ఏ రంగంలో అడుగుపెట్టినా దిగ్గజ సంస్థ రిలయన్స్ (Reliance) సంచనాలు సృష్టిస్తూనే ఉంటుంది. అనతి కాలంలోనే వేగంగా అభివృద్ధి చెందుతోంది. ఇప్పటికే టెలికం రంగంలో జియో అద్భుతాలు చేసింది. తక్కువ కాలంలోనే అతిపెద్ద టెలికం సంస్థగా అవతరించింది. దేశంలో అత్యధిక సబ్‌స్క్రైబర్లు ఉన్న కంపెనీగా అవతరించింది. ఎయిర్‌టెల్‌ (Airtel), వొడాఫోన్ ఐడియా (Vodafone Idea - Vi) లాంటి సంస్థలను అధిగమిస్తూ దూకుసుకెళుతోంది. అయితే తాజాగా మరో విభాగంలో జియో అగ్రస్థానానికి చేరింది. 20 సంవత్సరాలుగా ‘టాప్ లో ఉన్న ప్రభుత్వ సంస్థ BSNLను అధిగమించింది జియో. అదేంటంటే..
Samayam TeluguReliance Fiber
ఫిక్స్‌డ్‌ లైన్ బ్రాడ్‌బ్యాండ్ (Fixed-line Broadband) సర్వీస్ లో దేశంలో రిలయన్స్ జియో అగ్రస్థానానికి చేరింది. 20 సంవత్సరాలుగా ఈ సర్వీస్‌లో అగ్రస్థానంలో ఉన్న BSNLను వెనక్కినెట్టింది ముకేశ్ అంబానీ (Mukesh Ambani) సంస్థ.
టెలికం రెగ్యులేటరీ ట్రాయ్ (Trai) తాజా గణాంకాల ప్రకారం ప్రస్తుతం జియో ఫిక్స్ లైన్ బ్రాండ్ సర్వీస్ జియో ఫైబర్ (Jio Fiber) వినియోగదారుల సంఖ్య 43.4 లక్షలకు చేరింది. గత సంవత్సరం అక్టోబర్ లో 41.6 లక్షలుగా ఉన్న జియో ఫైబర్ యూజర్ల సంఖ్య నవంబర్ ముగిసే సరికి 43.4 లక్షలు దాటిందని ట్రాయ్ తాజాగా గణాంకాలు వెల్లడించింది.
మరోవైపు BSNL కస్టమర్ల సంఖ్య 47లక్షల నుంచి నవంబర్ నాటికి 42లక్షలకు పడిపోయింది. దీంతో జియో ఫైబర్ అగ్రస్థానానికి చేరింది. ఇక ఈ ఫిక్స్‌డ్‌ బ్రాండ్ బ్యాండ్ సర్వీసులో ఎయిర్‌టెల్‌కు 40.8లక్షల మంది కస్టమర్లు నవంబర్ నాటికి ఉన్నారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
