ధర ఎంత?
ఈ ఫోన్ కేవలం ఒక్క వేరియంట్ లో మాత్రమే అందుబాటులో ఉండనుంది. 8 జీబీ ర్యామ్ + 128 జీబీ స్టోరేజ్ తో కూడిన ఈ వేరియంట్ ధరను రూ.19,990గా నిర్ణయించారు. లైటెనింగ్ బ్లాక్, యూనికార్న్ వైట్ రంగుల్లో ఈ స్మార్ట్ ఫోన్ లాంచ్ అయింది. జనవరి 24 నుంచి ఫ్లిప్ కార్ట్, అమెజాన్, ఒప్పో ఇండియా ఆన్ లైన్ స్టోర్, ఆఫ్ లైన్ రిటైల్ స్టోర్లలో ఈ ఫోన్ అందుబాటులో ఉండనుంది.
Also Read: ఈ 17 ప్రముఖ యాప్స్ మీ ఫోన్ లో ఉన్నాయా? అయితే వెంటనే తీసేయండి! ఎందుకంటే?
జియో యూజర్లకు బంపర్ ఆఫర్!
జనవరి 26వ తేదీ లోపు ఈ ఫోన్ కొనుగోలు చేసేవారికి వన్ టైమ్ స్క్రీన్ రీప్లేస్ మెంట్ లభించనుంది. ఆఫ్ లైన్ రిటైలర్ల వద్ద హెచ్ డీఎఫ్ సీ, ఐసీఐసీఐ, యస్ బ్యాంక్ కార్డులతో కొనుగోలు చేసేవారికి ఐదు శాతం అదనపు తగ్గింపు లభించనుంది. అంతేకాకుండా బజాజ్ ఫిన్ సర్వ్ కార్డులతో కొనుగోలు చేసేవారికి జీరో డౌన్ పేమెంట్ ఆప్షన్ కూడా అందుబాటులో ఉంది. దీంతో పాటు ఈ ఫోన్ కొనుగోలు చేసే జియో వినియోగదారులకు 100 శాతం అదనపు డేటా లాభాలు అందించనున్నారు.
స్పెసిఫికేషన్లు ఇవే!
ఈ ఫోన్ లో 6.4 అంగుళాల ఫుల్ హెచ్ డీ+ డిస్ ప్లేను అందించనున్నారు. యాస్పెక్ట్ రేషియో 20:9గా ఉంది. కార్నింగ్ గొరిల్లా గ్లాస్ 5 ప్రొటెక్షన్ కూడా ఇందులో ఉంది. 0.32 సెకన్లలో ఫోన్ ను అన్ లాక్ చేసే విధంగా ఇన్ డిస్ ప్లే ఫింగర్ ప్రింట్ సెన్సార్ ను అందించారు. డీసీ స్క్రీన్ డిమ్మింగ్ 2.0 ఫీచర్ కూడా ఉంది. ఫోన్ చూసేటప్పుడు కళ్లపై ఆ లైట్ ప్రభావం పడకుండా దీన్ని అందించారు. ఆక్టాకోర్ మీడియాటెక్ హీలియో పీ70 ప్రాసెసర్ ఇందులో అందుబాటులో ఉంది. ఆండ్రాయిడ్ Pie ఆధారిత కలర్ ఓఎస్ 6.1.2 ఆపరేటింగ్ సిస్టంపై ఈ ఫోన్ పనిచేయనుంది.
Also Read: మీ ఫోన్ హ్యాక్ కాకుండా ఉండాలనుకుంటున్నారా? అయితే వీటిని పాటించాల్సిందే!
కెమెరాలు ఎలా ఉన్నాయంటే?
ఈ స్మార్ట్ ఫోన్ లో వెనకవైపు నాలుగు కెమెరాల సెటప్ ను అందించారు. ప్రధాన కెమెరా సామర్థ్యం 48 మెగా పిక్సెల్ కాగా, 8 మెగా పిక్సెల్ వైడ్ యాంగిల్, 2 మెగా పిక్సెల్ పొర్ ట్రెయిట్, 2 మెగా పిక్సెల్ మోనోక్రోమ్ సెన్సార్ లు కూడా ఇందులో ఉన్నాయి. సెల్ఫీ ప్రియుల కోసం ముందువైపు 16 మెగా పిక్సెల్ కెమెరాను అందించారు. ఏఐ వీడియో బ్యూటిఫికేషన్, జెండర్ డిటెక్షన్ వంటి ప్రీలోడెడ్ ఫీచర్లు అదనపు ఆకర్షణ. వైడ్ యాంగిల్ కెమెరా ఫీల్డ్ ఆఫ్ వ్యూ 119 డిగ్రీలుగా ఉంది.
Also Read: పోర్న్ నిషేధానికి మరో అడుగు ముందుకేసిన ప్రభుత్వం.. Twitter, Facebook, Googleకు ప్రశ్నలు!
మిగతా ఫీచర్ల ఎలా ఉన్నాయంటే?
ఒప్పో ఎఫ్15 బ్యాటరీ సామర్థ్యం 4000 ఎంఏహెచ్ గా ఉంది. VOOC 3.0 ఫాస్ట్ చార్జింగ్ ను ఈ స్మార్ట్ ఫోన్ సపోర్ట్ చేస్తుంది. 128 జీబీ స్టోరేజ్ ఇందులో అందుబాటులో ఉంది. మైక్రో ఎస్ డీ కార్డు ద్వారా 256 జీబీ వరకు స్టోరేజ్ ను పెంచుకోవచ్చు. కనెక్టివిటీ ఫీచర్ల విషయానికి వస్తే.. 4జీ వోల్టే, వైఫై, బ్లూటూత్ 4.2, జీపీఎస్/ఏ-జీపీఎస్, యూఎస్ బీ టైప్-సీ పోర్టు, 3.5 ఎంఎం హెడ్ ఫోన్ జాక్ ఫీచర్లు కూడా ఇందులో ఉన్నాయి. దీని బరువు 172 గ్రాములుగా ఉంది.