Poco F2 Leaks: మళ్లీ వచ్చిన లీకులు.. ఈసారి లాంచ్ పక్కా?

2018లో లాంచ్ అయిన పోకో ఎఫ్1 స్మార్ట్ ఫోన్ విపరీతంగా సక్సెస్ అయిన సంగతి తెలిసిందే. అప్పట్నుంచే దీని తర్వాత వెర్షన్ అయిన పోకో ఎఫ్2 స్మార్ట్ ఫోన్ కోసం టెక్ ప్రియులు ఎప్పట్నుంచో ఎదురుచూస్తున్నారు. దీనికి సంబంధించి వార్తలు కూడా ఎప్పట్నుంచో వినిపిస్తున్నాయి. అయితే ఫిబ్రవరిలో పోకో ఎక్స్2 లాంచ్ అయిన తర్వాత నుంచి దీనికి సంబంధించి కాస్త నమ్మదగిన లీకులు వినిపిచడం ప్రారంభించాయి.

Also Read: Smartphone Buying Guide: రూ.10 వేలలోపు బెస్ట్ ఫోన్లు ఇవే!(ఏప్రిల్ 2020)

తాజాగా ఈ ఫోన్ మళ్లీ కనిపించింది. M2004J11G మోడల్ నంబర్ తో రానున్న ఈ ఫోన్ మొదట యూరోపియన్ ఎకనమిక్ కమిషన్(ఈఈసీ) వెబ్ సైట్ లో కనిపించింది. ఇప్పుడు ఐఎంఈఐ డేటాబేస్ లో కనిపించింది. పోకో ఎఫ్2 స్మార్ట్ ఫోన్ కు అవసరమైన అన్ని సర్టిఫికెట్లను ప్రస్తుతం ఈ ఫోన్ సేకరిస్తుంది. దీన్ని బట్టి చూస్తే ఈ ఫోన్ అతి త్వరలోనే లాంచ్ అయ్యే అవకాశం ఉంది. అయితే పోకో ఈ ఫోన్ కు సంబంధించి ఇంతవరకు ఎటువంటి ప్రకటనలూ చేయలేదు.

Also Read: Honor 30 Series ఫోన్లు లాంచ్.. ఒకేసారి మూడు ఫోన్లతో షాకిచ్చిన హానర్!

ముకుల్ శర్మ అనే టిప్ స్టర్ ఈ ఐఎంఈఐ డేటాబేస్ లిస్టింగ్ ను మొదటగా బయటపెట్టారు. పోకో ఎక్స్2 M2004J11G మోడల్ నంబర్ తో వస్తుందని కూడా ఇతనే తెలిపాడు. అయితే దీనికి సంబంధించి ఇతర సమాచారం ఏదీ అందుబాటులో లేదు. అయితే గతంలో కూడా ఈ మోడల్ నంబర్ తోనే దీనికి సంబంధించిన లీకులు రావడంతో పోకో ఎఫ్2 ఈసారి కచ్చితంగా వస్తుందని టెక్ నిపుణులు అభిప్రాయపడుతున్నారు.

గతంలో యూరోపియన్ ఎకనమిక్ కమిషన్(ఈఈసీ) వెబ్ సైట్ లో కూడా పోకో ఎఫ్2 ఈ మోడల్ నంబర్ తోనే కనిపించింది. పోకో ట్రేడ్ మార్క్ తో రానున్న స్మార్ట్ ఫోన పేరిట ఇది లిస్ట్ అయింది. అయితే దీని స్పెసిఫికేషన్లకు సంబంధించి ఎటువంటి వివరాలు తెలియరాలేదు.

Also Read: రెండు 48MP కెమెరాలతో వచ్చిన వన్ ప్లస్ 8 ప్రో.. అత్యంత ఖరీదైన వన్ ప్లస్ ఫోన్ ఇదే!

అయితే రెడ్ మీ కే30 ప్రో స్మార్ట్ ఫోన్ నే పోకో ఎఫ్2 పేరిట రీబ్రాండ్ చేసి లాంచ్ చేయనున్నారని వార్తలు వినిపించారు. కానీ పోకో ఇండియా జనరల్ మేనేజర్ సి.మన్మోహన్ ఈ పుకార్లను ఖండించారు. పోకో ఎఫ్2 ధర కూడా రూ.20 వేల రేంజ్ లో ఉండదని ఆయన తెలిపారు. దీనికి ముందు వెర్షన్ పోకో ఎఫ్1 మాత్రం ఈ ధరతోనే లాంచ్ అయింది. 2018లో రూ.20,999 ధరకే ఈ ఫోన్ ను షియోమీ మార్కెట్లోకి తీసుకువచ్చింది. అప్పట్లో క్వాల్ కాం స్నాప్ డ్రాగన్ 845 ప్రాసెసర్ తో లాంచ్ అయిన ఫోన్లలో అత్యంత చవకైన ఫోన్ ఇదే! పోకో ఎఫ్2 కూడా దాని తరహాలోనే మంచి ఫీచర్లతో తక్కువ ధరతో లాంచ్ అవ్వాలని పోకో అభిమానులు ఆశిస్తున్నారు.