Poco F5 5G లేటెస్ట్ ఫీచర్లతో వచ్చేసిన పోకో ఎఫ్5 స్మార్ట్‌ఫోన్.. అదిరిపోయే ఆఫర్లతో సేల్స్ ఆరంభం..

Poco F5 5G స్మార్ట్‌ఫోన్ మన దేశంలో అమ్మకానికి వచ్చేసింది. ఈ ఫోన్ కావాలనుకునే వారు ఆన్‌లైన్‌లో ఈ కామర్స్ సైట్ ఫ్లిప్‌కార్ట్ ద్వారా ఆర్డర్ చేసుకోవచ్చు. ఈ లేటెస్ట్ ఫోనులో ప్రత్యేక ఫీచర్లు ఆకట్టుకునేలా ఉన్నాయి. అంతేకాదు ప్రారంభంలోనే ఫోన్ తీసుకునే వారికి భారీ డిస్కౌంట్లను సైతం ప్రకటించారు. కొన్ని బ్యాంకు కార్డుల వారికి ఇన్‌స్టంట్ డిస్కౌంట్ ఆఫర్లను అందుబాటులో ఉంచారు. ఈ సందర్భంగా Poco F5 5G స్మార్ట్‌ఫోన్ ధర ఎంత.. ఆఫర్లు.. ఇందులో ఉండే ఫీచర్లేంటో ఇప్పుడు తెలుసుకుందాం...
ధర ఎంత అంటే..
Poco F5 5G స్మార్ట్‌ఫోన్ 8GB RAM, 256GB స్టోరేజీ వేరియంట్ ధర రూ.29,999. 12GB RAM, 256GB స్టోరేజీ ఉండే మోడల్ ధర రూ.33,999. ఈ స్మార్ట్‌ఫోన్ కార్బన్ బ్లాక్, స్నో స్టార్మ్ వైట్, ఎలక్ట్రిక్ బ్లూ అనే మూడు కలర్ వేరియంట్లలో లభిస్తుంది. ఈ రెండు వేరియంట్లను ఇప్పుడు వరుసగా రూ.26,999, రూ.30,999కే ఆర్డర్ చేయొచ్చు. ICICI, HDFC, SBI, Axis క్రెడిట్, డెబిట్ కార్డులపై రూ.3 వేల వరకు తగ్గింపు లభించనుంది.

Iphone 15 Pro Max ఐఫోన్ 15 ప్రో మ్యాక్స్‌లో అదిరిపోయే ఫీచర్లు.. కొత్తగా ఏ కెమెరా సెన్సార్లు వాడుతున్నారో తెలుసా...

లేటెస్ట్ ఫీచర్లివే..
Poco F5 5G స్మార్ట్‌ఫోన్ 68.7 బిలియన్ రంగులను అందించే 12 బిట్ డిస్‌ప్లే టెక్నాలజీతో వచ్చింది. ఈ ఫోన్ 120Hz రిఫ్రెష్ రేటుతో 6.67 అంగుళాల Xinfinity Pro AMOLED డిస్ ప్లేను కలిగి ఉంది. డాల్బీ విజన్, హెచ్‌‌డిఆర్ 10+ మరియు అడాప్టివ్ హెచ్‌డిఆర్‌లను కూడా సపోర్ట్ చేస్తుంది. గేమింగ్, వీడియో స్ట్రీమింగ్ కోసం ఇదొక గొప్ప అవకాశంగా చెప్పొచ్చు.
ప్రాసెసర్..
Poco F5 5G స్మార్ట్‌ఫోన్ Qualcomm Snapdragon 7+ Gen2 ప్రాసెసర్‌తో పని చేస్తుంది. ఈ డివైజ్ వర్చువల్ ర్యామ్ సపోర్ట్ కలిగి ఉంది. దీని ద్వారా ర్యామ్‌ని 19GB వరకు పెంచుకోవచ్చు. ఈ ఫోన్ హీట్ తగ్గించేందుకు 3725mm ఆవిరి ఛాంబర్, 14 లేయర్ల గ్రాఫైట్ షీట్లను జోడించింది. ఈ ఫోన్ MIUI 14 ఆధారంగా 13 అవుట్-ఆఫ్-ది-బాక్సుతో పని చేస్తుంది.

Smart Phone Tips మీ స్మార్ట్‌ఫోన్ సడెన్‌గా నీళ్లలో పడిందా.. వెంటనే ఇలా చేయండి...undefined

undefinedకెమెరా క్వాలిటీ..
Poco F5 5G స్మార్ట్‌ఫోన్‌లో 64MP ప్రైమరీ కెమెరా, 8MP అల్ట్రా-వైడ్ కెమెరా, 2MP మ్యాక్రో కెమెరా, 16MP సెల్ఫీ కెమెరాలు ఉన్నాయి. ఈ ఫోనులో 2x లాస్‌లెస్ ఇన్-సెన్సార్ జూమ్ ఫీచర్, ఫిల్మ్ కెమెరా మోడ్‌లు ఉన్నాయి. సెల్ఫీలు, వీడియో కాల్స్ కోసం ఇవి పర్ఫెక్టుగా ఉంటాయి.
బ్యాటరీ కెపాసిటీ..
Poco F5 5G స్మార్ట్‌ఫోన్లో 5000mAh సామర్థ్యంతో కూడిన బ్యాటరీ ఉంటుంది. ఈ డివైజ్‌లో 67W ఫాస్ట్ ఛార్జింగ్ సపోర్ట్ కూడా ఉంది. ఈ స్మార్ట్‌ఫోన్ 45 నిమిషాలలోపే జిరో నుంచి 100 శాతం వరకు ఫుల్ ఛార్జ్ అవుతుంది. Poco F5 5G డ్యుయల్ స్టీరియో సెటప్‌తో డాల్బీ అట్మోస్ సపోర్ట్, హై-రెస్ ఆడియో(వైర్డ్ మరియు వైర్‌లెస్), 3.5mm హెడ్‌ఫోన్ జాక్‌తో వస్తుంది.