రూ.5 వేలలోనే లాంచ్ అయిన శాంసంగ్ ఏ01 కోర్.. స్పెసిఫికేషన్లు ఇవే!

శాంసంగ్ తన ప్రాథమిక స్థాయి స్మార్ట్ ఫోన్ గెలాక్సీ ఏ01 కోర్ ను సైలెంట్ గా మార్కెట్లో లాంచ్ చేసింది. ఇందులో 1 జీబీ ర్యామ్ ఉండనుంది. 1.5 గిగా హెర్ట్జ్ క్వాడ్ కోర్ ప్రాసెసర్ ను ఇందులో ఉపయోగించనున్నారు. 16 జీబీ ర్యామ్, 32 జీబీ స్టోరేజ్ రెండు ఆప్షన్లు ఇందులో అందుబాటులో ఉన్నాయి. 3000 ఎంఏహెచ్ బ్యాటరీని ఇందులో అందించారు. ఈ ఫోన్ మొదట ఇండోనేషియాలో లాంచ్ అయింది.

Also Read: OnePlus Buds: వన్ ప్లస్ ఇయర్ బడ్స్ వచ్చేశాయ్.. యాపిల్ ఎయిర్ పోడ్స్‌కు సరైన ప్రత్యామ్నాయం!

శాంసంగ్ గెలాక్సీ ఏ01 కోర్ ధర
ఈ ఫోన్ ధర 10,99,000 ఇండోనేషియా రూపాయల(మనదేశంలో సుమారు రూ.5,500) నుంచి ప్రారంభం కానుంది. 16 జీబీ, 32 జీబీ స్టోరేజ్ వేరియంట్లలో ఈ ఫోన్ అందుబాటులో ఉంది. అయితే ప్రారంభ ఆఫర్ కింద 9,99,000 ఇండోనేషియా రూపాయలకే(సుమారు రూ.5,000) దీన్ని విక్రయించనున్నారు. బ్లూ, బ్లాక్, రెడ్ రంగుల్లో ఈ ఫోన్ అందుబాటులో ఉండనుంది. ఈ ఫోన్ మనదేశంలో ఎప్పుడు లాంచ్ అవుతుందనే విషయాన్ని శాంసంగ్ తెలపలేదు.

శాంసంగ్ గెలాక్సీ ఏ01కోర్ స్పెసిఫికేషన్లు
ఇందులో 5.3 అంగుళాల హెచ్ డీ+ టీఎఫ్ టీ ఎల్సీడీ డిస్ ప్లేను అందించారు. ఇందులో 1.5 గిగా హెర్ట్జ్ క్వాడ్ కోర్ ప్రాసెసర్ ను అందించారు. 1 జీబీ ర్యామ్, 32 జీబీ వరకు స్టోరేజ్ ఇందులో అందుబాటులో ఉండనున్నాయి. స్టోరేజ్ ను మైక్రో ఎస్ డీ కార్డు ద్వారా 512 జీబీ వరకు పెంచుకోవచ్చు.

కెమెరా విషయానికి వస్తే.. ఇందులో వెనకవైపు 8 మెగా పిక్సెల్ కెమెరాను అందించారు. ముందువైపు 5 మెగా పిక్సెల్ సెల్ఫీ కెమెరా అందుబాటులో ఉంది. దీని బ్యాటరీ సామర్థ్యం 3000 ఎంఏహెచ్ గా ఉంది. దీన్ని ఒకసారి పూర్తిగా చార్జ్ చేస్తే 17 గంటల 4జీ టాక్ టైం, 14 గంటల ఇంటర్నెట్ యూసేజ్, 11 గంటల పాటు వీడియో ప్లేబ్యాక్ లభించనుందని శాంసంగ్ తెలిపింది.

Also Read: OnePlus Nord వచ్చేసింది.. రూ.25 వేలలోనే రూ.40 వేలకు సరిపడా ఫీచర్లు!

ఆండ్రాయిడ్ గో ఆపరేటింగ్ సిస్టంపై ఈ ఫోన్ పనిచేయనుంది. వైఫై, బ్లూటూత్ 5.0, 3.5 ఎంఎం హెడ్ ఫోన్ జాక్, జీపీఎస్, గ్లోనాస్ వంటి కనెక్టివిటీ ఫీచర్లను ఇందులో అందించారు. ఈ ఫోన్ మందం 0.86 సెంటీమీటర్లుగా ఉండగా, బరువు 150 గ్రాములుగా ఉంది.