త్వరలో మనదేశంలో లాంచ్ కానున్న ఒప్పో ఏ52.. ప్రత్యేకత ఇదే!

ప్రముఖ స్మార్ట్ ఫోన్ బ్రాండ్ ఒప్పో మనదేశంలో కొత్త ఏ-సిరీస్ ఫోన్ ను లాంచ్ చేయడానికి సిద్ధమవుతోంది. అదే ఒప్పో ఏ52. కంపెనీ తెలుపుతున్న దాని ప్రకారం పంచ్ హోల్ డిస్ ప్లేతో ఒప్పో లాంచ్ చేస్తున్న మొదటి బడ్జెట్ ఫోన్ ఇదే.

అయితే ఒప్పో ఏ52 స్మార్ట్ ఫోన్ కు సంబంధించి కచ్చితమైన లాంచ్ డేట్ ను కంపెనీ ప్రకటించలేదు. ఈ ఫోన్ ఏప్రిల్ లో చైనాలో లాంచ్ అయింది. అక్కడ దీని ధరను 1599 యువాన్లుగా(సుమారు రూ.17,500) నిర్ణయించారు. కాబట్టి మనదేశంలో రూ.18,000 రేంజ్ లో ఈ ఫోన్ లాంచ్ అయ్యే అవకాశం ఉంది. అయితే ఈ ఫోన్ ను అందుబాటు ధరలోనే లాంచ్ చేస్తామని ఒప్పో తెలిపింది.

Also Read: నాలుగు అదిరిపోయే స్మార్ట్ టీవీలు లాంచ్ చేసిన Vu.. మరి ధర ఎంతంటే?

ఇక స్పెసిఫికేషన్ల విషయానికి వస్తే.. ఒప్పో ఏ52 స్మార్ట్ ఫోన్ లో 6.5 అంగుళాల ఫుల్ హెచ్ డీ+ డిస్ ప్లేను అందించారు. దీని స్క్రీన్ రిజల్యూషన్ 2400x1080 పిక్సెల్స్ గా ఉంది. పంచ్ హోల్ డిస్ ప్లేను ఇందులో అందించారు. క్వాల్ కాం స్నాప్ డ్రాగన్ 665 ప్రాసెసర్ పై ఈ ఫోన్ పనిచేయనుంది. 8 జీబీ ర్యామ్, 128 జీబీ ఇంటర్నల్ స్టోరేజ్ ను ఇందులో అందించారు. మైక్రో ఎస్ డీ కార్డు ద్వారా దీన్ని 256 జీబీ వరకు పెంచుకోవచ్చు.

ఇందులో వెనకవైపు నాలుగు కెమెరాల సెటప్ ఉంది. వీటిలో ప్రధాన కెమెరా సామర్థ్యం 12 మెగా పిక్సెల్ కాగా, 8 మెగా పిక్సెల్ అల్ట్రా వైడ్ యాంగిల్ కెమెరా, 2 మెగా పిక్సెల్ మాక్రో కెమెరా, 2 మెగా పిక్సెల్ డెప్త్ సెన్సార్ లు కూడా ఇందులో ఉన్నాయి. సెల్ఫీల కోసం ముందువైపు 8 మెగాపిక్సెల్ కెమెరాను అందించారు.

Also Read: Samsung Days: ఫ్లిప్‌కార్ట్‌లో శాంసంగ్ భారీ ఆఫర్లు.. జూన్ 12 వరకు మాత్రమే!

దీని బ్యాటరీ సామర్థ్యం 5,000 ఎంఏహెచ్ గా ఉంది. 18W ఫాస్ట్ చార్జింగ్ టెక్నాలజీని ఈ ఫోన్ సపోర్ట్ చేస్తుంది. దీంతోపాటు డ్యూయల్ 4జీ వోల్టే, వైఫై 802.11 ac, బ్లూటూత్ 5, జీపీఎస్, గ్లోనాస్, యూఎస్ బీ టైప్-సీ పోర్టు, 3.5 ఎంఎం హెడ్ ఫోన్ జాక్ వంటి కనెక్టివిటీ ఫీచర్లు కూడా ఇందులో ఉన్నాయి. దీని బరువు 162 గ్రాములుగా ఉంది.