BSNL : ఈ నెలాఖరు వరకే ఈ రెండు ప్లాన్‌లపై భారీ ఆఫర్లు - 3 నెలల వరకు ఉచిత వ్యాలిడిటీ

భారత్‌ సంచార్ నిగమ్ లిమిటెడ్ (BSNL) కొంతకాలం క్రితం ప్రత్యేక ఆఫర్లను ప్రకటించింది. యూజర్లను పెంచుకోవడమే లక్ష్యంగా కొన్ని ప్లాన్‌లపై అదనపు బెనిఫిట్స్ ఇస్తోంది ప్రభుత్వం టెలికం సంస్థ BSNL. ఇందులో ముఖ్యంగా రెండు ప్రీపెయిడ్ ప్లాన్‌లపై అదనపు వ్యాలిడిటీ ఆఫర్ ఆకర్షణీయంగా ఉంది. అయితే ఈ ప్లాన్‌లపై ప్రత్యేక ఆఫర్‌ ఈ నెల 31తో ముగియనుంది. ఆలోపు రీచార్జ్ చేసుకున్న వారికే అదనపు బెనిఫిట్స్ దక్కుతాయి. ప్రస్తుతం అదనపు వ్యాలిడిటీ దక్కుతున్న ఆ రెండు BSNL ప్రీపెయిడ్ ప్లాన్లు రూ.2,999, రూ.2,399. ధర ఖరీదే అయినా వీటితో ప్రయోజనాలు కూడా ఎక్కువే. ఇక ప్రస్తుతం ఉన్న ఆఫర్‌ ప్రకారం మరింత ఎక్కువ బెనిఫిట్స్ లభిస్తున్నాయి. మరి బీఎస్ఎన్ఎల్ రూ.2,999, రూ.2,399 ప్రీపెయిడ్ ప్లాన్‌లపై ప్రస్తుతం ఉన్న ఆఫర్లు ఏటంటే…

ఆఫర్‌తో బీఎస్ఎన్ఎల్ రూ.2,999 ప్లాన్ | BSNL Rs 2999 Prepaid Plan
ప్రస్తుతం రూ.2,999 ప్లాన్‌తో రీచార్జ్ చేసుకుంటే 90 రోజులు అంటే ఏకంగా మూడు నెలల వ్యాలిడిటీని ఉచితంగా ఇస్తోంది BSNL. మార్చి 31వ తేదీ వరకు ఈ ఆఫర్‌ ఉండనుంది. సాధాణంగా 365 రోజుల వ్యాలిడిటీ ఉండే ఈ ప్లాన్‌ ద్వారా రోజుకు 3జీబీ డేటా, అన్‌లిమిటెడ్ కాల్స్, రోజుకు 100 ఎస్ఎంఎస్‌లు లభిస్తాయి. అయితే ఈ నెలాఖరులోగా రీచార్జ్ చేసుకుంటే 90 రోజుల అదనపు వ్యాలిడిటీ వర్తిస్తుంది. అంటే మొత్తంగా 445రోజుల పాటు ఈ ప్రయోజనాలను పొందవచ్చు.

ఆఫర్‌తో బీఎస్ఎన్ఎల్ రూ.2,399 ప్లాన్‌ | BSNL Rs 2399 Prapad Plan
సాధారణంగా బీఎస్ఎన్ఎల్ రూ.2,399 ప్లాన్ 365 రోజుల వ్యాలిడిటీతో వస్తుంది. అయితే ప్రస్తుతం ఉన్న ప్రత్యేక ఆఫర్‌ వల్ల మార్చి 31లోగా ఈ ప్లాన్‌తో రీచార్జ్ చేసుకుంటే అదనంగా 60 రోజుల వ్యాలిడిటీ లభిస్తుంది. అంటే మొత్తంగా 425 రోజుల వ్యాలిడిటీ దక్కుతుంది. ఈ ప్లాన్‌ ద్వారా రోజుకు 2జీబీ డేటా, అన్‌లిమిటెడ్ కాల్స్, రోజుకు 100ఎస్ఎంఎస్‌లు లభిస్తాయి.

మరోవైపు దేశంలో 4జీ నెట్‌వర్క్ సర్వీస్‌లను ప్రారంభించేందుకు బీఎస్ఎన్ఎల్ వేగంగా చర్యలు చేపడుతోంది. టెక్ దిగ్గజం టీసీఎస్ దేశీయంగా అభివృద్ధి చేసిన టెక్నాలజీతో 4జీ సేవలను తీసుకొచ్చేందుకు సిద్ధమైంది. ఈ సంవత్సరం స్వాతంత్య్ర దినోత్సవం రోజున దేశంలో 4జీ సేవలు మొదలుపెట్టాలని BSNL ప్రణాళిక రచించినట్టు సమాచారం.