Redmi A1 : రూ.6,499కే రెడ్‌మీ స్మార్ట్‌ఫోన్‌ లాంచ్ - రెండు రోజుల్లో సేల్‌
Redmi A1 India launch, sale : ఎంట్రీ లెవెల్‌లో రెడ్‌మీ ఏ1 స్మార్ట్‌ఫోన్‌ లాంచ్ అయింది. 5000mAh బ్యాటరీతో వస్తోంది. మరో రెండు రోజుల్లో (సెప్టెంబర్ 9) సేల్‌కు రానుంది.
తక్కువ ధరలో మొబైల్‌ కావాలనుకునే వారికి మరో ఆప్షన్ అందుబాటులోకి వచ్చింది. కొత్తగా రెడ్‌మీ (Redmi) బ్రాండ నుంచి ఎంట్రీ లెవెల్ స్మార్ట్‌ఫోన్‌ లాంచ్ అయింది. రెడ్‌మీ ఏ1 (Redmi A1) ఫోన్ భారత మార్కెట్‌లో అడుగుపెట్టింది. హెచ్‌డీ+ డిస్‌ప్లేతో ఈ మొబైల్‌ వస్తుండగా.. ఫ్రంట్ కెమెరా కోసం వాటర్ డ్రాప్ స్టైల్ నాచ్ ఉంటుంది. క్లీన్ ఆండ్రాయిడ్‌ ఎక్స్‌పీరియన్స్ ఉండడం ఈ ఫోన్‌కు హైలైట్‌గా ఉంది. Redmi A1 స్మార్ట్‌ఫోన్‌ మరో రెండు రోజుల్లో ఫ్లాష్ సేల్‌కు రానుంది. పూర్తి వివరాలివే.
Samayam Teluguరెడ్‌మీ ఏ1 లాంచ్ (Photo: Xiaomi)
Redmi A1 ధర, సేల్‌ రెడ్‌మీ ఏ1 ఎంట్రీ లెవెల్ స్మార్ట్‌ఫోన్‌ ఒకే వేరియంట్‌లో లాంచ్ అయింది. 2జీబీ ర్యామ్ + 32జీబీ స్టోరేజ్ ఉన్న ఈ మొబైల్‌ ధర రూ.6,499గా ఉంది. ఈనెల 9వ తేదీన సాయంత్రం 4 గంటలకు ఈ ఫోన్ ఫ్లాష్ సేల్‌కు వస్తుంది. క్లాసిక్ బ్లాక్, లైట్ గ్రీన్, లైట్ బ్లూ కలర్ ఆప్షన్‌లలో Redmi A1 ఫోన్ లభిస్తుంది.
Redmi A1 స్పెసిఫికేషన్లు 6.52 ఇంచుల ఫుల్ హెచ్‌డీ+ డిస్‌ప్లేతో రెడ్‌మీ ఏ1 ఫోన్ వస్తోంది. 400 నిట్స్ పీక్‌ బ్రైట్‌నెస్, ఫ్రంట్ కెమెరా కోసం డిస్‌ప్లేపై భాగంలో వాటర్ డ్రాప్ నాచ్ ఉంటుంది. ఆక్టాకోర్ మీడియాటెక్ హీలియో ఏ22 ప్రాసెసర్‌పై ఈ మొబైల్‌ రన్ అవుతుంది. ఆండ్రాయిడ్‌ 12 (Android 12) క్లీన్ యూఐ ఆపరేటింగ్ సిస్టమ్‌తో ఈ మొబైల్‌ వస్తోంది. 2జీబీ ర్యామ్, 32జీబీ స్టోరేజ్ ఉంటుంది. మైక్రో ఎస్‌డీ కార్డ్ కోసం ప్రత్యేక స్లాట్‌ను రెడ్‌మీ ఈ ఫోన్‌లో ఇచ్చింది.
Redmi A1 వెనుక రెండు కెమెరాలు ఉన్నాయి. 8 మెగాపిక్సెల్ ప్రైమరీ కెమెరా, మరో సెన్సార్‌తో ఈ ఫోన్ వస్తోంది. సెల్ఫీలు, వీడియో కాల్స్ కోసం 5 మెగాపిక్సెల్ ఫ్రంట్ కెమెరా ఉంటుంది. డ్యుయల్ సిమ్, 4జీ VOLTE, వైఫై, బ్లూటూత్, జీపీఎస్, 3.5mm హెడ్‌ఫోన్ జాక్ కనెక్టివిటీ ఫీచర్లుగా ఉన్నాయి.
Redmi A1 ఫోన్‌లో 5000mAh బ్యాటరీ ఉండగా.. 10వాట్ల స్టాండర్జ్ చార్జింగ్‌కు సపోర్ట్ చేస్తుంది. చార్జింగ్ కోసం మైక్రో యూఎస్‌బీ పోర్ట్‌ ఉంటుంది. మొత్తంగా ఈ ఫోన్ 192 గ్రాముల బరువు ఉంటుంది. బ్యాక్ ప్యానెల్ లెదర్ టెక్చర్డ్ డిజైన్‌ను కలిగి ఉంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
