OnePlus TV 50 Y1S Pro Smart TV : వన్‌ప్లస్‌ నుంచి 50 ఇంచుల డిస్ప్లేతో స్మార్ట్ టీవీ లాంచ్ కానుంది. అతిత్వరలో OnePlus TV 50 Y1S Pro రానుంది. ఈ విషయాన్ని వన్‌ప్లస్‌ అధికారికంగా టీజ్ చేసింది. కీలకమైన స్పెసిఫికేషన్లను వెల్లడించింది.
Authored byKrishna Prakash | Samayam Telugu27 Jun 2022, 12:58 pm
OnePlus TV 50 Y1S Pro India launch : వన్‌ప్లస్‌ టీవీ వై1ఎస్ ప్రో సిరీస్‌లో మరో స్మార్ట్ టీవీ రానుంది. 50 ఇంచుల 4K డిస్ప్లేతో వన్‌ప్లస్‌ టీవీ 50 వై1ఎస్ ప్రో (OnePlus TV 50 Y1S Pro) భారత్‌లో అతి త్వరలో విడుదల కానుంది. ఈ సిరీస్‌లో 43 ఇంచుల మోడల్ టీవీ 43 వై1ఎస్ ప్రో రెండు నెలల క్రితం విడుదల కాగా.. ఇప్పుడు 50 ఇంచుల డిస్ప్లేతో కొత్త స్మార్ట్ టీవీ లాంచ్ కానుంది. ఈ విషయాన్ని వన్‌ప్లస్‌ అధికారికంగా ప్రకటించింది. ఈ-కామర్స్ సైట్ అమెజాన్‌లో కూడా ఈ టీవీ లిస్ట్ అయింది. 4K UHD డిస్‌ప్లే, HDR10 సపోర్ట్‌తో ఈ టీవీ రానుంది.
Samayam TeluguOnePlus TV 50 Y1S Pro త్వరలో లాంచ్ (Photo: OnePlus)
వన్‌ప్లస్‌ టీవీ 50 వై1ఎస్ ప్రో త్వరలో లాంచ్ అవుతుందంటూ వన్‌ప్లస్‌ ఇండియా వెబ్‌సైట్‌, అమెజాన్‌లో ప్రత్యేకమైన పేజీలను వన్‌ప్లస్‌ ఉంచింది. వీటిలో ఈ టీవీకి సంబంధించిన కొన్ని కీలకమైన స్పెసిఫికేషన్లను వెల్లడించింది. ఈ స్మార్ట్ టీవీ లాంచ్ గురించి ఫాలో కావాలనునే వారి కోసం నోటిఫై బటన్‌ను ఏర్పాటు చేసింది. దీనిపై క్లిక్ చేస్తే అప్‌డేట్‌ అందుకోవచ్చు. కచ్చితమైన లాంచ్ తేదీని వన్‌ప్లస్‌ ఇంకా ప్రకటించలేదు. అయితే మరో 10 రోజుల్లోనే ఈ టీవీ విడుదల అయ్యే అవకాశాలు ఉన్నాయి.
OnePlus TV 50 Y1S Pro స్పెసిఫికేషన్లు 50 ఇంచుల 4K Ultra HD డిస్ప్లేతో వన్‌ప్లస్‌ టీవీ 50 వై1ఎస్ ప్రో రానుంది. 10-బిట్ కలర్ డెప్త్, ఇమేజ్ క్వాలిటీ అత్యుత్తమంగా ఉండేందుకు గామా ఇంజిన్‌ ఈ టీవీలో ఉంటుంది. మోషన్ ఎస్టిమేషన్ కాంపన్సేషన్ (MEMC), HDR10 సపోర్ట్ ఉంటాయి.
డాల్బీ ఆడియో సపోర్ట్‌తో 24 వాట్ల సౌండ్ ఔట్‌పుట్ ఇచ్చే స్పీకర్లతో ఈ కొత్త వన్‌ప్లస్‌ టీవీ మోడల్ రానుంది. స్మార్ట్ వాల్యూమ్ కంట్రోల్ ఫీచర్ ఉండడంతో యూజర్లు వన్‌ప్లస్‌ వాచ్‌ ద్వారా కూడా OnePlus TV 50 Y1S Pro వాల్యూమ్‌ను కంట్రోల్ చేయవచ్చు. స్లీప్ డిటెక్షన్ ఫీచర్ కూడా ఉంటుంది. దీంతో ఒకవేళ టీవీ చూస్తూ యూజర్ నిద్రపోతే టీవీ స్లీప్ మోడ్‌లోకి వెళ్లిపోతుంది. ఈ టీవీలో 8జీబీ ఇంటర్నల్ స్టోరేజ్ ఉంటుంది.
OnePlus TV 50 Y1S Pro కచ్చితమైన లాంచ్ తేదీని కానీ, ధరను కానీ వన్‌ప్లస్‌ వెల్లడించలేదు. అతి త్వరలో విడుదల చేయనున్నట్టు పేర్కొంది. ఏప్రిల్‌లో లాంచ్ అయిన వన్‌ప్లస్‌ టీవీ 43 వై1ఎస్ ప్రో ధర ప్రస్తుతం రూ.28,9999గా ఉంది. 50 ఇంచులతో రానున్న ఈ కొత్త స్మార్ట్ టీవీ ధర సుమారు రూ.35,000 దరిదాపుల్లో ఉండే అవకాశం కనిపిస్తోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
