7 అంగుళాల డిస్ ప్లే, భారీ బ్యాటరీతో రానున్ టెక్నో కొత్త ఫోన్.. లాంచ్ డేట్ వచ్చేసింది!

టెక్నో స్పార్క్ పవర్ 2 ఎయిర్ మనదేశంలో సెప్టెంబర్ 14వ తేదీన లాంచ్ కానుంది. ఫ్లిప్ కార్ట్ లిస్టింగ్‌లో ఈ తేదీని వెల్లడించారు. లాంచ్ తేదీతో పాటు దీనికి సంబంధించిన కీలక వివరాలను కూడా కంపెనీ వెల్లడించింది.

Also Read: హానర్ 30ఐ వచ్చేసింది. 48Mp కెమెరా, 4000 ఎంఏహెచ్ బ్యాటరీ.. ఇంకా ఎన్నో ఫీచర్లు!

ఫ్లిప్ కార్ట్ లిస్టింగ్ ప్రకారం ఈ ఫోన్ ఒక్కసారి చార్జ్ చేస్తే నాలుగు రోజుల బ్యాటరీ బ్యాకప్‌ను అందించనుంది. వెనకవైపు నాలుగు కెమెరాల సెటప్, 7 అంగుళాల భారీ డిస్ ప్లేను కూడా ఇందులో అందించారు. దీని ధర రూ.9 వేల లోపే ఉండనుంది. దీనికి #PowerPlayEntertainment అనే హ్యాష్ ట్యాగ్‌ను అందించారు. కాబట్టి ఈ ఫోన్ భారీ బ్యాటరీతో వచ్చే అవకాశం ఉంది.

ఇందులో ఫ్రంట్ కెమెరా కోసం వాటర్ డ్రాప్ నాచ్ తరహా డిస్ ప్లేను అందించనున్నారు. ఇవి తప్ప ఈ ఫోన్ గురించి ఇంకే వివరాలు అందుబాటులో లేవు.

జూన్ లో టెక్నో స్పార్క్ పవర్ 2 స్మార్ట్ ఫోన్ మనదేశంలో లాంచ్ అయింది. దీని ధర రూ.9,999గా ఉంది. ఇందులో 7 అంగుళాల భారీ డిస్ ప్లే, 6000 ఎంఏహెచ్ బ్యాటరీని అందించారు. దీని స్క్రీన్ టు బాడీ రేషియో 90.6 శాతంగా ఉంది. ఆండ్రాయిడ్ ఆధారిత హైఓఎస్ ఆపరేటింగ్ సిస్టంపై ఈ ఫోన్ పనిచేయనుంది. మీడియాటెక్ హీలియో ఏ22 ప్రాసెసర్ ను ఇందులో అందించారు.

Also Read: సెకన్ల వ్యవధిలోనే లక్షల్లో అమ్ముడుపోయిన రియల్‌మీ 7 ఫోన్లు.. ఎన్ని కొనేశారంటే?

ఇందులో 4 జీబీ ర్యామ్, 64 జీబీ స్టోరేజ్ ను అందించారు. దీన్ని మైక్రో ఎస్ డీ కార్డు ద్వారా 256 జీబీ వరకు పెంచుకోవచ్చు. ఇక కెమెరా విషయానికి వస్తే.. ఇందులో వెనకవైపు నాలుగు కెమెరాలు ఉన్నాయి. ముందువైపు 16 మెగా పిక్సెల్ సెల్ఫీ కెమెరాను అందించారు.