ఈ ఒప్పో ఫోన్లు వాడేవారికి గుడ్ న్యూస్.. కొత్త అప్ డేట్ మీకే!

ఆండ్రాయిడ్ 11 ఆధారిత కలర్ఓఎస్ 11 ఆపరేటింగ్ సిస్టంను జనవరిలో ఏయే ఫోన్లకు అందించనుందో ఒప్పో తెలిపింది. కంపెనీ ఈ ఫోన్ల జాబితాలను విడుదల చేసింది. ఇందులో బీటా వెర్షన్, అధికారిక వెర్షన్ అందుకునే ఫోన్లు కూడా ఉన్నాయి. దీంతోపాటు ఏయే ప్రాంతాల్లో ఈ అప్ డేట్‌ను అందించనుందో కూడా కంపెనీ తెలిపింది. స్టేబుల్ వెర్షన్‌ను బ్యాచ్‌లుగా విడుదల చేయనున్నారు. కాబట్టి ఒకే ఫోన్ వాడుతున్న వినియోగదారులకు కూడా వేర్వేరు సమయాల్లో ఈ అప్ డేట్ వచ్చే అవకాశం ఉంది.
జనవరి 18న రానున్న హానర్ వీ40.. పూర్తి స్పెసిఫికేషన్లు లీక్!
ఒప్పో కలర్ఓఎస్ 11 స్టేబుల్ అప్ డేట్
ఒప్పో ఫైండ్ ఎక్స్2, ఒప్పో ఫైండ్ ఎక్స్2 ప్రో, ఒప్పో ఫైండ్ ఎక్స్2 ప్రో ఆటోమొబిలి లాంబోర్గిని ఎడిషన్, ఒప్పో ఎఫ్17 ప్రో, ఒప్పో రెనో 4ఎఫ్, ఒప్పో ఏ93, ఒప్పో రెనో 4 ప్రో 5జీ, ఒప్పో రెనో 4 5జీ, ఒప్పో రెనో 4 ప్రో 4జీ, ఒప్పో రెనో 4 4జీ, ఒప్పో రెనో 4 లైట్, ఒప్పో రెనో 3 ప్రో 4జీ, ఒప్పో ఏ72 ఫోన్లకు మొదటగా ఈ ఆండ్రాయిడ్ 11 ఆధారిత కలర్ఓఎస్ 11 స్టేబుల్ అప్ డేట్ రానుంది.

ఒప్పో రెనో 4 జెడ్ 5జీ డివైస్‌లకు ఆస్ట్రేలియాలో, ఒప్పో ఎఫ్11, ఒప్పో ఎఫ్11 ప్రో, ఒప్పో ఎఫ్11 ప్రో మార్వెల్ అవెంజర్స్ లిమిటెడ్ ఎడిషన్ ఫోన్లకు మనదేశంలో, ఇండోనేషియాలో నేటి నుంచి(జనవరి 8వ తేదీ), ఒప్పో రెనో 4 జెడ్ 5జీ ఫోన్లకు థాయ్‌ల్యాండ్, ఫిలిప్పీన్స్‌లో జనవరి 15వ తేదీ నుంచి, ఒప్పో ఏ9 ఫోన్లకు మనదేశంలో జనవరి 21వ తేదీ నుంచి ఈ అప్ డేట్ రానుంది. ఒకవేళ మీ ఒప్పో ఫోన్ కూడా వీటిలో ఉంటే సెట్టింగ్స్‌లోకి వెళ్లి సాఫ్ట్ వేర్ అప్ డేట్ చేసుకోవచ్చు.

ఒప్పో కలర్ఓఎస్ 11 బీటా అప్ డేట్
ఒప్పో ఎఫ్11, ఒప్పో ఎఫ్11 ప్రోకు కలర్ ఓఎస్ 11 బీటా వెర్షన్ రావడం ప్రారంభం అయింది. ఒప్పో ఎఫ్11 ప్రో మార్వెల్ అవెంజర్స్ లిమిటెడ్ ఎడిషన్ స్మార్ట్ ఫోన్లు మనదేశంలో, ఇండోనేషియాలో ఇప్పటికే ఈ అప్ డేట్‌ను అందుకుంటున్నాయి. ఒప్పో ఏ52 వినియోగదారులకు మనదేశంలో, ఇండోనేషియాలో, పాకిస్తాన్‌లో ఇప్పటికే బీటావెర్షన్ రావడం ప్రారంభం అయింది.

ఇండోనేషియా, థాయ్‌ల్యాండ్, ఈజిప్ట్‌ల్లో ఒప్పో ఏ92 ఫోన్లు ఉపయోగించేవారికి, మనదేశంలో ఒప్పో ఏ9 స్మార్ట్ ఫోన్లు ఉపయోగించేవారికి, థాయ్‌ల్యాండ్, ఫిలిప్పీన్స్, ఆస్ట్రేలియాలో ఒప్పో రెనో 4 జెడ్ 5జీ ఫోన్లు ఉపయోగించేవారికి ఈ అప్ డేట్ రావడం ప్రారంభం అయింది.
రెండు ఫోన్ల ధరలు తగ్గించిన శాంసంగ్.. ఏయే ఫోన్లపై ఎంత ధర తగ్గిందంటే?
మనదేశంలో ఒప్పో రెనో 2ఎఫ్, ఒప్పో రెనో 10ఎక్స్ జూమ్ ఫోన్లకు జనవరి 26వ తేదీ నుంచి ఈ అప్ డేట్ రానుంది. అలాగే ఒప్పో ఎఫ్15 స్మార్ట్ ఫోన్‌కు జనవరి 29వ తేదీ నుంచి ఈ అప్ డేట్ రానుంది.