రూ.300లోపు Jio అందిస్తున్న బెస్ట్ ప్లాన్‌లు ఇవే - మంచి బెనిఫిట్స్‌తో

Reliance Jio Prepaid Plans : దేశంలోనే అతిపెద్ద టెలికం సంస్థ రిలయన్స్ జియో (Reliance Jio) యూజర్ల కోసం చాలా ప్రీపెయిడ్ ప్లాన్‌లను అందిస్తోంది. అన్ని రేంజ్‌ల్లో ప్లాన్‌లను అందుబాటులో ఉంచింది. విభిన్న వ్యాలిడిటీ, బెనిఫిట్స్ ఇస్తోంది. అలా రూ.300లోపు కూడా చాలా ప్లాన్‌లను ఆఫర్‌ చేస్తోంది జియో (Jio). విభిన్న బెనిఫిట్స్‌తో వీటిని అందుబాటులో ఉంచింది. తక్కువ ధరలో స్వల్ప కాలం వ్యాలిడిటీతో మంచి బెనిఫిట్స్ కావాలనుకునే వారికి ఇవి సరిగ్గా సూటవుతాయి. రోజువారీ డేటా, అన్‌లిమిటెడ్ కాల్స్, ఎస్ఎంఎస్‌లు దక్కేలా రూ.300లోపు రిలయన్స్ జియో (Jio Plans Under Rs 300) అందిస్తున్న బెస్ట్ ప్లాన్‌లు ఇవే.

Reliance Jio : రోజుకు 1.5జీబీ డేటా లభించేలా..
రోజుకు 1.5జీబీ డేటా దక్కేలా రూ.300లోపు కొన్ని ప్లాన్‌లను జియో అందుబాటులో ఉంచింది. రూ.239 ప్లాన్‌తో రీచార్జ్ చేసుకుంటే రోజుకు 1.5జీబీ డేటా లభిస్తుంది. అన్‌లిమిటెడ్ (అపరిమిత) కాల్స్, రోజుకు 100ఎస్ఎంఎస్‌లు పొందవచ్చు. ఈ ప్లాన్‌ వ్యాలిడిటీ 28 రోజులుగా ఉంటుంది. అలాగే జియో ఇటీవల రూ.259 ప్లాన్‌ ప్రవేశపెట్టింది. దీంతో నెల మొత్తం వ్యాలిడిటీ లభిస్తుంది. ప్రతీ రోజు 1.5 డేటా, 100ఎస్ఎంఎస్‌లు, అన్‌లిమిటెడ్ కాల్స్ దక్కుతాయి. అలాగే రూ.199 ప్లాన్‌ తీసుకుంటే రోజుకు 1.5జీబీ డేటా, అపరిమిత కాల్స్, రోజుకు 100ఎస్ఎంఎస్‌లు లభిస్తాయి. దీని వ్యాలిడిటీ 23 రోజులు. ఇవే ప్రయోజనాలతో రూ.119 ప్లాన్‌ ఉంది. దీని కాలపరిమితి 14 రోజులుగా ఉంటుంది.
Also Read: డైలీ డేటాతో రిలయన్స్ జియో, ఎయిర్‌టెల్, వొడాఫోన్ ఐడియా అందిస్తున్న తక్కువ ధర ప్లాన్‌లు
Reliance Jio : ప్రతీ రోజు 2జీబీ డేటా వచ్చేలా..
రోజుకు 2జీబీ డేటా లభించేలా రూ.300లోపు రెండు ప్లాన్‌లను జియో (Jio 2GB Plans) ఇస్తోంది. రూ.249 ప్లాన్‌తో రీచార్జ్ చేసుకుంటే రోజుకు 2జీబీ డేటా, అపరిమిత కాల్స్, రోజుకు 100ఎస్ఎంఎస్‌లు లభిస్తాయి. దీని వ్యాలిడిటీ 23 రోజులు. ఇక రూ.299 ప్లాన్‌ తీసుకుంటే 28 రోజుల వ్యాలిడిటీతో రోజుకు 2జీబీ డేటా దక్కుతుంది. అపరిమిత కాల్స్, రోజుకు 100ఎస్ఎంఎస్‌లు వినియోగించుకోవచ్చు. ఇది బెస్ట్ సెల్లర్ ప్లాన్‌గా ఉంది.
Also Read: Jio Plans : రెండు కొత్త ప్లాన్‌లను లాంచ్ చేసిన రిలయన్స్ జియో - బెనిఫిట్స్ ఇవే

Reliance Jio : రోజూ 1జీబీ డేటా
రోజుకు 1జీబీ డేటా వచ్చేలా రూ.300లోపు జియో మూడు ప్లాన్‌లను ఉంచింది. రూ.209 ప్లాన్‌ ద్వారా 28 రోజుల వ్యాలిడిటీతో రోజుకు 1జీబీ డేటా, అన్‌లిమిటెడ్ కాల్స్, రోజుకు 100ఎస్ఎంఎస్‌లు లభిస్తాయి. రూ.179 ప్లాన్‌తోనూ ఇవే బెనిఫిట్స్ ఉంటాయి. అయితే వ్యాలిడిటీ 24రోజులు. ఇక రూ.149 ప్లాన్‌తో రీచార్జ్ చేసుకుంటే ప్రతీరోజు 1జీబీ డేటా, 100ఎస్ఎంఎస్‌లు, అపరిమిత కాల్స్ లభిస్తాయి. వ్యాలిడిటీ 20 రోజులు ఉంటుంది.

జియో ఇటీవల రూ.296 ప్లాన్‌ను తీసుకొచ్చింది. ఈ ప్లాన్‌తో రీచార్జ్ చేసుకుంటే 30 రోజుల వ్యాలిడిటీతో 25జీబీ డేటా లభిస్తుంది. అన్‌లిమిటెడ్ కాల్స్, రోజుకు 100ఎస్ఎంఎస్‌లు దక్కుతాయి.
Also Read: Jio: రోజుకు రూ.4.64తో అన్‌లిమిడెట్ కాల్స్, డేటా, ఎస్‌ఎంఎస్‌లు లభించే జియో చౌక ప్లాన్‌