Reliance Jio: జంబో డేటా ఇస్తున్న జియో ప్లాన్‌లు ఇవే - ఓ లుక్కేయండి

రోజువారి డేటా సరిపోక చాలా మంది మొబైల్‌ యూజర్లు ఇబ్బంది పడుతుంటారు. అందులోనూ ఓటీటీలు, వీడియో ప్లాట్‌ఫామ్స్ ఎక్కువగా చూసే వారికి అధిక డేటా అవసరం. దీంతో డేటా వౌచర్లను రీచార్జ్ చేసుకుంటుంటారు. అధిక డేటా వచ్చే ప్రీపెయిడ్ ప్లాన్‌ల కోసం చూస్తుంటారు. అలాంటి వారి కోసమే ఈ సమాచారం. అధిక డేటా ప్రయోజనాలు లభించే ప్లాన్‌లను రిలయన్స్ జియో (Reliance Jio) వినియోగదారులకు అందిస్తోంది. ఏకంగా రోజుకు 3జీబీ డేటా లభించేలా ఈ ప్లాన్స్ ఉన్నాయి. అవేంటో చూడండి.

రిలయన్స్ జియో రూ.419 ప్లాన్‌ (Jio Rs 419 Plan)
Jio రూ.419 ప్లాన్‌తో రీచార్జ్ చేసుకుంటే 28 రోజులు వ్యాలిడిటీతో రోజుకు 3జీబీ డేటా లభిస్తుంది. అంటే మొత్తంగా 84జీబీ డేటా వస్తుంది. అలాగే అన్‌లిమిటెడ్ కాల్స్, రోజుకు 100ఎస్ఎంఎస్‌ల బెనిఫిట్స్ దక్కుతాయి. తక్కువ వ్యాలిడిటీ ఉండి ఎక్కువ డేటా కావాలనుునే వారికి ఈ ప్లాన్‌ సూటవుతుంది.

ఓటీటీ సబ్‌స్క్రిప్షన్‌తో..
రోజుకు 3జీబీ డేటా వచ్చేలా రూ.601 ప్లాన్‌ (Jio Rs 601 Plan)ను కూడా జియో అందుబాటులో ఉంచింది. ఈ ప్లాన్‌ వ్యాలిడిటీ కూడా 28రోజులు. అయితే ఈ ప్లాన్‌ ద్వారా సంవత్సరం పాటు డిస్నీ+ హాట్‌స్టార్ ఉచిత సబ్‌స్క్రిప్షన్ లభిస్తుంది. అలాగే అన్‌లిమిటెడ్ కాల్స్, రోజుకు 100ఎస్ఎంఎస్‌లు దక్కుతాయి.

రిలయన్స్ జియో రూ.1199 ప్లాన్‌ (Jio Rs 1199 Plan)
JIo రూ.1199 ప్లాన్‌తో రీచార్జ్ చేసుకుంటే 84 రోజుల వ్యాలిడిటీ ఉంటుంది. రోజుకు 3జీబీ డేటా, అన్‌లిమిటెడ్ కాల్స్, రోజుకు 100ఎస్ఎంఎస్‌లు లభిస్తాయి. అంటే మొత్తంగా 252 జీబీ హైస్పీడ్ డేటా దక్కుతుంది.

రిలయన్స్ జియో రూ.4199
ఎక్కువ కాలం వ్యాలిడిటీతో ప్రతీరోజు అధిక డేటా కావాలనుకునే వారికి ఈ ప్లాన్‌ సూటవుతుంది. జియో రూ.4199 ప్లాన్‌తో రీచార్జ్ చేసుకుంటే రోజుకు 3జీబీ డేటా, అన్ లిమిటెడ్ కాల్స్, రోజుకు 100 ఎస్ఎంఎస్ లు లభిస్తాయి. ఈ ప్లాన్‌ వ్యాలిడిటీ సంవత్సరం అంటే 365 రోజులు.

ఈ ప్లాన్‌లతో రీచార్జ్ చేసుకుంటే జియో టీవీ, జియో సినిమా, జియో క్లౌడ్, జియో సెక్యూరిటీ లాంటి జియో యాప్స్‌ను ఉచితంగా వినియోగించుకోవచ్చు. అలాగే రోజువారి హైస్పీడ్ డేటా అయిపోయాక.. 64కేబీపీఎస్ వేగంతో ఇంటర్నెట్ వాడుకోవచ్చు.
Also Read: తక్కువ ధరలో BSNL బెస్ట్ ప్లాన్‌లు.. మంచి బెనిఫిట్స్‌తో
Also Read: Airtel యూజర్లకు గుడ్‌న్యూస్..! ఓ ప్లాన్‌ అప్‌గ్రేడ్ - ఏడాది OTT సబ్‌స్క్రిప్షన్ కూడా ఫ్రీ.. అయితే
Also Read: Jio : మరో సంచలనానికి జియో సిద్ధం.. ఎలాన్ మస్క్‌ 'స్టార్‌లింక్‌'కు దెబ్బే! | Jio Satellite Based Broadband