Realme GT Neo 3T launch date : మిడ్ రేంజ్‌లో పవర్‌ఫుల్‌ స్మార్ట్‌ఫోన్‌ను తీసుకొచ్చేందుకు రియల్‌మీ (Realme) రెడీ అయింది. స్నాప్‌డ్రాగన్ 870 ప్రాసెసర్‌తో రూ.30వేలలోపు ధరతోనే Realme GT Neo 3T రానుంది. భారత్‌లో రేపు (సెప్టెంబర్ 16) ఈ స్మార్ట్‌ఫోన్‌ లాంచ్ కానుంది. రూ.7,000 వరకు లాంచ్ ఆఫర్లు ఇవ్వనున్నట్టు Realme ప్రకటించింది. దీంతో స్నాప్‌డ్రాగన్ 870 ప్రాసెసర్‌ ఉన్న చౌకైన మొబైల్‌గా ఈ 5జీ ఫోన్‌ నిలువనుంది. 80వాట్ల ఫాస్ట్ చార్జింగ్ సపోర్ట్ ఉండనుంది. మిగిలిన అన్ని విభాగాల్లోనూ రియల్‌మీ జీటీ 3టీ ఫోన్‌ మంచి స్పెసిఫికేషన్లతో వస్తోంది. ఈ ఫోన్‌ ఫీచర్లు, ఆఫర్ వివరాలు ఇక్కడ చూడండి.
Realme GT Neo 3T లాంచ్ వివరాలు రియల్‌మీ జీటీ నియో 3టీ మొబైల్‌ రేపు (సెప్టెంబర్ 16) మధ్యాహ్నం 12.30 గంటలకు భారత్‌లో లాంచ్ కానుంది. ఈ-కామర్స్ సైట్ ఫ్లిప్‌కార్ట్‌, రియల్‌మీ వెబ్‌సైట్‌లో ఈ ఫోన్‌ లిస్ట్ అయింది. లిస్టింగ్ పేజ్ ద్వారా ఇప్పటికే చాలా వరకు స్పెసిఫికేషన్లు బయటికి వచ్చాయి.
Realme GT Neo 3T ఆఫర్ వివరాలు రియల్‌మీ జీటీ నియో 3టీ లాంచ్‌కు ఒక్కరోజు ముందు.. ఆఫర్ వివరాలను రియల్‌మీ వెల్లడించింది. ఫస్ట్ సేల్‌లో రూ.7,000 వరకు తగ్గింపు పొందవచ్చని తెలిపింది. అయితే సేల్‌ డేట్ ఎప్పుడన్నది రేపు వెల్లడిస్తుంది. ఫ్లిప్‌కార్ట్‌ బిగ్ బిలియన్ డేస్ సందర్భంగా ఈ ఫోన్‌ తొలిసారి సేల్‌కు రావొచ్చు. బ్యాంక్ కార్డ్ ఆఫర్లు, ఎక్స్చేంజ్ ఆఫర్ కలిపి Realme Neo GT Neo 3Tపై రూ.7,000 వరకు తగ్గింపు పొందే అవకాశం ఉండొచ్చు.
రియల్‌మీ జీటీ నియో 3టీ ప్రారంభ ధర గ్లోబల్‌గా 469.99 డాలర్లు (సుమారు రూ.37,500)గా ఉంది. అయితే ఇండియాలో ఇంత కంటే తక్కువ ధరకు లాంచ్ అయ్యే అవకాశం ఉంది. రేపటి లాంచ్ ఈవెంట్‌లో భారత్‌లో ధర, సేల్‌ వివరాలను Realme వెల్లడించనుంది.
Realme GT Neo 3T (Photo: Realme)
క్వాల్‌కామ్‌ స్నాప్‌డ్రాగన్ 870 ప్రాసెసర్‌తో Realme GT Neo 3T వస్తోంది. 6.62 ఇంచుల E4 AMOLED డిస్‌ప్లేను కలిగి ఉంటుంది. 5000mAh బ్యాటరీతో ఈ ఫోన్‌ రానుండగా.. 80 వాట్ల ఫాస్ట్ చార్జింగ్‌కు సపోర్ట్ చేస్తుంది. వేపర్ కూలింగ్ చాంబర్, వర్చువల్ ర్యామ్ ఎక్స్‌ప్యాన్షన్ సపోర్ట్‌ను ఈ ఫోన్‌ కలిగి ఉంటుంది. Realme GT Neo 3T వెనుక మూడు కెమెరాలు ఉంటాయి. 64 మెగాపిక్సెల్ ప్రధాన, 8 మెగాపిక్సెల్ అల్ట్రా వైడ్, 2 మెగాపిక్సెల్ మాక్రో కెమెరాలతో ఈ ఫోన్‌ వస్తోంది. బ్యాక్ ప్యానెల్ డిజైన్ డిఫరెంట్‌గా మ్యాట్ ఫినిష్‌తో ఉంటుంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
