Reliance Jio Rs 2,999 Prepaid Plan: ఎక్కువ కాలం వ్యాలిడిటీతో.. రోజువారి అధిక డేటా కావాలనుకునే వారికి ఈ ప్లాన్ బాగా సూటవుతుంది. ప్రస్తుతం ఈ ప్లాన్‌పై 20శాతం క్యాష్‌బ్యాక్‌ కూడా లభిస్తోంది.
Samayam Telugu8 Jan 2022, 6:36 pm
Reliance Jio Prepaid New Plans: తమ వినియోగదారులకు రిలయన్స్ జియో మరో శుభవార్త చెప్పింది.ఇటీవలి కాలంలో ఆఫర్లను, కొత్త ప్లాన్‌లను వరుసగా తీసుకొస్తోంది. ఇదే క్రమంలో యూజర్ల అవసరాలను దృష్టిలో ఉంచుకొని మరో కొత్త ప్లాన్ తీసుకొచ్చింది Reliance Jio. ఎక్కువ కాలం వ్యాలిడిటీతో.. రోజువారి అధిక డేటా కావాలనుకునే వారికి ఈ ప్లాన్ బాగా సూటవుతుంది. వార్షిక ప్లాన్‌లలో మంచి ఆప్షన్ గా దీన్ని తీసుకొచ్చింది. అలాగే ఈ ప్లాన్‌తో రీచార్జ్ చేసుకుంటే ప్రస్తుతం 20 శాతం Jio Mart Cashback కూడా అందిస్తోంది. అసలు కొత్త ఆఫర్ ఏంటి.. దానితో వచ్చే ప్రయోజనాలు ఏంటంటే..
కొత్త ప్లాన్ ఇదే.. రిలయన్స్ జియో రూ.2,999తో కొత్త ప్రీపెయిడ్ ప్లాన్ ప్రవేశపెట్టింది. దీనితో రీచార్జ్ చేసుకుంటే రోజుకు 2.5జీబీ డేటా, అన్‌లిమిటెడ్ కాల్స్, రోజుకు 100 ఎస్ఎంఎస్‌లు లభిస్తాయి. సంవత్సర కాలం అంటే 365 రోజుల పాటు ఈ ప్లాన్ వ్యాలిడిటీ ఉంటుంది. రోజులో 2.5జీబీ డేటా అయిపోయిన తర్వాత 64కేబీపీఎస్ వేగంతో ఇంటర్నెట్ వినియోగించుకోవచ్చు. అలాగే ఈ రూ.2,999 ప్లాన్ ద్వారా జియో సినిమా, జియో టీవీ, జియో సెక్యూరిటీ, జియో క్లౌడ్ లాంటి జియో యాప్స్ ఉచితంగా వాడుకోవచ్చు. Also Read: Jio: ఏడాది OTT సబ్స్క్రిప్షన్.. రోజుకు 2జీబీ డేటా వచ్చే చౌకైన ప్లాన్.. మళ్లీ తీసుకొచ్చిన జియో 20శాతం క్యాష్‌బ్యాక్‌ రూ.2,999 ప్లాన్‌తో రీచార్జ్ చేసుకుంటే 20శాతం జియో మార్ట్ క్యాష్‌బ్యాక్‌ ప్రకటించింది జియో. ఈ క్యాష్‌బ్యాక్‌ ను జియో రీచార్జ్ సహా Jio Mart లాంటి రిలయన్స్ ప్లాట్ఫామ్స్ లో వినియోగించుకోవచ్చు. మరోవైపు రూ.719, రూ.666, రూ.299 ప్రీపెయిడ్ ప్లాన్‌లపై కూడా ఈ 20 శాతం Jio Mart Cashback ఆఫర్ ఉంది.
కాగా, సంవత్సరం పాటు డిస్నీ+ హాట్ స్టార్ సబ్స్క్రిప్షన్ వచ్చే రూ.499 ప్లాన్‌ను (Jio Rs 499 Plan) ఇటీవలే మళ్లీ తీసుకొచ్చింది జియో. ఈ ప్లాన్‌తో రీచార్జ్ చేసుకుంటే Disney+ Hotstar సబ్స్క్రిప్షన్ తో పాటు 28 రోజుల వ్యాలిడిటీతో రోజుకు 2జీబీ డేటా, అపరిమిత కాల్స్, రోజుకు 100ఎస్ఎంఎస్‌లు లభిస్తాయి. Also Read: Reliance Jio IPO: జియో మరో చరిత్ర సృష్టించనుందా.. దేశంలోనే అత్యంత విలువైన ఐపీఓగా రానుందా.? అలాగే రీచార్జ్ కోసం ఇటీవలే యూపీఐ ఆటోపే (Jio UPI AutoPay Recharge) సదుపాయాన్ని జియో తీసుకొచ్చింది. NCPI భాగస్వామ్యంతో దీన్ని ప్రవేశపెట్టింది. ప్లాన్ గడువు ముగిశాక యూజర్లు ప్రత్యేకంగా రీచార్జ్ చేసుకోకుండా.. యూపీఐ ద్వారా ఆటోమేటిక్ గా రీచార్జ్ పూర్తయ్యేలా ఈ సదుపాయాన్ని ప్రవేశపెట్టింది. Also Read: ఈ ప్లాన్‌తో మూడు నెలల వ్యాలిడిటీ అదనం.. BSNL బంపరాఫర్.. కొన్ని రోజులే..
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
