యాప్నగరం

Oppo K10 : ఒప్పో కే10 స్పెసిఫికేషన్లు లీక్ - రూ.20వేలలోపు ధరతోనే

Oppo K10 : భారత్‌లో మరో రెండు రోజుల్లో విడుదల కానున్న ఒప్పో కే10 మొబైల్‌ స్పెసిఫికేషన్లు లీకయ్యాయి. రూ.20వేలలోపు రానున్న ఈ మొబైల్‌కు సంబంధించి ఇప్పటి వరకు వెల్లడైన వివరాలు ఇవే.

Samayam Telugu 23 Mar 2022, 10:47 am
ఒప్పో ( Oppo ) నుంచి మరో రెండు రోజుల్లో భారత్‌లో ఒప్పో కే10 (Oppo K10) మొబైల్‌ విడుదల కానుంది. మార్చి 23న మధ్యాహ్నం 12 గంటలకు ఈ ఫోన్‌ లాంచ్ అయ్యేందుకు సిద్ధమైంది. ఈ విషయాన్ని Oppo అధికారికంగా ప్రకటించింది. ఈ కామర్స్ సైట్ ఫ్లిప్‌కార్ట్‌లో Oppo K10 అందుబాటులోకి రానుంది. కాగా విడుదలకు ముందే ఒప్పో కే10 మొబైల్‌ స్పెసిఫికేషన్లు బయటికి వచ్చేశాయి. ఈ ఫోన్‌ సమాచారం లీకైంది. రూ.20వేలలోపు ధరతో రానున్న ఈ Oppo K10కు సంబంధించి లీకైన స్పెసిఫికేషన్లు, డిజైన్, అంచనా ధర వివరాలు ఇవే.
Samayam Telugu ఒప్పో కే10 స్పెసిఫికేషన్లు లీక్ (Photo: Oppo)
Oppo K10 Leaked Specs


Oppo K10 స్పెసిఫికేషన్లు (లీకుల ప్రకారం)
ఒప్పో కే10 స్మార్ట్‌ఫోన్‌ 6.5 ఇంచుల ఫుల్ హెచ్‌డీ ఎల్‌సీడీ డిస్‌ప్లేతో వస్తుందని సమాచారం బయటికి వచ్చింది. 90 హెర్జ్ స్క్రీన్ రిఫ్రెష్ రేట్ ఉంటుందట. టిప్‌స్టర్ యోగేశ్ బ్రార్ సైతం ఈ ఫోన్‌ స్పెసిఫికేషన్లను వెల్లడించారు. ఆండ్రాయిడ్‌ 11 ఆధారిత కలర్ ఓఎస్ 11.1 ఆపరేటింగ్ సిస్టమ్‌పై ఈ మొబైల్‌ నడుస్తుందని పేర్కొన్నారు. అలాగే Oppo K10లో స్నాప్‌డ్రాగన్ 680 ప్రాసెసర్ ఉండనుందని తెలిసింది. గరిష్ఠంగా 6జీబీ ర్యామ్, 128జీబీ స్టోరేజ్ ఉంటుంది. ఇంటర్నల్ స్టోరేజీని ఉపయోగించుకొని వర్చువల్‌గా ర్యామ్‌ను పొడిగించుకునే ఫీచర్ ఉంటుంది.
Oppo K10 మొబైల్‌ వెనుక మూడు కెమెరాల సెటప్ ఉంటుందని లీకుల ద్వారా వెల్లడైంది. 50 మెగాపిక్సెల్ ప్రధాన కెమెరా, 2 మెగాపిక్సెల్ సామర్థ్యమున్న మరో రెండు కెమెరాలు ఉంటాయని సమాచారం. సెల్ఫీలు, వీడియోకాల్స్ కోసం 16 మెగాపిక్సెల్ ఫ్రంట్ కెమెరా ఉండనుంది. 5000mAh బ్యాటరీతో రానున్న ఈ మొబైల్‌ 33 వాట్ల ఫాస్ట్ చార్జింగ్‌కు సపోర్ట్ చేస్తుందని వెల్లడైంది.

Oppo K10 డిజైన్ వివరాలు
ఒప్పో కే10 వెనుక కెమెరా మాడ్యూల్ రెక్టాంగులర్ షేప్‌లో పెద్దగా ఉంది. అందులో మూడు కెమెరా లెన్స్‌లు, ఓ ఎల్ఈడీ ఫ్లాష్ ఉంటుంది. అలాగే వెనుక కింద కుడి భాగంలో ఒప్పో లోగో ఉంది. గ్లాస్‌ బ్యాక్ ప్లానెల్‌ ఉండనుండగా.. మ్యాట్ ఫినిష్ ఉంటుందనేలా Oppo టీజ్ చేసింది. ఇక పవర్ బటన్‌కే ఫింగర్ ప్రింట్ స్కానర్ ఉంటుంది. ఈ ఫోన్‌ ఎడమ సైడ్ సిమ్ ట్రే, వాల్యూమ్ రాకర్స్ ఉంటాయి. కుడివైపున పవర్ బటన్‌ ఉండనుంది. Oppo K10 బాటమ్‌లో స్పీకర్ గ్రిల్, యూఎస్‌బీ టైప్-సీ పోర్టు, మైక్రోఫోన్, 3.5ఎంఎం హెడ్‌ఫోన్ జాక్‌ను ఒప్పో పొందుపరిచింది.

Oppo K10 అంచనా ధర, సేల్‌ఒప్పో కే10 ప్రారంభ ధర రూ.20వేలలోపు ఉండనుందని సమాచారం. మరో రెండు రోజుల్లో (మార్చి 23న) ఈ మొబైల్‌ భారత్‌లో లాంచ్ కానుండగా.. 29వ తేదీ నుంచి సేల్‌కు రానుంది.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.