వచ్చే ఏడాది Poco F2 రానుందా? వివాదాస్పదంగా మారిన పోకో గ్లోబల్ హెడ్ ట్వీట్!

2018 ఆగస్టులో పోకో ఎఫ్1 లాంచ్ అయింది. తక్కువ ధరలో ఫ్లాగ్ షిప్ ఫీచర్లను అందించే అతి కొద్ది ఫోన్లలో పోకో ఒకటిగా నిలిచింది. లాంచ్ అయ్యాక ఏడాది గడిచినా ఇప్పటికీ Value for Money విషయంలో పోకో ఎఫ్1 ముందంజలో ఉంది. అంతే కాకుండా కొద్ది కాలంలో విపరీతమైన ఫ్యాన్ బేస్ ను కూడా సంపాదించుకుంది. కొంతమంది పోకో ఎఫ్2 వస్తేనే కొత్త ఫోన్ కొందామని ఎంతో ఆశగా ఎదురు చూసేవారు కూడా ఉన్నారు.

Also Read: Google Pay న్యూ ఇయర్ స్టాంప్స్.. ఈసారి రూ.2020 వరకు గెలిచే అవకాశం!

అయితే పోకో గ్లోబల్ హెడ్ అల్విన్ ట్సే చేసిన ట్వీట్ వివాదాస్పదంగా మారింది. మొదట ఆయన రెడ్ మీ నోట్ 8 ప్రో గురించి ఓ ట్వీట్ చేశారు. ఆ ట్వీట్ కు వచ్చిన రిప్లైలో ఓ అభిమాని పోకో ఎఫ్1 గురించి అడిగాడు. దానికి ఆయన సమాధానమిస్తూ.. వచ్చే సంవత్సరం మీరు పోకో ఎఫ్2 గురించి వింటారు అని ట్వీట్ చేశారు. దీంతో పోకో అభిమానులు పండగ చేసుకోవడం ప్రారంభించారు. అయితే కాసేపటికే ఆయన తన ట్వీట్ ను డిలీట్ చేశారు.


Also Read: ఉచితంగా Hotstar.. Jio వినియోగదారులకు బంపర్ ఆఫర్!

పోకో ఎఫ్2 గురించి ఈ సంవత్సరం మొత్తం ఏదో ఒక వార్త వినిపిస్తూనే ఉంది కానీ ఏదీ నిజం కాలేదు. కొంతమంది అయితే షియోమీ పోకో బ్రాండ్ ను పూర్తిగా పక్కన పెట్టి రెడ్ మీ మీదనే దృష్టి పెట్టిందని అంతా అనుకున్నారు. ఈ సమయంలో అల్విన్ చేసిన ట్వీట్ తో వచ్చే సంవత్సరం అయినా పోకో ఎఫ్2 గురించి వింటామని అభిమానులు ఆశిస్తున్నారు.

Also Read: Nokia ఫోన్లపై భారీ డిస్కౌంట్లు.. రూ.6,975 నుంచి ప్రారంభం!

ఈ ఫోన్ ఎప్పుడు వచ్చినా దీని ధర పోకో ఎఫ్1 శ్రేణిలోనే ఉండే అవకాశం ఉంది. ఎందుకంటే పోకో ఎఫ్1 సక్సెస్ లో దాని ధర కూడా కీలకపాత్ర పోషించింది. ఎందుకంటే అందుబాటు ధరలో ప్రీమియం ఫ్లాగ్ షిప్ ఫోన్ లో ఉండే ఫీచర్లను పోకో అందించింది. ముఖ్యంగా ఫోన్ పెర్ఫార్మెన్స్ బాగుంటే చాలు అనుకునే వారిని పోకో ఎఫ్1 స్థాయిలో మరే ఫోన్ సంతృప్తి పరచలేదు. కాబట్టి పోకో ఎఫ్2 ఎప్పుడు వచ్చినా దాని కోసం ఎదురు చూసేవారిని నిరాశ పరచకుండా ఉంటే చాలు!