Realme C11 మొదటి సేల్ నేడే.. రూ.8 వేలలో మంచి ఫోన్!

రియల్ మీ సీ11 స్మార్ట్ ఫోన్ సేల్ ఈరోజే(జులై 22వ తేదీ) మనదేశంలో మొదటిసారి జరగనుంది. ఫ్లిప్ కార్ట్, రియల్ మీ వెబ్ సైట్లలో ఈ ఫోన్ ను కొనుగోలు చేయవచ్చు. ఈ ఫోన్ ఈ నెల 14వ తేదీన మనదేశంలో లాంచ్ అయింది. ఇందులో ఆక్టాకోర్ ప్రాసెసర్, వెనకవైపు రెండు కెమెరాలను అందించారు.

Also Read: OnePlus Buds: వన్ ప్లస్ ఇయర్ బడ్స్ వచ్చేశాయ్.. యాపిల్ ఎయిర్ పోడ్స్‌కు సరైన ప్రత్యామ్నాయం!

రియల్ మీ సీ11 ధర..
ఇందులో కేవలం 2 జీబీ ర్యామ్ + 32 జీబీ స్టోరేజ్ వేరియంట్ మాత్రమే అందుబాటులో ఉంది. దీని ధరను రూ.7,499గా నిర్ణయించారు. రిచ్ గ్రీన్, రిచ్ గ్రే రంగుల్లో ఈ ఫోన్ అందుబాటులో ఉంది. దీనిపై ఆఫర్లు కూడా అందుబాటులో ఉన్నాయి. ఫ్లిప్ కార్ట్ యాక్సిస్ బ్యాంక్ క్రెడిట్ కార్డ్, యాక్సిస్ బ్యాంక్ బజ్ క్రెడిట్ కార్డు ద్వారా కొనుగోలు చేస్తే ఐదు శాతం తగ్గింపు లభించనుంది.

రియల్ మీ సీ11 స్పెసిఫికేషన్లు..
ఇందులో 6.5 అంగుళాల హెచ్ డీ+ మినీ డ్రాప్ డిస్ ప్లేను అందించారు. డిస్ ప్లే యాస్పెక్ట్ రేషియో 20:9గా ఉండగా, స్క్రీన్ టు బాడీ రేషియో 88.7 శాతంగా ఉంది. ఆక్టాకోర్ మీడియాటెక్ హీలియో జీ35 ప్రాసెసర్ పై రియల్ మీ సీ11 పనిచేయనుంది. 2 జీబీ ర్యామ్, 32 జీబీ స్టోరేజ్ ను ఇందులో అందించారు. దీన్ని మైక్రో ఎస్ డీ కార్డు ద్వారా 256 జీబీ వరకు పెంచుకోవచ్చు.

Also Read: OnePlus Nord వచ్చేసింది.. రూ.25 వేలలోనే రూ.40 వేలకు సరిపడా ఫీచర్లు!

ఇందులో వెనకవైపు రెండు కెమెరాలను అందుబాటులో ఉన్నాయి. వీటిలో ప్రధాన కెమెరా సామర్థ్యం 13 మెగా పిక్సెల్ కాగా, మరో 2 మెగా పిక్సెల్ సెన్సార్ కూడా ఉంది. సెల్ఫీల కోసం ముందువైపు 5 మెగాపిక్సెల్ కెమెరాను అందించారు. ఇందులో ఫింగర్ ప్రింట్ సెన్సార్ ను ఫోన్ వెనకభాగంలో అందించారు.

ఆండ్రాయిడ్ 10 ఆధారిత రియల్ మీ యూఐ ఆపరేటింగ్ సిస్టంపై ఈ ఫోన్ పనిచేయనుంది. 5000 ఎంఏహెచ్ సామర్థ్యమున్న బ్యాటరీని ఇందులో అందించారు. రివర్స్ చార్జింగ్ టెక్నాలజీని ఈ ఫోన్ సపోర్ట్ చేయడం విశేషం. 4జీ, వోల్టే, వైఫై, బ్లూటూత్ 5.0, జీపీఎస్, యూఎస్ బీ టైప్-సీ పోర్టు కనెక్టివిటీ ఫీచర్లు ఇందులో ఉన్నాయి. దీని బరువు 196 గ్రాములుగా ఉంది.