వన్ప్లస్ నార్డ్ వాచ్ (OnePlus Nord Watch) వస్తుందని లీక్‌లు వచ్చాయి. డయల్ కుడివైపున బటన్ డయల్ ఉంటుంది. హార్ట్‌రేట్ సెన్సార్, బ్లడ్ ఆక్సిజన్ మానిటరింగ్, స్లీప్ ట్రాకర్ లాంటి హెల్త్ ఫీచర్లను ఈ వాచ్ కలిగి ఉంటుందని అంచనాలు ఉన్నాయి.
నార్డ్ సిరీస్ వాచ్‌ల కోసం ఎన్-హెల్త్ (N-Health) యాప్‌ను వన్ప్లస్ రూపొందిస్తోందని కొంతకాలం క్రితం సమాచారం లీక్ అయింది. వన్ప్లస్ హెల్త్ యాప్‌ కాకుండా నార్డ్ లైనప్ వాచ్‌లో కోసమే ఈ కొత్త యాప్‌ను వన్ప్లస్ డెవలప్ చేస్తోందని సమాచారం. Also Read: Realme GT Neo 3T : 80వాట్ల ఫాస్ట్ చార్జింగ్‌తో రియల్‌మీ ఫోన్‌ లాంచ్.. అదిరిపోయే స్పెసిఫికేషన్లు వన్ప్లస్ నార్డ్ వాచ్ అంచనా ధర OnePlus Nord Watch Expected Price | నార్డ్ ప్రొడక్టులతో బడ్జెట్ రేంజ్‌ను వన్ప్లస్ టార్గెట్ చేస్తోంది. నార్డ్ లైనప్‌తో ఈ సెగ్మెంట్‌లో డివైజ్‌లను తీసుకొస్తుంటుంది. అందుకే వన్ప్లస్ నార్డ్ వాచ్ కూడా బడ్జెట్ రేంజ్‌లో రావడం ఖాయంగా కనిపిస్తోంది. ఈ వాచ్ ధర రూ.5,000లోపు ఉంటుందని అంచనాలు ఉన్నాయి. ఈ మోడల్‌తో బోట్, రియల్‌మీ, నాయిస్ లాంటి బ్రాండ్స్‌కు ఈ సెగ్మెంట్‌లో పోటీ ఇవ్వాలని వన్ప్లస్ భావిస్తోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
