Reliance Jio: జియో చౌకైన ప్లాన్‌, 336రోజుల వ్యాలిడిటీ.. రూ.900లోపే

మీరు రిలయన్స్ జియో (Reliance Jio)కు చెందిన జియో ఫోన్‌ (Jio Phone) వాడుతున్నారా.. చౌకైన ప్లాన్‌ కోసం చూస్తున్నారా.. అయితే ఇది మీకోసమే. జియో ఫోన్‌ కస్టమర్లకు ఎక్కువ ప్రయోజనం కలిగించే ప్లాన్‌ ఇది. సాధారణంగా 28 రోజుల వ్యాలిడిటీతో ఉండే జియో ఆల్ ఇన్ వన్ ప్రారంభ ప్లాన్‌ రూ.91గా ఉంది. అయితే 336 రోజులు అంటే 12సార్లు ఈ ప్లాన్‌ను రీచార్జ్ చేసుకుంటే మొత్తంగా రూ.1092 వెచ్చించాల్సి ఉంటుంది. అయితే ఇంత కంటే తక్కువ ధరకు కూడా ఆల్ ఇన్ వన్ ప్లాన్‌ (Jio Phone All-in_one Plan) పొందవచ్చు. అదెలాగంటే..

జియోఫోన్‌ రూ.899 ఆల్ ఇన్ వన్ ప్లాన్‌ (JioPhone Rs 899 Plan)
ఎక్కువ కాలం వ్యాలిడిటీతో.. చౌక ధర ప్లాన్‌ కావాలనుకునే జియో ఫోన్‌ యూజర్లకు ఈ ప్లాన్‌ మంచి ఆప్షన్ గా ఉంది. రూ.899 జియో ఫోన్ ప్లాన్‌తో రీచార్జ్ చేసుకుంటే 336 వ్యాలిడిటీ లభిస్తుంది. దీని ద్వారా అన్‌లిమిటెడ్ కాల్స్, ప్రతీ 28రోజులకు 2GB డేటా, నెలకు 50ఎస్ఎంఎస్ లు లభిస్తాయి. అంటే మొత్తంగా 336 రోజులకు 24జీబీ డేటా వస్తుంది. కాల్స్ ఎక్కువగా మాట్లాడి, డేటా తక్కువగా వినియోగించే వారికి ఈ ప్లాన్‌ సరిగ్గా సరిపోతుంది.

నెలలో కేటాయించిన డేటా అయిపోతే 64కేబీపీఎస్ స్పీడ్ తో ఇంటర్నెట్ వినియోగించుకునే అవకాశం ఉంటుంది. అలాగే జియో టీవీ, జియో సినిమా, జియో సెక్యూరిటీ, జియో క్లౌడ్ లాంటి జియో యాప్స్ వినియోగించుకోవచ్చు.

రూ.899తో ఒక్కసారి రీచార్జ్ చేసుకుంటే 28రోజులకు ఒకసారి రివైజ్ అవుతుంటుంది. మొత్తంగా 12సైకిల్స్ లో ప్యాక్ వ్యాలిడిటీ ఉంటుంది. అంటే 336 రోజుల కాలపరిమితి ఉంటుందన్న మాట.

ఒకవేళ రూ.91తో ప్రతీ 28 రోజులకు రీచార్జ్ చేసుకుంటే రూ.1,091 ఖర్చవుతుంది. అయితే దాదాపు అవే ప్రయోజనాలు లభించే రూ.899తో రీచార్జ్ చేసుకుంటే 193 రూపాయాలు ఆదా అవుతాయి. అలాగే తరచూ రీచార్జ్ చేసుకోవాల్సిన అవసరం ఉండదు.

మరోవైపు గత నెల అన్ని ప్రీపెయిడ్ ప్లాన్‌లతో పాటు జియో ఫోన్‌ ప్లాన్ల ధరలు కూడా పెరిగాయి. ఈ తరుణంలో తక్కువగా డేటా వినియోగించే వారికి రూ.899 ప్లాన్‌ మంచి ఎంపికగా ఉంది.