Paytm Mall: 20 నుంచి పేటీఎం 'ఫెస్టివ్ సీజన్' సేల్

ప్రముఖ ఈకామెర్స్‌ దిగ్గజం పేటీఎం గురువారం (సెప్టెంబరు 20) నుంచి 'ఫెస్టివల్‌ సెలబ్రేషన్స్‌' పేరుతో ఆఫర్‌ సేల్స్‌ ప్రారంభిస్తోంది. మూడురోజులపాటు పేటీఎం మాల్‌లో స్మార్ట్‌ఫోన్లు, ఇతర ఎలక్ట్రానిక్స్‌ ఉత్పత్తులపై భారీ డిస్కౌంట్లు, క్యాష్‌బ్యాక్‌ ఆఫర్లను ఇవ్వనుంది. ఆఫర్‌ సేల్‌లో శాంసంగ్‌ గెలాక్సీ నోట్‌ 9, గూగుల్‌ పిక్సెల్‌ 2 ఎక్స్‌ఎల్‌, శాంసంగ్‌ గెలాక్సీ జే8, మోటో జీ6, రెడ్‌మి నోట్‌ 5 ప్రొ, హానర్‌ 9 లైట్‌, హానర్‌ ప్లే స్మార్ట్‌ఫోన్లు ఉన్నాయి. స్మార్ట్‌ఫోన్లపైనే కాకుండా కెమెరాలు, హెడ్‌ఫోన్లు వంటి ఇతర ఎలక్ట్రానిక్‌ గ్యాడ్జెట్లపై కూడా 70 శాతం తగ్గింపు లభిస్తుందని పేటీఎం ప్రకటించింది. ఈ సేల్‌లో భాగంగా కస్టమర్లు సుజుకి జిక్సర్‌ బైక్‌ను గెలుపొందే అవకాశాన్ని కూడా కంపెనీ కల్పిస్తోంది.

ఆఫర్లు ఇలా...
* సామ్ సంగ్ గెలాక్సీ నోట్‌ 9 128జీబీ వేరియంట్‌ను రూ.67,900కే కొనుగోలు చేయవచ్చు. నోట్‌9 అనే కోడ్‌తో ఈ స్మార్ట్‌ఫోన్‌పై రూ.6000 క్యాష్‌బ్యాక్‌ను పొందవచ్చు.
* హానర్‌ 9 లైట్‌ను 23 శాతం డిస్కౌంట్‌, 2000 రూపాయల క్యాష్‌బ్యాక్‌తో రూ.13,945కే కొనొచ్చు.
* మోటో జీ6పై 12 శాతం డిస్కౌంట్‌లో రూ.15,814కే అందుబాటులోకి వస్తుంది. ఎంఓబీ1500 ప్రోటో కోడ్‌ను ఉపయోగించి ఈ స్మార్ట్‌ఫోన్‌పై రూ.1500 క్యాష్‌బ్యాక్‌ను కూడా కంపెనీ ఆఫర్‌ చేస్తుంది.
* డెల్‌ ఇన్సిరాన్‌ 3000 ల్యాప్‌టాప్‌పై ఫ్లాట్‌ 12 శాతం తగ్గింపు
* ఎంపికచేసిన స్మార్ట్‌ఫోన్ ధరల ఎంఆర్‌పీపై 50 శాతం డిస్కౌంట్‌ను అందిస్తోంది. వీటిలో హానర్ 7సి, సామ్ సంగ్ గెలాక్సీ ఎ6 ప్లస్, ఒప్పో ఎఫ్7, గూగుల్ పిక్సెల్2 ఎక్సెల్ ఫోన్లు ఉన్నాయి.