4 జీబీ ర్యామ్‌తో రానున్న రెడ్‌మీ 9ఐ.. లాంచ్ తేదీ కూడా ఫిక్స్!

ప్రముఖ స్మార్ట్ ఫోన్ బ్రాండ్ షియోమీ తన కొత్త స్మార్ట్ ఫోన్ రెడ్ మీ 9ఐని సెప్టెంబర్ 15వ తేదీన లాంచ్ చేయడానికి సిద్ధం అవుతుంది. రెడ్ మీ 9 సిరీస్ లో ఇప్పటికే రెడ్ మీ 9, రెడ్ మీ 9ఏ, రెడ్ మీ 9 ప్రైమ్ స్మార్ట్ ఫోన్లు లాంచ్ అయ్యాయి. ఈ రెడ్ మీ 9ఐ స్మార్ట్ ఫోన్ ఎంఐ.కాం, ఫ్లిప్ కార్ట్ ల్లో విక్రయానికి రానుంది. ఇందులో 4 జీబీ ర్యామ్, వాటర్ డ్రాప్ నాచ్ తరహా డిస్ ప్లే ఉండనుందని కంపెనీ టీజ్ చేసింది. ఎంఐయూఐ 12 ఆపరేటింగ్ సిస్టంపై ఈ ఫోన్ పనిచేయనుంది.

Also Read: రెండు చవకైన స్మార్ట్ టీవీలు లాంచ్ చేసిన షియోమీ.. తక్కువ ధరలోనే సూపర్ ఫీచర్లు!

ఈ విషయాన్ని షియోమీ ట్వీటర్ ద్వారా వెల్లడించింది. దీనికి సంబంధించిన ప్రత్యేక పేజీ కూడా ఎంఐ.కాంలో చూడవచ్చు. ఇందులో 3.5 ఎంఎం హెడ్ ఫోన్ జాక్ ఉండనుంది. బటన్లన్నీ ఫోన్ కు కుడివైపు ఉన్నాయి. ఇందులో బ్లూ కలర్ వేరియంట్ ను ప్రస్తుతం టీజ్ చేశారు. దీనికి సంబంధించిన మరిన్ని కలర్ వేరియంట్లు లాంచ్ ఈవెంట్లో వచ్చే అవకాశం ఉంది.

ఇందులో పెద్ద డిస్ ప్లే, స్టోరేజ్ విస్తరణకు మైక్రో ఎస్ డీ కార్డు ఉండే అవకాశం ఉంది. ఇందులో గేమింగ్ కోసం ప్రత్యేక ఫీచర్లు, కెమెరా ఆప్టిమైజేషన్లు, పెద్ద బ్యాటరీ కూడా ఉండనున్నాయి. ముందే తెలిపినట్లు ఈ ఫోన్ ఎంఐయూఐ 12 ఆపరేటింగ్ సిస్టంతో రానుంది. ఈ ఫోన్ గురించి మిగతా సమాచారం తెలియాల్సి ఉంది. రెడ్ మీ 9, రెడ్ మీ 9ఏ, రెడ్ మీ 9 ప్రైమ్ తరహాలో ఈ ఫోన్ ధర కూడా రూ.10 వేలలోపే ఉండే అవకాశం ఉంది.

Also Read: మనదేశంలో కూడా లాంచ్ కానున్న పోకో ఎక్స్3.. వన్‌ప్లస్ నార్డ్‌కు గట్టిపోటీ ఖాయం!

ఈ ఫోన్ కు సంబంధించి మరిన్ని వివరాలు తెలియాల్సి ఉంది. లాంచ్ కూడా దగ్గర్లోనే ఉంది కాబట్టి షియోమీ దీని స్పెసిఫికేషన్లను ఒకదాని తర్వాత ఒకటి టీజ్ చేసే అవకాశం ఉంది. త్వరలో దీని గురించిన మరిన్ని వివరాలను మనం వినవచ్చు.