Independence Day Jio 3 offers : జియో మూడు సూపర్ ఆఫర్లు.. కొంతకాలమే ఛాన్స్!

స్వాతంత్య్ర దినోత్సవం (Independence Day 2022) సందర్భంగా ప్రముఖ సంస్థ రిలయన్స్ జియో (Reliance Jio) తన యూజర్ల కోసం మూడు ఆఫర్లను ప్రకటించింది. రూ.2,999 ప్లాన్‌పై 100శాతం వాల్యూ బ్యాక్‌తో పాటు మరో రెండు ఆఫర్లు ఉన్నాయి. అందులో ఒకటి కొత్త తరహా ప్లాన్‌గా ఉంది. మరొక ఆఫర్‌ జియో ఫైబర్ (Jio Fiber) కోసం తీసుకొచ్చింది. మొత్తంగా యూజర్ల కోసం మూడు ఆఫర్లను అందుబాటులో ఉంచింది రిలయన్స్ జియో. కొంతకాలమే ఇవి లభిస్తాయి. మైజియో యాప్‌, జియో వెబ్‌సైట్‌లో ఈ ఆఫర్లను పొందవచ్చు. ఇండిపెండెన్స్ డే సందర్భంగా జియో అందిస్తున్న 3 ఆఫర్ల పూర్తి వివరాలు ఇవే.

జియో మొదటి ఆఫర్‌ - రూ.2,999కు రూ.3,000
Jio Rs 2999 Plan : రూ.2,999 ప్రీపెయిడ్ ప్లాన్‌పై స్వాతంత్య్ర దినోత్సవం సందర్భంగా రిలయన్స్ జియో మంచి ఆఫర్‌ ప్రకటించింది. ఈ ప్లాన్‌తో రీచార్జ్ చేసుకుంటే వౌచర్ల రూపంలో రూ.3,000 బెనిఫిట్స్ లభించే విధంగా అందుబాటులోకి తెచ్చింది. ఈ ఆఫర్‌ కింద రూ.2,999 ప్లాన్‌ను తీసుకుంటే రూ.750 విలువైన 75జీబీ డేటా, రూ.750 విలువైన ఇక్సిగో (Ixigo) కూపన్, రూ.750 విలువైన నెట్‌మెడ్స్ (Netmeds) వౌచర్, రూ.750 ఆజియో (AJio) ఆఫర్ వౌచర్ లభిస్తుంది. రూ.2,999 ప్లాన్‌తో రీచార్జ్ చేసుకుంటే 365 రోజుల వ్యాలిడిటీతో ప్రతీ రోజు 2.5జీబీ డేటా, అన్‌లిమిటెడ్ కాల్స్, రోజుకు 100ఎస్ఎంఎస్‌లు లభిస్తాయి. సంవత్సరం పాటు డిస్నీ+ హాట్‌స్టార్ మొబైల్ సబ్‌స్క్రిప్షన్ ఉచితంగా వస్తుంది.

జియో రెండో ఆఫర్‌ - 2 ఇన్ 1 రూ.750 ప్లాన్‌
Jio Rs 750 Plan : ఒక్క రీచార్జ్‌తో రెండు ప్లాన్‌లు దక్కేలా ఓ ఆఫర్‌ను జియో ప్రకటించింది. ఇండిపెండెన్స్ డే సెలెబ్రేషన్స్‌లో భాగంగా రూ.750 ప్లాన్‌ను తీసుకొచ్చింది. ఈ ప్లాన్‌తో రీచార్జ్ చేసుకుంటే రూ.749, రూ.1 ప్లాన్‌ రెెండూ కలిపి వస్తాయి. రూ.749 ప్లాన్‌ ద్వారా 90 రోజుల వ్యాలిడిటీతో ప్రతీరోజు 2జీబీ డేటా, అన్‌లిమిటెడ్ కాల్స్, రోజుకు 100ఎస్ఎంఎస్‌లు దక్కుతాయి. రూ.1ప్లాన్ కూడా ఉండడంతో రోజుకు 100ఎంబీ ఎక్స్‌ట్రా డేటా వస్తుంది. దీని వ్యాలిడిటీ కూడా 90 రోజులు. ఈ ప్లాన్స్ కావాలంటే రూ.750తో రీచార్జ్ చేసుకోవాలి. మరి ఈ ప్లాన్‌ ఎప్పటికీ ఉంటుందా.. ఇండిపెండెన్స్ డే సందర్భంగా పరిమిత కాలమే జియో ఉంచుతుందా అనేది చూడాలి.

జియో మూడో ఆఫర్‌ - జియో ఫైబర్ కస్టమర్స్ కోసం 16వ తేదీ వరకేఈనెల 12వ తేదీ నుంచి 16వ తేదీ మధ్య జియోఫైబర్ కొత్త కనెక్షన్ తీసుకునే కస్టమర్స్‌కు ఈ ఆఫర్‌ వర్తిస్తుంది. ఈ రోజుల్లో కనెక్షన్ తీసుకొని 6 లేదా 12 నెలల ప్లాన్స్ ఎంపిక చేసుకుంటే అదనంగా 15రోజుల సర్వీస్‌ను ఉచితంగా పొందవచ్చు. రూ.499, రూ.599, రూ.799, రూ.899 ప్లాన్‌లను ఒకేసారి 6 లేదా 12 నెలలకు తీసుకుంటేనే ఈ అదనపు ప్రయోజనం దక్కుతుంది. అలాగే ఎంపిక చేసిన కొందరు కస్టమర్లకు మైజియో యాప్‌లో వౌచర్లను ఇస్తోంది జియో.