సూపర్ ఫీచర్లతో Oppo Enco Air 2 టీడబ్ల్యూఎస్ ఇయర్‌బడ్స్ లాంచ్ - ధర ఎంతంటే..

ఒప్పో ఎన్కో ఎయిర్ 2 ( Oppo Enco Air 2 ) టీడబ్ల్యూఎస్‌ ఇయర్‌బడ్స్ భారత్‌లో విడుదలైంది. ఒప్పో కే10 మొబైల్‌తో పాటు ఈ TWSను ఒప్పో తీసుకొచ్చింది. చైనాలో జనవరిలోనే లాంచ్ అయిన Oppo Enco Air 2 ఇప్పుడు ఇండియాకు వచ్చింది. 13.4mm టైటనైజ్డ్ డియాఫ్రామ్ డ్రైవర్లతో ఇది వస్తోంది. అలాగే ఎస్‌బీసీ, ఏఏసీ కొడెక్‌లకు సపోర్ట్ చేస్తుంది. ఐపీఎక్స్ 4 రేటింగ్, 24 గంటల ప్లేబ్యాక్ ఉంటుంది. Oppo Enco Air 2 పూర్తి స్పెసిఫికేషన్లు, ఫీచర్లు, ధర వివరాలపై ఓ లుక్కేయండి.

Oppo Enco Air 2 ధర, సేల్‌
ఒప్పో ఎన్కో ఎయిర్ 2 TWS ఇయర్‌బడ్స్ ధర రూ.2,499గా ఉంది. తెలుపు, నీలం రంగుల ఆప్షన్‌లో ఇది లభ్యం కానుంది. మార్చి 29వ తేదీ మధ్యాహ్నం 12 గంటలకు ఫ్లిప్‌కార్ట్‌తో పాటు ఒప్పో ఆన్‌లైన్ స్టోర్‌లో సేల్‌ మొదలుకానుంది.
Also Read: TWS ఇయర్‌బడ్స్ కొనాలనుకుంటున్నారా.. రూ.2వేలలోపు బెస్ట్ ఇవే
Oppo Enco Air 2 స్పెసిఫికేషన్లు
ఒప్పో ఎన్కో ఎయిర్ 2 ( Oppo Enco Air 2 ) టీడబ్ల్యూఎస్‌ ఇయర్‌బడ్స్‌లో 13.4mm టైటనైజ్డ్ డియాఫ్రామ్ సౌండ్ డ్రైవర్లు ఉన్నాయి. ఇయర్‌బడ్స్ కేస్ లిడ్ (మూత) ట్రాన్స్‌ప్రంట్‌గా ఉంది. వాటర్ రెసిస్టెంట్ కోసం ఐపీఎక్స్4 రేటింగ్‌తో ఈ TWS వస్తోంది. స్మార్ట్‌ఫోన్‌లు సహా డివైజ్‌లకు కనెక్ట్ చేసుకునేందుకు బ్లూటూత్ వీ5.2 ఉంది.
Also Read: రూ.15వేలలోపు ధరతో Oppo K10 వచ్చేసింది.. స్పెసిఫికేషన్లు ఎలా ఉన్నాయో చూడండి - రూ.2వేల లాంచ్ ఆఫర్‌ కూడా
గేమింగ్ సౌండ్ ఎక్స్‌పీరియన్స్ మెరుగ్గా ఉండేందుకు Oppo Enco Air 2లో Low latency mode సపోర్టు కూడా ఉంది. ఆండ్రాయిడ్ స్మార్ట్‌ఫోన్‌లలో హేమెలోడీ (HeyMelody) యాప్‌ను డౌన్‌లోడ్ చేసుకొని ఒప్పో టీడబ్ల్యూఎస్‌ ఇయర్‌బడ్స్‌ సౌండ్ ఎఫెక్ట్స్ సహా మరిన్ని కంట్రోల్స్‌ను మార్చుకోవచ్చు.

Oppo Enco Air 2 ఒక్కో ఇయర్‌బడ్‌లో 27mAh బ్యాటరీ ఉండగా.. చార్జింగ్ కేస్‌ 440mAh బ్యాటరీని కలిగి ఉంది. ఫుల్ చార్జ్‌పై ఒక్కో ఇయర్‌బడ్ నాలుగు గంటల ప్లేబ్యాక్ ఇస్తుంది. ఇక చార్జింగ్ కేస్‌తో మరో ఐదుసార్లు బడ్స్‌ను ఫుల్ చార్జ్ చేయవచ్చు. అంటే మొత్తంగా 24 గంటల ప్లేబ్యాక్ టైమ్ ఉంటుందని ఒప్పో పేర్కొంది. ఇక పరిసరాల శబ్దాల వల్ల ఇబ్బంది కలుగకుండా ఈ టీడబ్ల్యూఎస్‌లో ఏఐ నాయిస్ క్యాన్సలేషన్‌ను పొందుపరిచినట్టు తెలిపింది. అయితే యాక్టివ్ నాయిస్ క్యాన్సలేషన్ లేదు.
Oppo Enco Air 2 ఒక్కో ఇయర్‌బడ్ 3.5 గ్రాముల బరువు ఉండగా.. చార్జింగ్ కేస్‌తో కలిపి మొత్తంగా 39.9 గ్రాముల బరువు ఉంది.
Also Read: ఇన్‌బుల్ట్ GPSతో Redmi Watch 2 Lite స్మార్ట్‌వాచ్‌ లాంచ్ - స్పెసిఫికేషన్లు, ఫీచర్లు, ధర ఎలా ఉన్నాయంటే..